Yahaya 12:16 - Fulfulde Nigeria

¹⁶ Arande tokkuɓemo paamaayi ɗu'um, ammaa gaɗa Yeesu teddinaama, sey ɓe ciftori ɗu'um ɗum windaa dow maako ɗum boo waɗaniimoɗum.

Yahaya 12:16 ပူးပေါင်းရင်းမြစ်များ

Yahaya 2:22

Gaɗa o umminaama daga mayde, sey tokkuɓemo ciftori ka'a haala ka o wi'uno, nden ɓe njaɓi ko aayaaje mbi'i e ko Yeesu wi'i.

Yahaya 14:26

Ammaa e woodi Ballayɗum, waato Ruuhu Allah ɗum Nyaako Mo Dow liloyta nder inde am. Ɗum ekkitinay'on koo ɗume, ɗum siftoranay'on fuu ko mbiimi'on.

Yahaya 7:39

Nde Yeesu wi'i ɗu'um, dow Ruuhu Allah o metata ɗum kooliiɓemo keɓata. E ngel ɗon carel Allah hokkaayi Ruuhu muuɗum taw, ngam Yeesu teddinaaka taw.

Kuuɗe Lilaaɓe 2:36

“Ngam maajum e haani yimɓe Israa'iila fuu tabbitina Allah suɓii Yeesu mo mbarɗon dow gaafaangal warta Almasiihu Jeyɗo Laamu.”

Yahaya 12:23

Yeesu wi'iɓe, “Carel warii ngel Ɓii Neɗɗo teddintee.

Ibraaniyanko'en 12:2

En ngaɗu hakkiilo meeɗen dow Yeesu, maɓɓitanɗo'en laawol hoolaaki Allah ballayɗo'en hoolaare meeɗen warta kewnde. Ngam welwelo ngo o heɓata yeeso, o munyii nder torra nde o waraa dow gaafaangal, o wannaayi e cemtuɗum wareeki dow gaafaangal, nden jooni e mo ton jooɗii to nyaamo jooɗorgal laamu Allah.

Ibraaniyanko'en 8:1

Jooni fuu ko min mbi'ata kanjum woni, en ngoodi Mawɗo Mawɓe Ardiiɓe Diina. E mo jooɗii e jungo nyaamo jooɗorgal Joomu Mangu ton dow.

Kuuɗe Lilaaɓe 3:13

Allah mo Ibraahim e Iciyaaku e Yaakubu, Allah mo maama'en meeɗen, o teddinii maccuɗo maako Yeesu. Ammaa kanko woni mo kokkitirnooɗon ngam o waree. On nganyiimo yeeso Bilaatus koo nde Bilaatus e yiɗi yoofukimo.

Kuuɗe Lilaaɓe 2:33

Allah mawniniimo, jooɗiniimo e jungo muuɗum nyaamo hokkimo Ruuhu muuɗum no o waɗunoo alkawal. Kanko boo o hokkiiminɗum. Kanjum woni ko ngi'oton e ko nanoton jooni.

Yahaya 16:4

Ammaa mi wi'u'onka ngam to carel ngel waɗii ciftoron ko mbiimi'on. Mi wi'aayi'onka daga arande ngam e mi wondi e mooɗon.

Luka 24:45

Nden o maɓɓiti faamu maɓɓe ngam ɓe paama Deftere Ceniinde.

Luka 24:25

Yeesu wi'iɓe, “On ngalaa faamu, ɓerɗe mooɗon e neeɓa njaɓaayi koo ɗume ko annabo'en mbi'unoo!

Luka 18:34

Tokkuɓemo sappo e ɗiɗo ɓen paamaayi ko o wi'i dow hoore maako. Faamu ɗum suuɗanakeɓe, ɓe keɓtaayi dow ɗume o metata.

Luka 9:45

Ammaa ɓe paamaayi ko o wi'iɓe. Ɗum suuɗanakeɓe ngam to' ɓe paamaɗum, nden e ɓe kula ƴamukimo dow maajum.

Yahaya 17:5

Nyaako am, jooni teddinam yeeso maaɗa teddungal ngal ngoodunoomi yeeso maaɗa ko duuniyaaru tagee.

Markus 16:19

Gaɗa Yeesu Joomiraawo metaniiɓe, o hoccaa yaaki dow, o jooɗii jungo nyaamo ngo Allah.

Markus 9:32

Ammaa ɓe paamaayi ko o wi'iɓe, nden e ɓe kula ƴamukimo.