Yahaya 1:45 - Fulfulde Nigeria

⁴⁵ Sey Filibus yahi tawi Nataaniyal wi'imo, “Min kawrii e on ɗon neɗɗo mo Muusa windi dow muuɗum nder Attawra, mo annabo'en maa mbindi dow maako, waato Yeesu ɓiɗɗo Yusufu ƴiwoyɗo gariiri Najarat.”

Yahaya 1:45 ပူးပေါင်းရင်းမြစ်များ

Luka 24:27

Nden o famtiniɓe ko Deftere wi'i waɗay dow maako, daga Attawra yaaki Defte Annabo'en fuu.

Maatiyu 2:23

O yahi o jooɗii nder wondi gariiri bi'eteendi Najarat, ngam ɗum hebbina ko Allah wi'i daga konduɗe annabo'en wiiki, “Ɗum noddaymo Najarankeejo.”

Luka 24:44

Nden o wi'iɓe, “Ɗu'um woni ko mbiinoomi'on carel ko ngondunoomi e mooɗon: Koo ɗume ko windaa nder Attawra, e Defte Annabo'en, e Jabuura dow am doole ɗum heewa.”

Luka 4:22

Koo moye e wi'a boɗɗum dow maako. Boliiɗe boɗɗe burtiiɗe nder honduko maako hayɗiniiɓe. Ɓe mbi'i, “Naa' o'o woni ɓiɗɗo Yusufu?”

Yahaya 18:7

Sey Yeesu fuɗɗiti ƴamiɓe wi'i, “Moye ɗaɓɓitoton?” Ɓe mbi'i, “Yeesu Najarankeejo.”

Markus 6:3

Naa' kanko woni on ɗon cehoowo, ɓiɗɗo Maryaama, mawniraawo Yaakubu, e Yusufu, e Yahuuda, e Siiman? Nden minyiraaɓe maako rewɓe naa' en ngondi e maɓɓe ɗo'o?” Sey ɓe njawanimo.

Maatiyu 21:11

Sey yimɓe ɗuɗɓe ɓen jaadooɓe e Yeesu mbi'i, “Ɗum Yeesu, annabiijo daga gariiri Najarat nder leydi Galiili.”

Kuuɗe Lilaaɓe 22:8

Nootiimi mbiimi, ‘Mawɗo, an ɗum moye?’ O wi'iyam, ‘Min woni Yeesu Najarankeejo mo torrataa.’

Kuuɗe Lilaaɓe 10:38

On andi no Allah suɓiri Yeesu Najarankeejo, e no o hokkirimo bawɗe Ruuhu maako. On andi no Yeesu yiilorii nder gariije fuu e mo huwa kuuɗe boɗɗe, e mo yamɗitina ɓe Ceyɗan torrata fuu ngam Allah e wondi e maako.

Yahaya 21:2

Siiman Biiturus, e Tooma bi'eteeɗo Ciwtaaɗo, e Nataaniyal ƴiwoyɗo Kaana nder leydi Galiili, e ɓiɓɓe Jabadi, e woɓɓe tokkuɓe Yeesu ɗiɗo ɓe fuu e ɓe kawriti.

Luka 2:4

Sey Yusufu maa ummii daga gariiri Najarat nder leydi Galiili. O yahi gariiri to Dawda danyaa bi'eteendi Baytalaami ngondi nder leydi Yahuudiya, ngam kanko daga lenyol Dawda.

Markus 14:67

Nde o yi'i Biiturus e irfoo, o sutiimo, o wi'imo, “An maa, a wondi e Yeesu on ɗon ƴiwoyɗo gariiri Najarat.”

Maatiyu 13:55

Naa' kanko woni ɓiɗɗo on ɗon cehoowo? Naa' maduujo maako e wi'ee Maryaama? Naa' Yaakubu e Yusufu e Siiman e Yahuuda ngoni minyiraaɓe maako?

Kuuɗe Lilaaɓe 26:9

“Min e hoore am, ndenno mi kammake e haani mi waɗa ko mbaawaymi waɗuki ngam mi wonna inde Yeesu Najarankeejo.

Kuuɗe Lilaaɓe 3:6

Biiturus wi'imo, “Mi walaa ceede, ammaa mi hokkete ko ngoodumi. Nder inde Yeesu Almasiihu Najarankeejo, e mi wi'imaa, umma, njaaɓaa!”

Kuuɗe Lilaaɓe 2:22

Ɗonmaa Biiturus wi'i, “Yimɓe Israa'iila, nanee boliiɗe ɗe'e: Allah hollii'on o suɓii Yeesu Najarankeejo ngam o hokkiimo bawɗe huwuki kuuɗe mawɗe e kuuɗe kayɗiniiɗe e alaamaaji ɗi o waɗi nder mooɗon. Onon e ko'e mooɗon on andi ko waɗi.

Yahaya 19:19

Bilaatus windi dow allowal o waɗi ɗum takkingal hoore gaafaangal Yeesu. Ko o windi woni, “Yeesu Najarankeejo Laamiiɗo Yahuudanko'en.”

Yahaya 18:5

Ɓe mbi'i, “Yeesu Najarankeejo.” O wi'iɓe, “Ɗum min.” Yahuuda kokkitirayɗomo boo e darodii e maɓɓe.

Yahaya 6:42

Ɓe mbi'i, “Naa' o'o woni Yeesu ɓiɗɗo Yusufu? En andi nyaako maako e maduujo maako. No waɗata jooni o wi'a daga dow o ƴiwoyi?”

Luka 3:23

Ko Yeesu fuɗɗi kuugal muuɗum, o ɓadake duuɓi 30. Yimɓe e nyuma Yeesu ɗum ɓiɗɗo Yusufu. Yusufu ɓiɗɗo Heeli,

Maatiyu 10:3

e Filibus, e Batiloomi, e Tooma, e Maatiyu jaɓoowo ceede leydi, e Yaakubu ɓii Halfa, e Taadiyus,

Luka 2:48

Nde danyooɓe maako ngi'imo, ɓe kayɗini. Maduujo maako wi'imo, “Ɓiɗɗo am, ko waɗi ngaɗanɗaamin niini? Min e nyaako maaɗa nde min ɗaɓɓiti min ngi'aayima, min ngannii.”

Yahaya 1:44

Filibus boo o neɗɗo gariiri Betasayda. Kayri woni gariiri Andiraawus e Biiturus.

Yahaya 6:5

Nde Yeesu raari yi'i yimɓe ɗuɗɓe e ngara to maako, o wi'i Filibus, “Toye coodeten nyamndu keƴayndu yimɓe ɓe'e?”

Yahaya 6:7

Filibus wi'imo, “Koo njoɓaari ndi kuwoowo heɓata nder lebbi joweetati ndi heƴataa sooduki nyamndu keƴayndu koo moye maɓɓe heɓa seɗɗa.”

Yahaya 12:21

Ɓe njahi to Filibus ƴiwoyɗo Betasayda nder leydi Galiili, ɓe mbi'imo, “Moodibbo, e min ngiɗi yiiki Yeesu.”

Yahaya 14:8

Filibus wi'imo, “Moodibbo, hollumin Nyaako Mo Dow on, non heƴiimin.”

Luka 18:37

Ɓe mbi'imo, “Yeesu Najarankeejo ƴaɓɓotoo.”