Yahaya 1:34 - Fulfulde Nigeria

³⁴ Ɗonmaa Yahaya wi'i, “Mi yi'iiɗum, mi ceydake kanko woni Ɓiɗɗo Allah.”

Yahaya 1:34 ပူးပေါင်းရင်းမြစ်များ

Yahaya 1:49

Nataaniyal wi'imo, “Moodibbo, an woni Ɓiɗɗo Allah! An woni laamiiɗo Israa'iila.”

Maatiyu 4:3

Sey Ceyɗan wari, wi'imo, “To an woni Ɓiɗɗo Allah, wi'u ɗe'e kaaƴe ngarta buroodi.”

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.

Wahayu Yahaya 2:18

“Nden windan malaa'ikaajo kawtal tokkuɓe Yeesu e gariiri Tayaatira wi'uki: “Min woni Ɓiɗɗo Allah gooduɗo gite bo ɗemngal hiite, mo koyɗe bo njamndi mboɗeeri ngoggaandi.

Roomanko'en 1:4

Ammaa Allah hollii e bawɗe mawɗe Yeesu Almasiihu Joomiraawo meeɗen o ɓiɗɗo maako nde o umminimo daga mayde barka Ruuhu maako.

Yahaya 20:31

Ammaa ɗu'um ɗum windaa ngam koolooɗon Yeesu woni Almasiihu Ɓiɗɗo Allah, nden laawol hoolaakimo keɓon yonki ki re'ataa barka inde maako.

1 Yahaya 4:9

Allah hollii'en yidde muuɗum nde o liloyi Ɓiɗɗo maako go'oto tan mo o woodi nder duuniyaaru, ngam keɓen yonki ki re'ataa barka Ɓiɗɗo on.

1 Yahaya 3:8

Fuu gaɗɗo ka waɗuki hakke, Ceyɗan jeyimo, ngam daga arande Ceyɗan o gaɗoowo hakke. Ko waɗi Ɓiɗɗo Allah wari duuniyaaru woni ngam o halka kuuɗe Ceyɗan.

1 Yahaya 2:23

Ngam koo moye wanyi Ɓiɗɗo on, wanyii Nyaako on maa. Fuu biiɗo e njayri Yeesu o Ɓiɗɗo Allah, e sumpootira e Allah Nyaako Mo Dow won ɗon.

2 Korintiyanko'en 1:19

Ngam habaru Ɓiɗɗo Allah, waato Yeesu Almasiihu, mo min nga'ajinani'on, min e Siila e Timooti, naa' ɗum “Ee” e “Aa'a,” ammaa kanko koo ndeye “Ee” maako ɗum “Ee.”

Yahaya 19:7

Sey Yahuudanko'en mbi'imo, “E min ngoodi dooka, kadin non no dooka ɗum wi'i doole o waree, ngam e mo wi'a kanko woni Ɓiɗɗo Allah.”

Yahaya 11:27

Marta wi'imo, “Ee, Moodibbo, mi jaɓii an woni Almasiihu, Ɓiɗɗo Allah, mo ɗum wi'i waray nder duuniyaaru.”

Yahaya 10:36

To ɗum non, min mo Nyaako Mo Dow suɓi ngam kuugal maako liloyiyam nder duuniyaaru, mi huɗii Allah won ɗon nde mbiimi, ‘Min mi Ɓiɗɗo Allah?’

Markus 1:1

Ɗu'um woni Habaru Belɗum dow Yeesu Almasiihu, Ɓiɗɗo Allah.

Maatiyu 27:54

Nde mawɗo sooji'en on e horiiɓe sooji'en reenooɓe Yeesu ngi'i dimbol leydi ngol e fuu ko waɗi, sey ɓe kultori naa' seɗɗa, ɓe mbi'i, “Goonga neɗɗo o'o o Ɓiɗɗo Allah!”

Maatiyu 27:43

O hoolake Allah. Al Allah on hisnamo jooni to e mo yiɗimo, ngam o wi'ii, ‘Min mi Ɓiɗɗo Allah.’ ”

Maatiyu 27:40

e ɓe mbi'a, “An giɗɗo pusuki Wuro Ceniingo mahitoongo nder balɗe tati, hisnu hoore maaɗa! Taa Ɓiɗɗo Allah, jippoya daga dow gaafaangal!”

Maatiyu 26:63

Ammaa Yeesu de''iti. Sey Mawɗo Mawɓe Ardiiɓe Diina on wi'imo, “Mi hawtiima e Allah mo yonki, wi'umin to an woni Almasiihu, Ɓiɗɗo Allah.”

Maatiyu 17:5

E mo nder metuki, sey raa wonga nduula ɗelkitotoonga wari suddiɓe. Ɓe nani hononde Allah daga nder maaga, wi'i, “O'o woni Ɓiɗɗo am mo ngiɗumi. E mi nana belɗum maako naa' seɗɗa. Nanee ko o wi'ata'on!”

2 Yahaya 1:9

Fuu mo daraaki dow ekkitinol Almasiihu, ammaa o ɓeydi wongol ekkitinol, Allah wondaa e maako. Ammaa dariiɗo dow ekkitinol Almasiihu e mo wondi e Nyaako Mo Dow e Ɓiɗɗo maako.

Ibraaniyanko'en 7:3

Ɗum windaayi koo e mo woodi nyaako, koo maduujo, koo lenyol. Ɗum windaayi dow nyalnde danyngol maako, koo nyalnde mayde maako. E mo nandi e Ɓiɗɗo Allah, o ardiiɗo diina haa abadaa.

Luka 3:22

Ruuhu Allah jippoyii dow maako e ɓandu bo foondu. Hononde ƴiwoyi daga dow wi'i, “An woni Ɓiɗɗo am, mo ngiɗumi. E mi nana belɗum maaɗa.”

Luka 1:35

Malaa'ikaajo on wi'imo, “Ruuhu Allah jippoyto dow maaɗa, bawɗe Allah Joomu Mangu suddete bo ɗowdi. Ngam non, danyeteeɗo on ɗum noddiraymo ‘Ɓiɗɗo Allah, Ceniiɗo.’

Markus 1:11

Hononde ƴiwoyi daga dow wi'i, “An woni Ɓiɗɗo am, mo ngiɗumi. E mi nana belɗum maaɗa.”

Maatiyu 16:16

Sey Siiman Biiturus nootii, wi'i, “An woni Almasiihu, Ɓiɗɗo Allah mo yonki.”

Maatiyu 11:27

Sey o wi'i yimɓe, “Nyaako am hokkiiyam koo ɗume. Walaa anduɗo moye woni Ɓiɗɗo on sey ni Nyaako on, non maa walaa anduɗo Nyaako on sey ni Ɓiɗɗo on, e mo Ɓiɗɗo on yiɗi andina Nyaako on.

Maatiyu 8:29

Ɗon e ɗon ɓe ngulli, e ɓe mbi'a, “Ko wannumaa e amin, Ɓiɗɗo Allah? A warii ngam torraamin ko carel waɗa?”

Maatiyu 4:6

wi'imo, “To an woni Ɓiɗɗo Allah, diwu daga ɗo'o ngam aayaare wi'ii, ‘Allah wi'ay malaa'ika'en muuɗum mballumaa boɗɗum. Ɓe taɓɓete nder juuɗe maɓɓe, ngam to' nawnaa koyɗe maaɗa dow hayre.’ ”

Maatiyu 3:17

Sey hononde ƴiwoyi daga dow wi'i, “O'o woni Ɓiɗɗo am mo ngiɗumi, e mi nana belɗum maako.”

Yahaya 20:28

Sey Tooma wi'imo, “Joomiraawo am, Allah am!”

Yahaya 10:30

Min e Nyaako Mo Dow min go'o.”

Yahaya 6:69

Min njaadake min koolakema, e min andi an woni Ceniiɗo mo Allah.”

Yahaya 1:18

Walaa neɗɗo meeɗuɗo yiiki Allah. Ɓiɗɗo maako bajjo, gonɗo nder ɓernde Nyaako Mo Dow, kanko holli'en no Allah wa'i.