Yahaya 1:29 - Fulfulde Nigeria

²⁹ Gaɗa ɗu'um waɗii nde fini Yahaya yi'i Yeesu e waroya to muuɗum, o wi'i, “Raa Karoori Allah, ittayndi hakkeeji duuniyaaru!

Yahaya 1:29 ပူးပေါင်းရင်းမြစ်များ

1 Yahaya 2:2

Kanko woni mo ɗum sakki ngam yaafaaki hakke meeɗen. Naa' hakke meeɗen tan, ammaa haa e hakke yimɓe duuniyaaru fuu.

1 Yahaya 3:5

On andi Yeesu Almasiihu warii ngam itta hakke. Kanko o walaa hakke.

1 Biiturus 1:19

Ɗum rimɗinirii'on ƴiiƴam Almasiihu gooduɗam daraja. Kanko woni bo karoori ndi walaa goɗɗum ko haanaa.

2 Korintiyanko'en 5:21

Almasiihu meeɗaayi waɗuki hakke, ammaa Allah yowii fuu hakkeeji meeɗen dow maako, ngam laawol maako ngarten aadili'en yeeso Allah.

1 Biiturus 2:24

Kanko e hoore maako jaɓi o yowanee hakke ɗum ngaɗuɗen o ɓilee dow gaafaangal. O waɗu non ngam laawol mayde maako alen waɗuki hakke, njooɗooɗen jonde aadilaaku. No aayaare wi'i, “Barka nawnooɗe maako on njamɗitii.”

Ibraaniyanko'en 1:3

E mo holla jayngol teddungal Allah, nden nder koo ɗume e mo nandi e Allah. E mo jogorii koo ɗume wolde maako goodunde bawɗe. Gaɗa o waɗii laawol yaafaaki hakke, o jooɗii ton dow to jungo nyaamo ngo Allah Joomu Mangu.

Wahayu Yahaya 6:1

Nden mi yi'i Karoori ndin takkitii go'o nder haatimiije joweeɗiɗi ɗen. Sey nanmi go'o nder tagaaɗum nayum gooduɗum yonki ɗum ɗon noddii sembee bo hoolo falmaango wi'i, “Woroy!”

Wahayu Yahaya 12:11

Ɓe keɓii jaalorgal dow maako barka ƴiiƴam Karoori ndin nden e barka Wolde Allah ngam ɓe njaɓii ɓe ndulla yonki maɓɓe.

Galaatiyanko'en 3:13

Yeesu Almasiihu rimɗinii'en daga laaneeki ki Attawra waddi, nde o warti ko laanaa ngam meeɗen. Ngam aayaare wi'ii, “Koo moye baraaɗo dow lekki o laanaaɗo.”

Yahaya 1:36

sey o yi'i Yeesu e ƴaɓɓoo, o wi'i, “Raa Karoori Allah!”

Wahayu Yahaya 7:17

Ngam Karoori ngondi caka jooɗorgal laamu ngal ndi wartay gaynaako maɓɓe. Nden ndi yaarayɓe to ndiyam yonki ɓuliroyta. Allah boo moytanayɓe fuu gonɗi maɓɓe.”

Kuuɗe Lilaaɓe 8:32

Raa aayaaje ɗe o jangata nder deftere nden: “O fooɗaama bo mbaala kirsoyteenga. No ɓii mbaala de''itirta to jungo taƴoowo leeɓe maaga, non o de''itiri.

Wahayu Yahaya 17:14

Ɓe konay Karoori ndin, ammaa Karoori ndin heɓa jaalorgal dow maɓɓe ngam kanko woni Joomiraawo joomiraaɓe, Laamiiɗo lamlamɓe. Wonduɓe e maako boo ɓe noddaaɓe, ɓe cuɓaaɓe, ɓe tokkuɓe Joomiraawo boɗɗum.”

Wahayu Yahaya 15:3

E ɓe ngima gimol Muusa maccuɗo Allah e gimol Karoori ndin, e ɓe mbi'a, “Yaa Allah Joomiraawo Joomu Bawɗe, kuuɗe maaɗa ɗe mawɗe kayɗiniiɗe. Laamiiɗo leƴƴi fuu, koo ɗume ko ngaɗataa e woodi aadilaaku e goonga!

Wahayu Yahaya 14:1

Nden mi raarii sey ngiimi Karoori ndin e darii dow Hocceere Sihiyoona. E mo wondi e yimɓe 144,000 ɓe ɗum windani inde maako e nde Nyaako maako to tiiɗe maɓɓe.

Wahayu Yahaya 7:14

Sey mbiimoomi, “Mi andaa, mawɗo. An a andi.” Sey o wi'iyam, “Ɓe'e yimɓe kamɓe ƴiwoyi daga nder torra kalluka. Ɓe laɓɓiniri kolte maɓɓe e ƴiiƴam Karoori ndin ɗe ndanni tar.

1 Biiturus 3:18

Ngam Almasiihu maayii nde go'o ngam ittuki hakkeeji meeɗen. Kanko o gooduɗo aadilaaku, ammaa o maayii ngam ɓe ngalaa aadilaaku ngam o yaara'en to Allah. Ɗum wariimo, ammaa Ruuhu Allah hokkiimo yonki.

Wahayu Yahaya 19:9

Sey malaa'ikaajo on wi'iyam, “Windu ɗu'um. Ɓe barkiɗinaaɓe kumpitaaɓe humto teegal Karoori ndin.” Nden o wi'iyam, “Ka'a haala ɗum goonga, to Allah ɗum ƴiwoyi.”

Wahayu Yahaya 14:10

o yaray bone kalluɗum ɗum Allah siryii e sembe muuɗum nder tummude monnere muuɗum. Ɗum torriraymo hiite e kibiritu yeeso malaa'ika'en ceniiɓe e Karoori ndin.

Wahayu Yahaya 13:8

Fuu yimɓe jooɗiiɓe e duuniyaaru ɓe mawninayndi, sey ni ɓe ɗum windi inɗe maɓɓe ko duuniyaaru tagee nder deftere yonki nde Karoori baraandi.

Yahaya 3:16

Ngam yidde nde Allah yiɗi duuniyaaru haa o hokkii Ɓiɗɗo maako bajjo, ngam koo moye kooliiɗomo to' halka ammaa heɓa yonki ki re'ataa.

Wahayu Yahaya 19:7

En welweltu nanen belɗum naa' seɗɗa, en mawninmo, ngam carel ngel Karoori te'ata warii. Nden ɓaŋaaɗo maako on siryake.

Wahayu Yahaya 14:4

Kamɓe ngoni gaɗuɓe jonde lamnde ngam ɓe meeɗaayi walduki e rewɓe, e ɓe tokka Karoori ndin fuu to ndi fa'i. Kamɓe ngoni rimɗinaaɓe nder yimɓe horiiɓe, kamɓe ngoni ɓe ɗum arti hokkuki Allah e Karoori ndin.

Wahayu Yahaya 5:8

Nde ndi jaɓinde, tagaaɗum nayum gooduɗum yonki ɗum e mawɓe 24 ɓen njani yeeso mayri mawninindi. Koo moye e jogii garaayaaru e tummude jiinaari e nde heewi urde welnde, kayre woni do'aaje yimɓe Allah.

Wahayu Yahaya 1:5

e Yeesu Almasiihu, ceyduujo Allah mo goonga, barkiɗina'on, hokka'on jam. Yeesu artuɗo ummaaki daga mayde kanko woni laamiiɗo laamiiɓe duuniyaaru. E mo yiɗi'en, o hisnii'en daga hakkeeji meeɗen barka ƴiiƴam mayde maako.

Wahayu Yahaya 21:9

Sey go'oto nder malaa'ika'en njoweeɗiɗo ɓen wari, ɓen ɗon jogiiɓe tummuɗe joweeɗiɗi keewuɗe monnere Allah cakitiiɗum. O wi'iyam, “Woroy mi holloymaa ɓaŋaaɗo, debbo Karoori ndin.”

Wahayu Yahaya 6:16

Ɓe mbi'i kocceeje ɗen e kaaƴe ɗen, “Njanoyee dow amin, cuuɗonmin to' gonɗo dow jooɗorgal laamu yi'amin, nden to' Karoori ndin halkamin.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

Wahayu Yahaya 21:27

Walaa goɗɗum ko senaaki nattayɗum gariiri ndin, koo boo gaɗoowo kuuɗe nefniiɗe, koo pewoowo. Sey ni ɓe ɗum windi inɗe mu''en nder deftere yonki nde Karoori ndin, kamɓe tan nattata gariiri ndin.

1 Yahaya 4:10

Raa no yidde nde goonga wa'i, naa' enen ngiɗi Allah, ammaa Allah yiɗi'en o liloyi Ɓiɗɗo maako ngam warta cakkiri yaafaaki hakke meeɗen.

1 Timooti 2:6

kokkuɗo hoore maako ngam o rimɗina yimɓe. Kanjum woni ceyda ɗum um hokki nde carel waɗi.

1 Korintiyanko'en 15:3

Mi waddanii'on fii ɓurɗum daraja ɗum keɓumi. Kanjum woni Almasiihu maayii ngam hakke meeɗen non no goɗɗe aayaaje mbi'i,

Maatiyu 20:28

Non maa Ɓii Neɗɗo warii naa' ngam o jagganee, ammaa ngam o jagganoo yimɓe, o hokka yonki maako ngam rimɗinki ɗuɗɓe.”

Wahayu Yahaya 5:6

Sey ngiimi wondi Karoori e darii haade jooɗorgal ngal. Tagaaɗum nayum gooduɗum yonki ɗum e mawɓe ɓen e piliindi. Karoori ndin bo ndi hirsaanoma. E ndi woodi luwe joweeɗiɗi e gite joweeɗiɗi, kanje ngoni Ruuhuuji Allah joweeɗiɗi lilaaɗi nder duuniyaaru fuu.

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.

Galaatiyanko'en 1:4

Yeesu hokkii hoore muuɗum ngam hakke meeɗen ngam o hisna'en daga jaamanu kalluɗum ɗu'um. Non ɗum cuɓol Allah Nyaako meeɗen Mo Dow.

Kuuɗe Lilaaɓe 13:39

Kooliiɗomo fuu, o rimɗinaymo daga hakke ɗum Attawra waawaayi rimɗinkiɗum.

Maatiyu 1:21

O danyay ɓiɗɗo gorko nden a noddaymo Yeesu, ngam o hisnay yimɓe maako daga hakke maɓɓe.”

Wahayu Yahaya 21:14

Ɗum mahii mahol piliingol gariiri ndin dow kaaƴe sappo e ɗiɗi, nden dow maaje ɗum windii inɗe lilaaɓe sappo e ɗiɗo ɓe Karoori ndin.

Ibraaniyanko'en 2:17

Ngam maajum doole o wartiraa neɗɗo e koo ngole laawol, ngam o warta mawɗo mawɓe ardiiɗo diina mo goonga gooduɗo yurmeende nder kuugal Allah ngam hakke yimɓe njaafee.

Yahaya 1:35

Ɗonmaa gaɗa ɗu'um waɗii nde fini Yahaya e darii kanko e tokkuɓemo ɗiɗo,

Yahaya 1:43

Gaɗa ɗu'um waɗii nde fini Yeesu suɓi yaha leydi Galiili. Sey o tawi Filibus, o wi'imo, “Tokkam.”

Yahaya 2:1

Balɗe ɗiɗi gaɗa non waɗii ɗum waɗi humto teegal e gariiri Kaana ngondi nder leydi Galiili. Maduujo Yeesu boo e ɗon.

Yahaya 4:42

Ɓe mbi'i debbo on, “Jooni min koolake Yeesu, naa' ngam ko mbiiɗaa tan, ammaa ngam minon e ko'e amin min nanii ko o wi'i, min tabbitinii kanko woni Kisnoowo duuniyaaru.”

Yahaya 6:51

Min woni nyamndu kokkayndu yonki ƴiwoyndu daga dow. Fuu nyaamuɗondu, o jooɗoto haa abadaa. Ndu'u nyamndu ɗum ɓandu am, ndu kokkaymi ngam yimɓe duuniyaaru keɓa yonki ki re'ataa.”