Yahaya 10:4 - Fulfulde Nigeria

⁴ To o wurtinii fuu baali maako, o ardotoɗi, ɗi tokkaymo, ngam e ɗi andi hononde maako.

Yahaya 10:4 ပူးပေါင်းရင်းမြစ်များ

Yahaya 10:16

E mi woodi goɗɗi baali ɗi ngalaa nder hoggo ngo'o. Doole mi waddaɗi kanji maa. Ɗi kettindanto hononde am. Ngam non ɗi ngartay ornde go'o, gaynaako go'o.

Yahaya 12:26

Fuu kuwanoowoyam doole tokkayam. Nden to ngonmi, ton kuwanoowoyam wonata, kanko maa. Koo moye kuwanayɗoyam, Nyaako am hokkaymo mangu.”

Yahaya 18:37

Sey Bilaatus ƴamimo wi'i, “Too, an, a laamiiɗo won ɗon?” Yeesu nootii, wi'i, “A wi'ii mi laamiiɗo. Ngam ɗu'um ɗum danyiyam, nden ngam maajum ngarmi nder duuniyaaru ngam mi meta dow ko woni goonga. Koo moye giɗɗo goonga tokkay ko mbiimi.”

1 Biiturus 2:21

Dow iri kan ɗon torra Allah noddi'on, ngam Almasiihu maa yarii torra ngam mooɗon. O alanii'on ko tokkoton ngam njooɗorooɗon no o jooɗorii.

1 Biiturus 5:3

To' on kollu yimɓe ɓe Allah tambini'on laamu sembe, ammaa ngartee ko ɓe ekkitotoo to mooɗon.

1 Korintiyanko'en 11:1

Ekkitee to am no ekkitoriimi to Almasiihu.

Yahaya 10:8

Fuu artuɓeyam warki ɓe wuyɓe ɓe teetooɓe, baali ɗin boo kettindanaakiɓe.

Maatiyu 16:24

Sey Yeesu wi'i tokkuɓemo, “Fuu giɗɗo warta tokkuɗoyam, doole wanya hoore muuɗum, hocca gaafaangal muuɗum, tokkayam.

Ibraaniyanko'en 12:2

En ngaɗu hakkiilo meeɗen dow Yeesu, maɓɓitanɗo'en laawol hoolaaki Allah ballayɗo'en hoolaare meeɗen warta kewnde. Ngam welwelo ngo o heɓata yeeso, o munyii nder torra nde o waraa dow gaafaangal, o wannaayi e cemtuɗum wareeki dow gaafaangal, nden jooni e mo ton jooɗii to nyaamo jooɗorgal laamu Allah.

Ibraaniyanko'en 6:20

Ton Yeesu artuɗo'en natti ngam meeɗen. O wartii mawɗo mawɓe ardiiɓe diina haa abadaa bo Malkisadik.

Aafisanko'en 5:1

Nde onon ngoni ɓiɓɓe ɓe Allah yiɗi, ekkitee iri ngikku maako nder jonde mooɗon.

Yahaya 3:29

Angoojo jeyi ɓaŋaaɗo. Higo angoojo on dariiɗo e nana ko o wi'ata, o nanay belɗum naa' seɗɗa to o nanii hononde angoojo on. Iri belɗum ɗum higo angoojo on nani, iri maajum nanaymi naa' seɗɗa jooni.

Yahaya 13:15

Mi waɗanii'on ko ekkitotooɗon, ngam onon maa ngaɗanon woɓɓe non no ngaɗanmi'on.

1 Biiturus 4:1

Nde Almasiihu yarii torra nder ɓandu, onon maa ciryee ɓerɗe mooɗon ngam yarki torra. Ngam fuu jarɗo torra nder ɓandu, alii waɗuki hakke.

Yahaya 10:3

Deenoowo dammugal hoggo ngon maɓɓitanaymo dammugal, baali ɗin boo e andi hononde maako. E mo noddiraɗi inɗe maaji, o ardooɗi ɗi mburtoo.

Yahaya 10:5

Ammaa ɗi tokkataa koɗo, ɗi ndoggaymo, ngam ɗi andaa hononde koɗo.”

Yahaya 10:27

Baali am e kettindanooyam. E mi andiɗi, nden e ɗi tokkayam.