Yaakubu 2:12 - Fulfulde Nigeria

¹² Alee meto mooɗon e kuuɗe mooɗon warta bo ɗum yimɓe ɓe ɗum waɗanta kiita dow dooka rimɗinoojum.

Yaakubu 2:12 ပူးပေါင်းရင်းမြစ်များ

Yaakubu 1:25

Ammaa gaɗɗo hakkiilo muuɗum fuu dow dooka kewɗum rimɗinayɗum yimɓe, e mo waɗi ka waɗuki hakkiilo dow maajum, naa' nanoowoɗum tan e yejjita, ammaa e mo waɗa ko ɗum wi'i, o heɓay barka nder waɗukiɗum.

Yaakubu 2:8

On ngaɗii ko wooɗi to on tokkii dooka ɗum Laamu Allah bindaaɗum nder aayaare biinde, “Yiɗu bandiraawo maaɗa no ngiɗirɗaa hoore maaɗa.”

Koloosiyanko'en 3:17

Nder koo ɗume ɗum ngaɗoton, nder boliiɗe mooɗon koo nder kuuɗe mooɗon, ngaɗeeɗum nder inde Yeesu Joomiraawo, on ngetta Allah Nyaako Mo Dow laawol maako.

Filibiyanko'en 4:8

E re'irde bandiraaɓe am, ngaɗee ka nyumuki dow koo ɗume ko woni ɗum goonga, e ko mawninee, e ko haani, e ko laaɓi, e ko welnanta yimɓe ɓerɗe, e ko ɗum yi'ata e wooɗi, e koo ɗume ngikku boɗɗum, e ko hewti manteeki.

Luka 4:18

“Ruuhu Joomiraawo e dow am, ngam o suɓiiyam mi hokka ɓe ngalanaa Habaru Belɗum. O liliiyam mi wadda habaru yoofuki maccuɓe, mi wumtina wumɓe, mi waɗa ɗum ala torreteeɓe ndilla,

Yahaya 8:32

Nden on anday goonga, goonga boo rimɗinay'on.”

Galaatiyanko'en 6:2

Mballindiree nder torraaji mooɗon. To on ngaɗii non, on ngaɗii ko dooka Almasiihu wi'i.