Yahaya 1:17 - Fulfulde Nigeria

¹⁷ Allah hokkii Attawra e laawol Muusa, ammaa e laawol Yeesu Almasiihu o hollii yidde e goonga.

Yahaya 1:17 ပူးပေါင်းရင်းမြစ်များ

Roomanko'en 6:14

Ngam hakke heɓataa jaalorgal dow mooɗon, nde naa' ley Attawra ngonɗon, ammaa ley yidde Allah ngonɗon.

Yahaya 14:6

Yeesu wi'imo, “Min woni laawol, min woni goonga, min woni yonki. Walaa jahayɗo to Nyaako Mo Dow sey to tokkiiyam.”

Yahaya 1:14

Bi'eteeɗo Wolde on, o wartii neɗɗo, o jooɗii nder meeɗen, o kewɗo yidde e goonga. En ngi'ii teddungal maako, teddungal ɓiɗɗo bajjo ƴiwoyɗo to Nyaako Mo Dow.

Ibraaniyanko'en 9:22

Goonga, Attawra wi'ii haade koo ɗume e laaɓiniree ƴiiƴam, nden to naa' ƴiiƴam rufaa, hakke yaafataake.

Yahaya 8:32

Nden on anday goonga, goonga boo rimɗinay'on.”

Yahaya 7:19

Naa' Muusa hokkii'on Attawra? Fuu e non walaa goɗɗo mooɗon tokkuɗoɗum. Ngam ɗume ngiɗɗon warkiyam?”

Kuuɗe Lilaaɓe 28:23

Ɓe ndesi nyalnde nde ɓe co''oytoo to maako. Nde nyalnde nden wari, yimɓe ɗuɗɓe ngari, kawriti to Bulus jippii. Ilaa subaka haa alaasara e mo wa'ajinanaɓe, e mo hokkaɓe habaru Laamu Allah. E mo hollaɓe habaru Yeesu nder Attawra e nder defte annabo'en ngam o fooɗaɓe ɓe tokka Yeesu.

Galaatiyanko'en 3:17

Ko nginmi wiiki woni Attawra ɗum Allah hokki duuɓi 430 gaɗa ɗon, ɗum yewataa alkawal ngal Allah waɗunoo, nden ɗum sankitataangal.

Kuuɗe Lilaaɓe 7:38

Muusa on e mo nder kawtal maama'en meeɗen nder ladde, e mo wondi e malaa'ikaajo metanɗomo dow Hocceere Sinay. Kanko Allah hokki habaru wolde kokkaynde yonki ngam o waddana'en.

Yahaya 5:45

To' on nyumu mi wulloto'on yeeso Nyaako am. Muusa mo ngaɗuɗon kammunde dow muuɗum, kanko woni gullotooɗo'on.

2 Korintiyanko'en 1:20

Ngam Almasiihu hebbinii koo ngale alkawal ngal Allah waɗi. Kanjum waɗi mbi'eten “Aamin” laawol maako ngam teddinki Allah.

Yahaya 9:29

E min andi Allah metanii Muusa, ammaa neɗɗo o'o min andaa to o ƴiwoyi.”

Yahaya 18:37

Sey Bilaatus ƴamimo wi'i, “Too, an, a laamiiɗo won ɗon?” Yeesu nootii, wi'i, “A wi'ii mi laamiiɗo. Ngam ɗu'um ɗum danyiyam, nden ngam maajum ngarmi nder duuniyaaru ngam mi meta dow ko woni goonga. Koo moye giɗɗo goonga tokkay ko mbiimi.”