Yahaya 1:14 - Fulfulde Nigeria

¹⁴ Bi'eteeɗo Wolde on, o wartii neɗɗo, o jooɗii nder meeɗen, o kewɗo yidde e goonga. En ngi'ii teddungal maako, teddungal ɓiɗɗo bajjo ƴiwoyɗo to Nyaako Mo Dow.

Yahaya 1:14 ပူးပေါင်းရင်းမြစ်များ

1 Yahaya 4:9

Allah hollii'en yidde muuɗum nde o liloyi Ɓiɗɗo maako go'oto tan mo o woodi nder duuniyaaru, ngam keɓen yonki ki re'ataa barka Ɓiɗɗo on.

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

Yahaya 1:1

Daga ko duuniyaaru tagee bi'eteeɗo Wolde e ɗon, e mo wondi e Allah, nden o Allah.

Galaatiyanko'en 4:4

Ammaa nde carel waɗi, Allah liloyi Ɓiɗɗo muuɗum. Debbo danyimo, o jooɗii ley Attawra,

Ibraaniyanko'en 1:3

E mo holla jayngol teddungal Allah, nden nder koo ɗume e mo nandi e Allah. E mo jogorii koo ɗume wolde maako goodunde bawɗe. Gaɗa o waɗii laawol yaafaaki hakke, o jooɗii ton dow to jungo nyaamo ngo Allah Joomu Mangu.

Yahaya 6:51

Min woni nyamndu kokkayndu yonki ƴiwoyndu daga dow. Fuu nyaamuɗondu, o jooɗoto haa abadaa. Ndu'u nyamndu ɗum ɓandu am, ndu kokkaymi ngam yimɓe duuniyaaru keɓa yonki ki re'ataa.”

Koloosiyanko'en 1:19

Ngam Allah suɓii waɗa fuu ngikku muuɗum e bawɗe muuɗum nder Ɓiɗɗo muuɗum.

1 Korintiyanko'en 15:47

Neɗɗo arandeejo mbulmbuldi o tagiraa, nden neɗɗo ɗiɗaɓo boo, daga dow o ƴiwoyi.

Roomanko'en 8:3

Ko Attawra waawaayi waɗuki, ngam ngikku hakke ɗum neɗɗo woodi, Allah waɗiiɗum. Nde o lili ɓiɗɗo maako nder nandi ɓandu meeɗen ndu hakke ngam o warta cakkiri ngam hakke meeɗen, o sankitii laamu hakke nder ɓandu.

1 Yahaya 4:14

Min ngi'ii, min boo ceydake wiiki, Nyaako Mo Dow liloyii Ɓiɗɗo muuɗum o warta kisnoowo duuniyaaru.

Koloosiyanko'en 2:9

Almasiihu e woodi fuu ngikku e bawɗe Allah nder ɓandu maako.

2 Yahaya 1:7

Mi wi'u non ngam yimɓe ɗuɗɓe majjinooɓe yimɓe mburtoyake nder duuniyaaru. Ɓe njaɓaayi Almasiihu warii duuniyaaru nder ɓandu. Iri ɓen ɗon yimɓe ɓe majjinooɓe yimɓe, ɓe wanywanyɓe Almasiihu.

Wahayu Yahaya 21:3

Nden mi nanii wonde hononde cembinde daga jooɗorgal laamu ngal e nde wi'a, “Raɗɗum to Allah jooɗotoo e wondi e yimɓe! O jooɗodoto e maɓɓe, ɓe ngartay yimɓe maako. Allah e hoore muuɗum wonday e maɓɓe, o wartay Allah maɓɓe.

Ibraaniyanko'en 5:5

Non maa Almasiihu naa' kanum mawnini hoore muuɗum warti mawɗo mawɓe ardiiɓe diina, ammaa Allah hokkimo kuugal ngal, wi'imo, “An a Ɓiɗɗo am. Hande mi wartii Nyaako maaɗa.”

Ibraaniyanko'en 10:5

Kanjum waɗi carel ko Almasiihu natti duuniyaaru o wi'ii Allah: “Naa' sakkaneeki e hokkeeki dokke ngiɗɗaa, ammaa a siryanakeyam ɓandu.

Yahaya 11:40

Sey Yeesu wi'imo, “Naa' mi wi'iima taa hoolakeyam, a yi'ay teddungal Allah?”

Yahaya 3:16

Ngam yidde nde Allah yiɗi duuniyaaru haa o hokkii Ɓiɗɗo maako bajjo, ngam koo moye kooliiɗomo to' halka ammaa heɓa yonki ki re'ataa.

Yahaya 2:11

Kanjum woni fii kayɗiniiɗum arandejum ɗum Yeesu waɗi e gariiri Kaana ngondi leydi Galiili. Non o holliri teddungal maako, nden tokkuɓemo kooliimo.

Yahaya 14:6

Yeesu wi'imo, “Min woni laawol, min woni goonga, min woni yonki. Walaa jahayɗo to Nyaako Mo Dow sey to tokkiiyam.”

Ibraaniyanko'en 1:5

Ngam Allah meeɗaayi wiiki goɗɗo malaa'ikaajo, “An, a ɓiɗɗo am, hande mi wartii Nyaako maaɗa.” Ɗonmaa Allah meeɗaayi meti dow goɗɗo malaa'ikaajo wi'i, “Mi wartay Nyaako to maako, nden o wartay ɓiɗɗo to am.”

Yahaya 14:9

Yeesu nootii wi'i, “Filibus, ko neeɓi e mi wondi e mooɗon, ammaa fuu e non a andaayam? Koo moye giiɗoyam yi'ii Nyaako Mo Dow. Ngam ɗume mbi'ataa mi holla'on Nyaako Mo Dow?

Luka 9:32

Biiturus e gonduɓe e muuɗum ɗaanake, carel ko ɓe kuylii, ɓe ngi'i teddungal maako e yimɓe ɗiɗo darodiiɓe e maako.

Yahaya 17:22

Mi hokkiiɓe teddungal iri ngal kokkuɗaayam, ngam ɓe ngarta go'o, non no min e an en go'o.

Yahaya 3:18

“Koo moye kooliiɗomo taƴantaake kiita, ammaa mo hoolaakimo o yaadake o taƴanaama kiita, ngam o hoolaaki Ɓiɗɗo Allah bajjo.

Luka 2:11

Hande nder gariiri Dawda ɗum danyanii'on kisnoowo, kanko woni Almasiihu, Joomiraawo.

Ibraaniyanko'en 2:11

Lootanoowo yimɓe hakke, kanko e ɓen ɗon lootanaaɓe ɓe fuu Nyaako maɓɓe o go'oto. Kanjum waɗi Yeesu nanataa cemtuɗum noddirkiɓe minyiraaɓe muuɗum.

2 Korintiyanko'en 12:9

ammaa e mo wi'ayam, “Yidde am heƴiima, ngam carel ngel ndulluɗaa sembe, sey bawɗe am kewɗe mbanga.” Ngam non, nder belɗum ɓernde mi ɓeyday mantoraaki ciya sembe am, ngam bawɗe Almasiihu njooɗoo nder am.

Maatiyu 1:16

Yaakubu danyi Yusufu gorko Maryaama, Maryaama danyi Yeesu bi'eteeɗo Almasiihu.

Koloosiyanko'en 2:3

Kanko tan woni baawayɗo hokkukiɓe andal kewngal dow sirru ɗum.

Aafisanko'en 3:8

Koo nde mi pamaro nder yimɓe Allah fuu, Allah suɓiiyam mi wa'ajinana yimɓe naa' Yahuudanko'en dow barka ɗum limataako keɓeteeɗum to Almasiihu.

Roomanko'en 9:5

Ɓe ƴiwoyi daga maama'en Yahuudanko'en mawɓe andaaɓe, nden daga lenyol maɓɓe Almasiihu waroyi nder ɓandu. Allah laamotooɗo koo ɗume mantee haa abadaa! Aamin.

Luka 2:7

Sey o danyi ɓiɗɗo gorko, afo maako, o saawimo nder wudere wooɗunde, o fukkinimo nder to ɗum waɗanta marle nyamndu, ngam walaa njayri nder suudu hoɓɓe.

Kuuɗe Lilaaɓe 13:33

Allah hebbinanii'en alkawal ngal, enen ɓiɓɓe maɓɓe, nde o ummini Yeesu daga mayde. Kadimaa non no ɗum windiraa nder deftere Jabuura suurawol ɗiɗaɓol wi'uki, ‘An, a ɓiɗɗo am, hande mi wartii nyaako maaɗa.’

Yahaya 8:32

Nden on anday goonga, goonga boo rimɗinay'on.”

Yahaya 17:24

“Yaa Nyaako am Mo Dow, e mi yiɗi ɓen ɗon ɓe kokkuɗaayam ɓe ngonda e am to ngonmi, ɓe ngi'a teddungal am, teddungal ngal kokkuɗaayam ngam a yiɗiyam ko duuniyaaru tagee.

Yahaya 18:37

Sey Bilaatus ƴamimo wi'i, “Too, an, a laamiiɗo won ɗon?” Yeesu nootii, wi'i, “A wi'ii mi laamiiɗo. Ngam ɗu'um ɗum danyiyam, nden ngam maajum ngarmi nder duuniyaaru ngam mi meta dow ko woni goonga. Koo moye giɗɗo goonga tokkay ko mbiimi.”

Wahayu Yahaya 19:13

E mo ɓornii toggoore nde ɗum somniri ƴiiƴam, nden inde nde ɗum noddirtamo woni, “Wolde Allah.”