Yaakubu 3:1 - Fulfulde Nigeria

¹ Onon bandiraaɓe am, to' ɗuɗɓe mooɗon ngarta ekkitinooɓe, ngam on andi minon ekkitinooɓe ɗum ɓuray waɗankimin kiita kalluka.

Yaakubu 3:1 ပူးပေါင်းရင်းမြစ်များ

1 Timooti 1:7

E ɓe ngiɗi ɗum anda ɓe moodiɓɓe Attawra, ammaa ɓe paamataa ko ɓe mbi'ata, koo dow ko ɓe ekkitinta ɓernde go'o.

1 Biiturus 5:3

To' on kollu yimɓe ɓe Allah tambini'on laamu sembe, ammaa ngartee ko ɓe ekkitotoo to mooɗon.

1 Korintiyanko'en 12:28

Nder kawtal tokkuɓe Yeesu, arande Allah wartirii woɓɓe lilaaɓe, woɓɓe boo o wartiriiɓe annabo'en, nden woɓɓe ekkitinooɓe, woɓɓe boo gaɗooɓe kuuɗe kayɗiniiɗe, woɓɓe boo yamɗitinooɓe nyawɓe, woɓɓe boo wallooɓe, woɓɓe ardiiɓe, woɓɓe boo gaɗirooɓe do'aare ɗemɗe ɗe ɓe andaa.

Maatiyu 23:13

“On mbonii, onon moodiɓɓe Attawra e Faarisanko'en! On munaafuki'en! On maɓɓanii yimɓe dammugal nattuki Laamu Allah. Onon on nattaayi, on alaayi giɗuɓe nattuki natta.

1 Timooti 2:7

Ngam maajum ɗum suɓiiyam mi warta ga'ajinoowo e lilaaɗo e ekkitinoowo yimɓe naa' Yahuudanko'en dow hoolaaki goongahi. Goonga mbi'aymi, naa' mi feway!

Aafisanko'en 4:11

O suɓii woɓɓe ngarta lilaaɓe, woɓɓe gaɗooɓe annabaaku, woɓɓe wa'ajinooɓe, woɓɓe pasto'en e ekkitinooɓe.

2 Korintiyanko'en 5:10

Ngam en fuu doole en ndaroto yeeso Almasiihu ngam kiita, ngam koo moye heɓa mbarjaari ko waɗi nder ɓandu ndu'u, koo ko o waɗi e wooɗi koo ɗum wooɗaa.

Ibraaniyanko'en 13:17

Tokkee ardiiɓe'on ngaɗon ko ɓe mbi'i'on. E ɓe paamana yonkiiji mooɗon: Allah boo ƴamayɓe dow no ɓe paamirani'on. Tokkee ko ɓe mbi'i ngam ɓe ngaɗa kuugal ngal nder belɗum ɓernde naa' nder teddoral. To ɗum wartii teddoral, non wartay walaa ko nafanta'on.

Luka 16:2

Ngam non diskuɗo on noddimo, wi'imo, ‘Ko nanaymi dow maaɗa nihi? Wi'am no njogoriɗaa jawdi am ngam daga jooni mi ittete dow jawdi am.’

2 Timooti 1:11

Ngam hokkuki Habaru Belɗum ɗu'um, Allah wartiriyam ga'ajinoowo e lilaaɗo e ekkitinoowo.

Yahaya 3:10

Yeesu nootii wi'imo, “A moodibbo mawɗo nder Israa'iila, ammaa a faamaayi ɗu'um?

Maatiyu 10:24

“Ekkitotooɗo ɓurataa moodibbo muuɗum, maccuɗo boo ɓurataa jeyɗomo.

Luka 6:37

“To' on kiito woɓɓe, on kiitataake. To' on metu kalluka dow goɗɗo, ɗum metataa kalluka dow mooɗon. Njaafee, ɗum yaafanto'on.

Maatiyu 9:11

Nde Faarisanko'en ngi'i non, ɓe mbi'i tokkuɓemo, “Ngam ɗume moodibbo mooɗon nyamdata e jaɓooɓe ceede leydi e gaɗooɓe hakke?”

Kuuɗe Lilaaɓe 13:1

Nder kawtal tokkuɓe Yeesu wonɓe gariiri Antaakiya e woodi annabo'en e ekkitinooɓe, kamɓe ngoni Barnaba e Saaminu bi'eteeɗo Ɓaleejo, e Luusiyus Saayirankeejo, e Manayen mawnuduɗo e Hirudus laamiiɗo, e Caawulu.

Yaakubu 1:16

Bandiraaɓe am ɓe ngiɗumi, to' on njaɓu ɗum majjina'on.

Yaakubu 1:19

Onon bandiraaɓe am ɓe ngiɗumi, andee ɗu'um: koo moye yaawa nanuki, ammaa to' yaawa metuki, to' yaawa monnuki.

Yaakubu 3:10

Mantuki e huɗuki e wurtoyoo daga honduko go'o. Onon bandiraaɓe am, non haanaa.

Maatiyu 23:14

[On mbonii onon moodiɓɓe Attawra e Faarisanko'en! On munaafuki'en! On nyaama jawdi rewɓe ɓe worɓe maɓɓe maayi, on ngaɗa do'aare juutunde ngam yimɓe ngi'a. Ngam non, Allah ɓuray hokkuki'on bone.]