Yaakubu 3:13 - Fulfulde Nigeria

¹³ Moye woodi andal e faamu nder mooɗon? Sey o hollaɗum nder waɗuki jonde wooɗunde e kuuɗe boɗɗe nder lesnuki hoore e faamu.

Yaakubu 3:13 ပူးပေါင်းရင်းမြစ်များ

Galaatiyanko'en 5:23

e leynuki hoore, e suruki hoore. Walaa dooka ganyuɗum kuuɗe ɗe'e.

Yaakubu 3:17

Ammaa andal ƴiwoyngal daga dow, arande ngal lamngal, nden ngal waddataa wannaare, e ngal wadda hakkiilo, ngal walaa mangu hoore, e ngal heewi yurmeende e kuuɗe boɗɗe. Ngal hollataa feerootirol, ngal walaa ciya goonga.

Maatiyu 5:5

“Ɓe barkiɗinaaɓe leynooɓe ko'e, ngam kamɓe ndonata duuniyaaru.

Koloosiyanko'en 3:12

Onon on yimɓe ɓe Allah suɓi, on ceniiɓe ɓe o yiɗi naa' seɗɗa. Ngam non, ngartee gooduɓe yurmeende e yidde leynooɓe ko'e, gooduɓe hakkiilo e munyal.

1 Biiturus 2:12

Kollee ngikku boɗɗum nder yimɓe ɓe andaa Allah, ngam to ɓe mbi'ay on kalluɓe, sey ɓe ngi'a kuuɗe mooɗon ɗe boɗɗe, ɓe mawnina Allah nyalnde wartuki maako.

Tiitus 3:2

Wi'uɓe to' ɓe meta haala kalluka dow goɗɗo, to' ɓe ngarta ɗaɓɓitooɓe hawre, to' ɓe ngarta ɓe ɓerɗe caɗɗe. Sey ni ɓe kolla koo moye ngikku boɗɗum.

2 Timooti 2:25

O warta pamtinoowo geddooɓe ekkitinol maako nder hakkiilo. Ɗum gaɗotooɗum Allah waɗa ɓe tuuba, ɓe paama goonga,

Filibiyanko'en 1:27

Ko ɓuri woni ngaɗee jonde pottudunde e Habaru Belɗum dow Almasiihu, ngam koo mi warii mi yi'i'on, koo mi walaa ɗon, mi nana habaru on ɗon ndarii boɗɗum nder nyumo go'o, ko ngiɗɗon go'o. On piida ngam suranki ko Habaru Belɗum wi'i,

1 Timooti 6:11

Ammaa an, nde a hoolake Allah, woɗɗita fuu fii ɗu'um. Waɗu hoore maaɗa dow waɗuki ko wooɗi, e tokkuki Allah, e hoolaakimo, e yidde, e munyal, e hakkiilo.

Yaakubu 2:18

Ammaa goɗɗo wi'ay, “An a woodi hoolaare, min e mi woodi kuuɗe.” Too, hollam hoolaare maaɗa nde walaa kuuɗe. Min boo, mi hollete hoolaare am nder kuuɗe am.

1 Biiturus 2:9

Ammaa onon ɗum lenyol ngol Allah suɓi, on kawtal ardiiɓe diina kuwanooɓe laamiiɗo mawɗo, yimɓe ceniiɓe, ɓe Allah jeyi. O suɓu'on ngam nga'ajinon habaru kuuɗe maako kayɗiniiɗe. O wurtinoy'on nder nyiwre ngam natton jayngol maako kayɗiniingol.

Yaakubu 1:21

Ngam maajum, kubinee fuu kuuɗe ɗe mbooɗaa e kuuɗe kalluɗe. Lestinee ko'e mooɗon, njaɓon Wolde Allah nde o aawi nder ɓerɗe mooɗon, baawaynde hisnuki'on.

1 Timooti 4:12

Taa' jaɓu koo moye yawana sukaaku maaɗa, ammaa wartu misaalu to tokkuɓe Yeesu nder meto maaɗa, e ngikku maaɗa, e yidde maaɗa, e hoolaare maaɗa, e jonde maaɗa lamnde.

2 Korintiyanko'en 10:1

E mi toroo'on nder lestinki hoore e munyal Almasiihu, min Bulus noddeteeɗo “lestinɗo hoore” to e mi wondi e mooɗon, ammaa to mi wondaa e mooɗon e mi noddee “metanoowo'on e sembe.”

Maatiyu 11:29

Tokkee ko mbi'aymi'on. Ekkitee to am, ngam e mi woodi hakkiilo, mi lestinɗo hoore, nden ɓerɗe mooɗon mbaltoto.

Yaakubu 3:1

Onon bandiraaɓe am, to' ɗuɗɓe mooɗon ngarta ekkitinooɓe, ngam on andi minon ekkitinooɓe ɗum ɓuray waɗankimin kiita kalluka.

Aafisanko'en 4:2

Koo ndeye ngartee gooduɓe hakkiilo, lestinon ko'e mooɗon, ngarton ɓe munyal, munymunytiron nder yidde.

Galaatiyanko'en 6:4

Koo moye foonda kuuɗe muuɗum yi'a to ɗe boɗɗe. Nden o mantoroo hoore maako ngam ko o waɗi naa' sey to o foondii hoore maako e goɗɗo.

Galaatiyanko'en 6:1

Onon bandiraaɓe am, to on ngi'ii goɗɗo e waɗa hakke, onon keewuɓe Ruuhu Allah sey co''onmo dow laawol nder hakkiilo. Ammaa paamanee ko'e mooɗon, to' onon maa ngaɗon hakke.

2 Korintiyanko'en 8:24

Ngam non, kolleeɓe yidde mooɗon e ko waɗata e min mantitoroo'on, ngam kawte tokkuɓe Yeesu tabbitina mantoraaki'on ki min mantortoo'on ɗum goonga.

Maatiyu 21:5

“Mbi'ee yimɓe Urucaliima, ‘Raa laamiiɗo mooɗon e wara to mooɗon! O lestinɗo hoore e mo dow mbabba, e dow mbabba mola pamara.’ ”

1 Biiturus 3:4

Sey ni mo''itinaaki mooɗon warta mo''inki ɓerɗe mooɗon e waɗuki ko lallataa waato lestinki hoore, e suruki hoore. Iri kin ɗon mo''itinaaki ki lallataa; kanki woni ɓurki wooɗuki yeeso Allah.

1 Korintiyanko'en 6:5

Mi wi'u non ngam mi semtina'on. Jooni, walaa koo go'oto nder mooɗon gooduɗo faamu baawayɗo siryootira kooliiɓe Yeesu?

Maatiyu 7:24

“Ngam non, neɗɗo fuu nanɗo ɗe'e boliiɗe am waɗi ko mbiimi e nandi e neɗɗo gooduɗo faamu mahuɗo wuro muuɗum dow tafaare.

Ibraaniyanko'en 13:5

Cendee ko'e mooɗon e yidde ceede. Munyee dow ko ngooduɗon, ngam Allah wi'ii, “Haa abadaa mi alataama, haa abadaa mi sendirtaa e maaɗa.”

1 Biiturus 1:15

Ammaa non no Allah nodduɗo'on o ceniiɗo, onon maa, ngartee ceniiɓe nder ko ngaɗoton fuu.