Yaakubu 4:11 - Fulfulde Nigeria

¹¹ Bandiraaɓe, to' on metindir haalaaji kalluɗi. Ngam fuu metuɗo haala kalluka dow bandiraawo muuɗum, koo yowanimo ko wooɗaa, metii haala kalluka dow dooka Allah won ɗon, yowaniiɗum ko wooɗaa. Ammaa taa yowanii dooka Allah ko wooɗaa, a wartii mo tokkataaka jowanoowoka ko wooɗaa.

Yaakubu 4:11 ပူးပေါင်းရင်းမြစ်များ

1 Biiturus 2:1

Ngam non, alee koo iri ɗume ngikku kalluɗum. Alee fewre, e ngikku munaafukiijo, e lawliiru, e huɗuki woɓɓe koo iri kiye.

Roomanko'en 2:1

Ngam non, an, cappotooɗo ko wooɗaa ɗum goɗɗo waɗi, a walaa ko mbi'ataa, koo an a moye. Ngam fuu carel ko cappotoɗaa ko wooɗaa ɗum goɗɗo waɗi, a waɗana hoore maaɗa kiita. Ngam ko wooɗaa ɗum capportoɗaa goɗɗo, kanjum ngaɗataa an maa.

Yaakubu 5:9

Bandiraaɓe am, to' on metindir metemeteeji ngam to ɗum waɗana'on kiita. Raɗɗum, Gaɗoowo Kiita e darii to dammugal!

Luka 6:37

“To' on kiito woɓɓe, on kiitataake. To' on metu kalluka dow goɗɗo, ɗum metataa kalluka dow mooɗon. Njaafee, ɗum yaafanto'on.

1 Korintiyanko'en 4:5

Ngam non, to' on mbi'u goɗɗo waɗii kuugal ngal Allah hokkimo boɗɗum, koo o waɗaayingal boɗɗum. Keɗee naa nyalnde nde Joomiraawo warti. Koo ɗume cuuɗiiɗum nder nyiwre o wurtinayɗum e njayri, nden o wurtinay nyumooji gonɗi nder ɓerɗe yimɓe e njayri. E carel ngel Allah wi'ay koo neɗɗo waɗii kuugal ngal o hokkimo boɗɗum koo waɗaayingal boɗɗum.

Aafisanko'en 4:31

Alee koo iri ndeye monnere, e mettinki ɓernde, e monnanki woɓɓe, e hawre, e huɗhuɗtirki, e waɗuki koo iri ndeye halleende.

2 Korintiyanko'en 12:20

E mi hula to mi warii to mooɗon, mi tawrataa'on no ngiɗumi, nden onon maa on tawrataayam no ngiɗɗon. E mi hula mi tawra'on hawre, e lawliiru, e mettinki ɓernde, e yidde hoore, e huɗuki, e metuki haalaaji kalluɗi dow woɓɓe, e mawninki hoore, e umminki hakkiilo.

2 Timooti 3:3

Ɓe ngartay ɓe ngalaa yidde, ɓe njaafataako, metooɓe haalaaji kalluɗi dow woɓɓe, ɓe curataa ko'e maɓɓe, gooduɓe halleende, ganyooɓe ko wooɗi.

1 Timooti 3:11

Non maa rewɓe ɓen ngarta ɓe ngikku boɗɗum, to' ɓe ngarta bi'ooɓe haalaaji kalluɗi dow woɓɓe, ammaa ɓe ngarta curɓe ko'e maɓɓe, gaɗooɓe goonga dow koo ɗume.

Roomanko'en 7:7

Ɗume mbi'eten kadin? Attawra ɗum hakke? Goonga naa' non! Ammaa daa Attawra walaa, daa mi andaa ko woni hakke. Daa Attawra wi'aayino, “Taa' yiɗu fii ɗum a jeyaayi,” daa mi andaa yiɗuki fii ɗum mi jeyaayi wooɗaa.

Roomanko'en 2:13

Ngam naa' nanooɓe ko Attawra wi'i ngoni aadili'en yeeso Allah, ammaa tokkuɓe ko ɗum wi'i, kamɓe noddirtee aadili'en.

Yaakubu 1:25

Ammaa gaɗɗo hakkiilo muuɗum fuu dow dooka kewɗum rimɗinayɗum yimɓe, e mo waɗi ka waɗuki hakkiilo dow maajum, naa' nanoowoɗum tan e yejjita, ammaa e mo waɗa ko ɗum wi'i, o heɓay barka nder waɗukiɗum.

Tiitus 2:3

Non maa ekkitinaa madu'en njooɗoo jonde haanunde rewɓe tokkuɓe Yeesu njooɗoo. To' ɓe ngarta bi'ooɓe haalaaji kalluɗi dow woɓɓe, koo giɗuɓe njaru. Ɓe ngarta ekkitinooɓe ko wooɗi,

Yaakubu 1:16

Bandiraaɓe am ɓe ngiɗumi, to' on njaɓu ɗum majjina'on.

Yaakubu 1:19

Onon bandiraaɓe am ɓe ngiɗumi, andee ɗu'um: koo moye yaawa nanuki, ammaa to' yaawa metuki, to' yaawa monnuki.

Yaakubu 2:8

On ngaɗii ko wooɗi to on tokkii dooka ɗum Laamu Allah bindaaɗum nder aayaare biinde, “Yiɗu bandiraawo maaɗa no ngiɗirɗaa hoore maaɗa.”

Yaakubu 5:7

Ngam non, bandiraaɓe am, ngaɗee munyal haa yaaki nyalnde nde Joomiraawo wartata. Ndaaree no demoowo munyirta ngam ndiyam seeto e ɗam ƴaawol ɓendina fii boɗɗum ɗum o remi.

Yaakubu 5:10

Bandiraaɓe am, ciftoree annabo'en metuɓe nder inde Joomiraawo, no ɓe munyiri nder torraaji. Tokkee ko ɓe ngaɗi.