Yaakubu 5:19 - Fulfulde Nigeria

¹⁹ Onon bandiraaɓe am, to goɗɗo mooɗon selii laawol goonga, nden goɗɗo wartiroyiimo dow laawol,

Yaakubu 5:19 ပူးပေါင်းရင်းမြစ်များ

Galaatiyanko'en 6:1

Onon bandiraaɓe am, to on ngi'ii goɗɗo e waɗa hakke, onon keewuɓe Ruuhu Allah sey co''onmo dow laawol nder hakkiilo. Ammaa paamanee ko'e mooɗon, to' onon maa ngaɗon hakke.

Maatiyu 18:15

“To bandiraawo maaɗa waɗaniima ko wooɗaa, yahu mbi'aamo ko wooɗaa ɗum o waɗanmaa, an e maako tan. To o jaɓii, a wartirii sumpo hakkunde mooɗon won ɗon.

Yaakubu 5:20

andee ɗu'um: koo moye so''i gaɗoowo hakke daga tokkuki laawol ngol wooɗaa, o hisnay yonki gaɗoowo hakke on daga mayde, nden o wadday laawol yaafaaki hakke ɗuɗɗum.

Luka 22:32

Ammaa mi waɗaniima do'aare, Siiman, ngam to' alaa hoolaakiyam. An boo, taa wartii to am, cembiɗinaa bandiraaɓe maaɗa.”

2 Biiturus 3:17

Ngam non, onon ɓe ngiɗumi, nde on andi fii ɗu'um, paamanee yimɓe kalluɓe, to' ekkitinol fewre maɓɓe hocca hakkiilo mooɗon njanon daga dow wigeere cembinde to ndariiɗon.

1 Timooti 6:10

Ngam yidde ceede woni fuɗɗoode koo iri ɗume fii kalluɗum. Ngam yidde ceede, woɓɓe alii hoolaaki Yeesu ɓe pooɗani ko'e maɓɓe torraaji kalluɗi.

1 Timooti 6:21

Ngam woɓɓe e mbi'a e ngoodi andal, nder non ɓe alii hoolaaki Yeesu. Allah barkiɗina'on.

Yahuuda 1:11

Ɓe mbonii! Ɓe tokkii ngikku Kayinu. Ɓe nattii iri majjere Bala'amu ngam suuno ceede. Non no Koora wanyiri ko Allah wi'i, non kamɓe maa ɓe nganyiri ko Allah wi'i. Ngam non, ɓe kalkay.

Yaakubu 3:14

Ammaa to on ngoodi lawliiru kallundu e yidde hoore nder ɓerɗe mooɗon, to' on mantito dow maajum koo nganyon goonga.

2 Timooti 2:18

aluɓe tokkuki goonga e mbi'a ummaaki mayɓe yaadake ƴaɓɓake. E ɓe majjina woɓɓe kooliiɓe Yeesu.

Ibraaniyanko'en 5:2

Nde kanko maa e hoore maako o tampuɗo e ɗate ɗuɗɗe, o waaway o waada munyal e ɓe ngalaa andal e celuɓe laawol.

Yaakubu 1:16

Bandiraaɓe am ɓe ngiɗumi, to' on njaɓu ɗum majjina'on.

Yaakubu 1:19

Onon bandiraaɓe am ɓe ngiɗumi, andee ɗu'um: koo moye yaawa nanuki, ammaa to' yaawa metuki, to' yaawa monnuki.