Yaakubu 4:1 - Fulfulde Nigeria

¹ Ko waddata hawre e yeddootirki hakkunde mooɗon? Naa' suunooji konidooji e ɓerɗe mooɗon waddataɗum?

Yaakubu 4:1 ပူးပေါင်းရင်းမြစ်များ

1 Biiturus 2:11

Onon ɓe ngiɗumi, on hoɓɓe nder duuniyaaru ndu'u, onon naa' ɗum ɓe ɗo'o. Ngam non e mi toroo'on, cendiree e suunooji ɓandu giɗɗi halkuki'on.

Galaatiyanko'en 5:17

Ngam ko ɓalli meeɗen ngiɗi e wanya ko Ruuhu Allah yiɗi, non maa ko Ruuhu Allah yiɗi e wanya ko ɓalli meeɗen ngiɗi. Fii ɗiɗum ɗu'um e ɗum wanywanytira. Kanjum waɗi on mbaawataa waɗuki ko ngiɗɗon waɗuki.

Roomanko'en 7:23

Ammaa nder ɓandu am mi yi'ii goɗɗum dooka feere e honida e dooka ɗum ɓernde am yiɗi. Ɗum wartiriiyam maccuɗo hakke gonɗum nder ɓandu am.

Roomanko'en 8:7

Ngam yowuki ɓernde dow ko ɓandu yiɗi ɗum wanyuki Allah, ɗum tokkataa ko dooka Allah wi'i, ɗum waawataa waɗukiɗum.

Yaakubu 1:14

Ammaa e ɗum foonda neɗɗo to suuno maako hoccii hakkiilo maako.

1 Biiturus 1:14

Ngaɗee jonde bo ɓiɓɓe gaɗooɓe ko ɗum wi'iɓe. To' on tokkiran suuno mooɗon ngo ndenno, ngo ngoodunooɗon carel ko on andaa koo ɗume.

Koloosiyanko'en 3:5

Ngam non, cendiree e suunooji duuniyaaru gonɗi nder mooɗon, waato njeenu, e kuuɗe nefniiɗe, e tokkiranki ko ɓandu yiɗi, e suunooji kalluɗi, e yiɗuki ko goɗɗo jeyi. (Ngam yiɗuki ko goɗɗo jeyi ɗum go'o e mawninki gunkiiji).

2 Biiturus 3:3

Arande doole andon ɗu'um, nder balɗe re'uki duuniyaaru woɓɓe yimɓe ngaray njukkita'on, tokkooɓe suuno maɓɓe kallungo.

Yaakubu 4:3

On toroo on keɓataa ngam on tororoo nyumooji kalluɗi, on ngiɗi majjinon ko keɓɗon dow nanki belɗum ɓalli mooɗon.

2 Biiturus 2:18

ngam e ɓe mawnina ko'e maɓɓe e metemeteeji meereeji. E ɓe kuutira suuno ɓalli ngam ɓe pooɗoya hakkiilo yimɓe soɓtiiɓe ko neeɓaayi daga nder yimɓe jooɗiiɓe nder hakke.

Tiitus 3:3

Ngam enen maa ndenno en andaano ko ngaɗeten, en tokkataa ko ɗum wi'i'en, en majjinaama. Suuno duuniyaaru haɓɓii'en, en ngiɗi koo iri ɗume fii kalluɗum. En ngaɗii jonde meeɗen nder halleende e lawliiru, yimɓe nganyii'en, enen maa en nganyiiɓe.

Tiitus 3:9

Ammaa an, woɗɗita geddi meere e feerootirki lenyol e yidde hawre e yeddootirki dow Attawra, ngam walaa ko ɗum nafi, ɗum fii meere.

Roomanko'en 7:5

Carel ko ngaɗeten ko ɓalli meeɗen ngiɗi, suunooji pooɗayɗi hakke, ɗi ɓeydii sembe nder meeɗen ko nanɗen nder Attawra, e ɗi kuwa nder ɓalli meeɗen ngam kuwen ko fooɗanta'en mayde.

Maatiyu 15:19

Ngam daga nder ɓernde neɗɗo nyumo kallungo wurtoytoo, e warhoore, e njeenu, e njeenu hakkunde yimɓe ɓe ngalaa teegal, e nguyka, e ceyda fewre, e wonnuki inde neɗɗo.

Yahaya 8:44

Onon on ɓiɓɓe nyaako mooɗon Ceyɗan, ko ngiɗɗon woni ngaɗon ko nyaako mooɗon yiɗi. Daga arande o gaɗoowo warhoore. Walaa ko wannimo e goonga, ngam o walaa goonga. To o fewii, ɗum ngikku maako, ngam o pewoowo, nyaako fewre.

2 Timooti 2:23

Taa' nattin hoore maaɗa nder geddi meereeji ɗi ngalaa hoore, ngam a andi e ɗi ngadda hawre.