Yaakubu 2:8 - Fulfulde Nigeria

⁸ On ngaɗii ko wooɗi to on tokkii dooka ɗum Laamu Allah bindaaɗum nder aayaare biinde, “Yiɗu bandiraawo maaɗa no ngiɗirɗaa hoore maaɗa.”

Yaakubu 2:8 ပူးပေါင်းရင်းမြစ်များ

Galaatiyanko'en 5:14

Ngam fuu Attawra heewii dow wolde go'o, waato, “Yiɗu bandiraawo maaɗa no ngiɗirɗaa hoore maaɗa.”

Yaakubu 2:12

Alee meto mooɗon e kuuɗe mooɗon warta bo ɗum yimɓe ɓe ɗum waɗanta kiita dow dooka rimɗinoojum.

Maatiyu 22:39

Ɗiɗaɓum maa e fottidi e arandejum ɗum. ‘Yiɗu bandiraawo maaɗa no ngiɗirɗaa hoore maaɗa.’

Galaatiyanko'en 6:2

Mballindiree nder torraaji mooɗon. To on ngaɗii non, on ngaɗii ko dooka Almasiihu wi'i.

1 Biiturus 2:9

Ammaa onon ɗum lenyol ngol Allah suɓi, on kawtal ardiiɓe diina kuwanooɓe laamiiɗo mawɗo, yimɓe ceniiɓe, ɓe Allah jeyi. O suɓu'on ngam nga'ajinon habaru kuuɗe maako kayɗiniiɗe. O wurtinoy'on nder nyiwre ngam natton jayngol maako kayɗiniingol.

Yaakubu 1:25

Ammaa gaɗɗo hakkiilo muuɗum fuu dow dooka kewɗum rimɗinayɗum yimɓe, e mo waɗi ka waɗuki hakkiilo dow maajum, naa' nanoowoɗum tan e yejjita, ammaa e mo waɗa ko ɗum wi'i, o heɓay barka nder waɗukiɗum.

1 Tasaloonikanko'en 4:9

Dow no haani ngiɗindiron boo, naa' sey to goɗɗo windanii'on, ngam onon e ko'e mooɗon Allah ekkitinii'on ngiɗindiron.

Filibiyanko'en 4:14

Ammaa on ngaɗii boɗɗum nde mballuɗoyyam nder torra am.

Maatiyu 25:23

Sey joomu wuro on wi'imo, ‘A huwii boɗɗum, maccuɗo boɗɗo mo goonga. Nde a waɗii goonga dow fii seɗɗa. Mi tambinte ɗuɗɗum. Woroy, nanidaa belɗum e am.’

Yaakubu 2:19

A jaɓii Allah o go'oto. Too, boɗɗum! Koo ginni maa njaɓii non. Kanjum waɗi e ɗi ndiwna ngam kulol.

Maatiyu 25:21

Sey joomu wuro on wi'imo, ‘A huwii boɗɗum, maccuɗo boɗɗo mo goonga. Nde a waɗii goonga dow fii seɗɗa, mi tambinte ɗuɗɗum. Woroy, nanidaa belɗum e am.’

Maatiyu 7:12

“Fuu ko ngiɗɗon woɓɓe ngaɗana'on, onon maa ngaɗaneeɓe non, ngam kanjum woni ko Attawra e Defte Annabo'en mbi'i.

Roomanko'en 13:10

Taa yiɗi bandiraawo maaɗa, a waɗantaamo ko halli. Ngam maajum, yidde woni ko hebbini ko dooka Allah yiɗi.

Yaakubu 4:11

Bandiraaɓe, to' on metindir haalaaji kalluɗi. Ngam fuu metuɗo haala kalluka dow bandiraawo muuɗum, koo yowanimo ko wooɗaa, metii haala kalluka dow dooka Allah won ɗon, yowaniiɗum ko wooɗaa. Ammaa taa yowanii dooka Allah ko wooɗaa, a wartii mo tokkataaka jowanoowoka ko wooɗaa.