Yaakubu 3:17 - Fulfulde Nigeria

¹⁷ Ammaa andal ƴiwoyngal daga dow, arande ngal lamngal, nden ngal waddataa wannaare, e ngal wadda hakkiilo, ngal walaa mangu hoore, e ngal heewi yurmeende e kuuɗe boɗɗe. Ngal hollataa feerootirol, ngal walaa ciya goonga.

Yaakubu 3:17 ပူးပေါင်းရင်းမြစ်များ

Yaakubu 3:15

Iri nga'al andal naa' daga dow ngal ƴiwoyi, ɗum ngal duuniyaaru. Nden naa' daga to Ruuhu Allah ngal ƴiwoyi, to Ceyɗan ngal ƴiwoyi.

Roomanko'en 12:9

Kollee yimɓe yidde nde goonga. Nganyee koo iri ndeye halleende, njogee ko wooɗi sembee.

Yaakubu 1:17

Koo ngale dokkal bongal e koo ɗume caahu jamum fuu daga to Allah Nyaako Mo Dow ɗum ƴiwoyta, taguɗo naange e lewru e koode. Kanko o waylitataako, o nandaa e ɗowdi goosotoondi.

Yaakubu 1:5

To goɗɗo nder mooɗon dullii faamu, sey o toroo Allah kokkoowo koo moye ɓernde go'o metitataako, o hokkaymo.

1 Yahaya 3:18

Onon ɓiɓɓe am, to' en kollu yidde meeɗen e honduko tan, ammaa en kollu yidde meeɗen e goonga nder kuuɗe.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

Maatiyu 5:8

“Ɓe barkiɗinaaɓe ɓe ɓerɗe laɓɗe, ngam ɓe ngi'ay Allah.

1 Yahaya 3:3

Fuu gaɗuɗo ɓernde dow Almasiihu non, o laaɓina hoore maako no Almasiihu laaɓiri.

Luka 21:15

Ngam mi hokkay'on boliiɗe e andal, haa walaa goɗɗo nder ganyooɓe mooɗon baawayɗo do''uki'on koo yedduki ko mbiiɗon.

Luka 6:36

Njurminanee yimɓe non no Nyaako mooɗon Mo Dow yurmirta.

Ibraaniyanko'en 12:14

Ngaɗee ko mbaawoton waɗuki njooɗodooɗon jam e koo moye ngarton ceniiɓe, ngam to naa' e jonde ceniinde walaa gi'ayɗo Joomiraawo.

2 Timooti 2:24

Doole to' kuwanoowo Joomiraawo meeɗen warta giɗɗo hawre, ammaa o warta gaɗanoowo yimɓe ko wooɗi, bawɗo ekkitinki, gooduɗo munyal.

1 Biiturus 2:1

Ngam non, alee koo iri ɗume ngikku kalluɗum. Alee fewre, e ngikku munaafukiijo, e lawliiru, e huɗuki woɓɓe koo iri kiye.

Yaakubu 2:4

on kollii feerootirol hakkunde mooɗon won ɗon, on cuɓana ko'e mooɗon ko ngaɗoton nder nyumo kallungo.

Ibraaniyanko'en 12:11

Carel ngel ɗum eltata neɗɗo, ɗum welaa, sey nawɗum. Ammaa gaɗa ɗon, ɗum wadday aadilaaku e jam nder jonde eltaaɗo'on.

Koloosiyanko'en 1:10

E min ngaɗana'on nde'e do'aare ngam mbaawon ngaɗon jonde haanunde tokkuɓe Joomiraawo ngaɗa, nden ngarton belnanooɓemo ɓernde koo ndeye, jonde mooɗon wurtina koo iri ɗeye kuuɗe boɗɗe, nden ɓeydon anduki Allah.

Roomanko'en 15:14

Bandiraaɓe am, min e hoore am mi tabbitinii onon e ko'e mooɗon on ngoodi ngikku boɗɗum naa' seɗɗa, on keewuɓe andal, nden on mbaaway ekkitindiron.

1 Korintiyanko'en 12:8

Ruuhu ɗum, kanjum hokkata goɗɗo dokkal wolde faamu, goɗɗo boo dokkal wolde andal.

Yaakubu 4:8

Ɓaddoyee haade Allah, kanko maa o ɓaddoto haade mooɗon. Onon gaɗooɓe hakke, mo''inee jonde mooɗon. Laaɓinee ɓerɗe mooɗon, onon gooduɓe ɓerɗe ɗiɗi.

1 Timooti 5:21

Yeeso Allah e Yeesu Almasiihu e malaa'ika'en ceniiɓe, e mi wagginmaa taa' waɗu yidde hoore nder waɗuki ko mbiimaami.

Kuuɗe Lilaaɓe 11:24

Ngam Barnaba o neɗɗo mo ngikku boɗɗum, kewɗo Ruuhu Allah kooliiɗo Joomiraawo. Sey yimɓe ɗuɗɓe tuubi tokki Joomiraawo.

Maatiyu 23:28

Non onon maa mbaaɗon. Yimɓe e ngi'a'on bo on aadili'en, ammaa nder ɓerɗe mooɗon on munaafuki'en on keewii halleende.

1 Tasaloonikanko'en 2:7

Ammaa e min jogorii'on seese‑seese no maduujo jogortoo ɓingel muuɗum.

Filibiyanko'en 4:8

E re'irde bandiraaɓe am, ngaɗee ka nyumuki dow koo ɗume ko woni ɗum goonga, e ko mawninee, e ko haani, e ko laaɓi, e ko welnanta yimɓe ɓerɗe, e ko ɗum yi'ata e wooɗi, e koo ɗume ngikku boɗɗum, e ko hewti manteeki.

Filibiyanko'en 1:11

ngam ngikku mooɗon heewa aadilaaku keɓeteeɗum to Yeesu Almasiihu, ngam Allah teddinee, mantee.

Kuuɗe Lilaaɓe 9:36

Nder gariiri Joffa boo e woodi goɗɗo debbo tokkuɗo Yeesu bi'eteeɗo Tabiita. (Ma'ana Tabiita nder Helenankoore woni Dookas, waato lelwa.) E mo huwa kuuɗe boɗɗe, e mo walla ɓe ngalanaa.

Yahaya 1:47

Nde Yeesu yi'i Nataaniyal e waroya to muuɗum, sey meti dow maako, wi'i, “Raa Israa'iilankeejo mo goonga mo fewataa.”

Yahaya 1:14

Bi'eteeɗo Wolde on, o wartii neɗɗo, o jooɗii nder meeɗen, o kewɗo yidde e goonga. En ngi'ii teddungal maako, teddungal ɓiɗɗo bajjo ƴiwoyɗo to Nyaako Mo Dow.

Tiitus 3:2

Wi'uɓe to' ɓe meta haala kalluka dow goɗɗo, to' ɓe ngarta ɗaɓɓitooɓe hawre, to' ɓe ngarta ɓe ɓerɗe caɗɗe. Sey ni ɓe kolla koo moye ngikku boɗɗum.

Tiitus 1:15

Koo ɗume e laaɓani ɓe ɓerɗe laaɓuɗe. Ammaa ɓe ɓerɗe ɗe laaɓaa e ɓe njaɓaayi goonga, walaa ko laaɓaniɓe, ngam hakke wonnii ɓerɗe maɓɓe e nyumol maɓɓe.

Roomanko'en 12:18

Ngaɗee ko mbaawoton waɗuki to ɗum waɗoto njooɗodooɗon jam e koo moye.

Aafisanko'en 5:9

Mi wi'u non ngam jayngol e waɗa yimɓe ngaɗa ko wooɗi, e ko Allah yiɗi, e goonga.

2 Korintiyanko'en 10:1

E mi toroo'on nder lestinki hoore e munyal Almasiihu, min Bulus noddeteeɗo “lestinɗo hoore” to e mi wondi e mooɗon, ammaa to mi wondaa e mooɗon e mi noddee “metanoowo'on e sembe.”

2 Korintiyanko'en 9:10

Allah woni kokkoowo demoowo awdi, kokkoowo yimɓe ko nyaamata. O hokkay'on ko heƴata'on, o ɗuɗɗinayɗum, ngam ɓeydon ballal ngal kokkoton kaanuɓe mballee.

Maatiyu 5:9

“Ɓe barkiɗinaaɓe ciryootirooɓe yimɓe, ngam ɗum noddirayɓe ɓiɓɓe Allah.

2 Korintiyanko'en 6:6

Min kollii min maccuɓe Allah ɓe goonga nder laɓki ɓerɗe ki min ngoodi, e andal, e munyal, e no min mballirta yimɓe, e Ruuhu Allah ɗum min ngoodi, e yidde nde goonga,

2 Korintiyanko'en 7:11

Ndaaree ngi'on ko ciya nanki belɗum mooɗon waddani'on, ki waɗii'on on ngartii tiiɗuɓe, on ngartii kaaɓuɓe kolla onon naa' on gaɗooɓe ko wooɗaa, on ɓernii dow ko wooɗaa, on kultorii, on kaaɓii ngi'onyam, on ngiɗii wallukiyam, on kaaɓii ngi'on ɗum taƴanii gaɗoowo hakke kiita. On kollii on ngaɗii ko haani dow ko mbindannoomi'on.

Yaakubu 2:13

Ngam e nyalnde kiita, Allah yurminantaa mo walaa yurmeende. Ammaa yurmeende e heɓa jaalorgal dow kiita.

1 Biiturus 2:18

Onon maccuɓe, ngaɗee ko jeyɓe'on mbi'i'on kokkonɓe mangu koo ndeye. Naa' gooduɓe ngikku boɗɗum tan e ɓe caɗaa ngaɗanton non, haa maa e gooduɓe ɓerɗe kaɓooje.