Yaakubu 4:8 - Fulfulde Nigeria

⁸ Ɓaddoyee haade Allah, kanko maa o ɓaddoto haade mooɗon. Onon gaɗooɓe hakke, mo''inee jonde mooɗon. Laaɓinee ɓerɗe mooɗon, onon gooduɓe ɓerɗe ɗiɗi.

Yaakubu 4:8 ပူးပေါင်းရင်းမြစ်များ

Ibraaniyanko'en 10:22

Ngam non en njahu haade Allah e ɓernde go'o, e hoolaare tabbutunde, e ɓerɗe meeɗen laaɓinaaɗe daga nyumo kallungo, e ɓalli lootiraaɗi ndiyam laɓɗam.

1 Yahaya 3:3

Fuu gaɗuɗo ɓernde dow Almasiihu non, o laaɓina hoore maako no Almasiihu laaɓiri.

Ibraaniyanko'en 7:19

Ngam Attawra waɗataa koo ɗume warta kewɗum. Ammaa jooni ɗum hokkii'en ko ɓuri wooɗuki ɗum ngaɗeten kammunde dow maajum. Laawol maajum ɓaddotooɗen haade Allah.

2 Korintiyanko'en 7:1

Too, bandiraaɓe am ɓe ngiɗumi, nde en ngaɗanaama alkawal dow fuu ɗu'um, en laaɓin ko'e meeɗen daga koo ɗume gaɗoojum ɓalli meeɗen e ɓerɗe meeɗen ngarta ko laaɓaa yeeso Allah. En ngartu ɓe senaaki keewuki, kulooɓe Allah.

1 Biiturus 3:21

Ndiyam ɗam boo ɗum misaalu baptisma. Jooni baptisma hisnii'on barka bawɗe ummaaki Yeesu Almasiihu daga mayde. Baptisma naa' ɗum ittuki tuundi daga ɓalli meeɗen, ɗum alkawal ngal neɗɗo waɗani Allah e ɓernde lamnde.

Maatiyu 12:33

“Lekki boɗki e rima ɓikkoy mboɗkoy, non maa lekki ki wooɗaa e rima ɓikkoy koy mbooɗaa. Koo kiye lekki e andiree ɓikkoy maaki.

1 Timooti 2:8

Ngam non e mi yiɗi to tokkuɓe Yeesu kawriti fuu, worɓe ngaɗa do'aare e ɓe ƴefta juuɗe ceniiɗe naa' nder monnere koo geddi.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

Yaakubu 1:8

Ɓernde maako sendake ɗiɗi, o darnataa ɓernde maako nder ko o waɗata fuu.

Kuuɗe Lilaaɓe 15:9

O feerootiraayi'en e maɓɓe, ngam o yaafanakeɓe hakke nde ɓe koolii Yeesu.

Maatiyu 15:2

“Ngam ɗume tokkuɓema tokkataa ndonu maama'en meeɗen? Ngam ɓe lootataa juuɗe maɓɓe ko ɓe puɗɗa nyaamuki nyamndu.”

Maatiyu 27:24

Nde Bilaatus yi'i walaa ko waawata waɗuki, nden hawre fuɗɗi ummaaki, sey o nyeɗoyi ndiyam o looti juuɗe maako yeeso maɓɓe. O wi'i, “Mi walaa hakke ƴiiƴam neɗɗo o'o. Ɗum caɗɗum mooɗon.”

Yaakubu 3:17

Ammaa andal ƴiwoyngal daga dow, arande ngal lamngal, nden ngal waddataa wannaare, e ngal wadda hakkiilo, ngal walaa mangu hoore, e ngal heewi yurmeende e kuuɗe boɗɗe. Ngal hollataa feerootirol, ngal walaa ciya goonga.