Yahaya 1:10 - Fulfulde Nigeria

¹⁰ Bi'eteeɗo Wolde on ndenno e mo nder duuniyaaru. Koo nde kanko tagi duuniyaaru, fuu e non duuniyaaru andaamo.

Yahaya 1:10 ပူးပေါင်းရင်းမြစ်များ

Yahaya 17:25

Yaa Nyaako am aadiliijo, yimɓe duuniyaaru andaama, ammaa min e mi andumaa, nden e ɓe andi an liloyiyam.

1 Yahaya 3:1

Ndaaree no Nyaako Mo Dow yiɗiri'en, haa e ɗum noddira'en ɓiɓɓe Allah, non boo ngontindirɗen. Ko waɗi yimɓe duuniyaaru ndu'u andaa'en ngam ɓe andaamo.

1 Korintiyanko'en 2:8

Nder laamotooɓe jaamanu ɗu'um walaa paamuɗo ɗu'um. Ngam daa ɓe paamiinoɗum, daa ɓe mbaraayi Joomiraawo joomu mangu dow gaafaangal.

1 Korintiyanko'en 1:21

Ngam Allah nder faamu muuɗum suɓii to' yimɓe andamo laawol faamu maɓɓe. O nanii belɗum hisnuki kooliiɓe Almasiihu laawol wa'ajinki Habaru Belɗum ɗum woɓɓe ngi'ata ɗum haaŋoore.

Maatiyu 11:27

Sey o wi'i yimɓe, “Nyaako am hokkiiyam koo ɗume. Walaa anduɗo moye woni Ɓiɗɗo on sey ni Nyaako on, non maa walaa anduɗo Nyaako on sey ni Ɓiɗɗo on, e mo Ɓiɗɗo on yiɗi andina Nyaako on.

Ibraaniyanko'en 11:3

Ngam en koolii Allah waɗi paamuɗen o tagirii duuniyaaru wolde maako, ngam ko yi'etee wurtinaama daga nder ko yi'ataake.

Yahaya 1:18

Walaa neɗɗo meeɗuɗo yiiki Allah. Ɓiɗɗo maako bajjo, gonɗo nder ɓernde Nyaako Mo Dow, kanko holli'en no Allah wa'i.

Yahaya 1:5

Jayngol ngol e waɗi ka yeynaaki nder nyiwre, nyiwre boo waawaayi jaalaakingol.

Kuuɗe Lilaaɓe 14:17

Fuu e non, o alaayi holluki yimɓe hoore maako nder kuuɗe boɗɗe ɗe o waɗata. E mo hokka'on ndiyam daga dow, e mo ɓendinana'on gese nder carel kaanungel, e mo hokka'on nyamndu, e mo welna ɓerɗe mooɗon.”

Yahaya 5:17

Yeesu boo wi'iɓe, “Haa hande Nyaako am e huwa, min maa e mi huwa.”

Yahaya 1:3

O tagii koo ɗume. Walaa goɗɗum nder fuu ko tagaa ɗum um tagiraayi laawol maako.

Yahaya 1:11

O warii to ɓe maako, ammaa ɓe njaɓaayimo.

1 Korintiyanko'en 8:6

Fuu e non, to meeɗen Allah o go'oto, Nyaako Mo Dow, taguɗo koo ɗume, nden en ngaɗa jonde ngam maako. Ɗonmaa e woodi Joomiraawo go'oto, waato Yeesu Almasiihu. Barka maako koo ɗume tagaa, nden barka maako keɓuɗen yonki.

Koloosiyanko'en 1:16

Barka maako Allah tagi koo ɗume gonɗum dow e ley, ko yi'etee e ko yi'ataake, hawti e malaa'ika'en, e ginni, e koo ɗume gooduɗum laamu e bawɗe. Koo ɗume kanko tagiɗum, nden ngam maako koo ɗume tagaa.