Yaakubu 1:12 - Fulfulde Nigeria

¹² O barkiɗinaaɗo fuu munyuɗo nder torra, ngam to o heɓii jaalorgal dow torra kan, Allah hokkaymo giifol ngol o waɗani yiɗuɓemo alkawal, waato yonki ki re'ataa.

Yaakubu 1:12 ပူးပေါင်းရင်းမြစ်များ

1 Biiturus 5:10

Nden gaɗa on njarii torra carel seɗɗa, Allah gooduɗo yidde fuu, nodduɗo'on ngam keɓon geɗal nder teddungal maako tabotoongal barka Almasiihu, kanko e hoore maako o wartiray'on keewuɓe, o joɗɗina'on, o sembiɗina'on bo tafaare.

Wahayu Yahaya 2:10

To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

Yaakubu 5:11

On andi, en noddira munyuɓe barkiɗinaaɓe. On nanii no Ayuuba munyiri, nden on andi no Joomiraawo barkiɗinirimo daga gaɗa. Joomiraawo o kewɗo yurmeende e yidde.

Roomanko'en 8:28

En andi nder koo ɗume Allah e huwa ngam ɓeydaari yimɓe giɗɓemo, ɓe o suɓi non no o yiɗiri.

Maatiyu 10:22

Koo moye wanyay'on ngam on tokkuɓeyam. Ammaa munyuɗo haa re'irde hisay.

1 Korintiyanko'en 9:25

Fuu giɗɓe keɓa jaalorgal nder fijo e ɓe elta ɓalli maɓɓe. E ɓe ngaɗa non ngam ɓe keɓa giifol koo nde giifol ngol ngol de'oowol. Ammaa enen giifol tabbitayngol keɓeten.

1 Biiturus 3:14

Ammaa koo to on njarii torra ngam waɗuki ko wooɗi, Allah barkiɗinay'on. Ngam non, to' on kulu torrayɓe'on, to' on ngannu.

2 Timooti 4:8

Jooni giifol e ton heɗiiyam, ngol ɗum hokkata gaɗuɓe jonde bonde, ngol Joomiraawo gaɗoowo kiita goonga hokkatayam Nyalnde Jaango. Naa' min tan, ammaa fuu giɗɓe yiiki gartol maako.

Yaakubu 2:5

Bandiraaɓe am ɓe ngiɗumi, nanee ko mbi'aymi. Naa' Allah suɓii ɓe ngalanaa nder duuniyaaru ndu'u ɓe ngarta kooliiɓe Yeesu ɓe ndona barka gonɗum nder laamu Allah ɗum o waɗani yiɗuɓemo alkawal?

1 Biiturus 5:4

Ngam to Almasiihu laamiiɗo woynaaɓe wartoyii, on keɓay giifol mangu ngol haa abadaa.

1 Korintiyanko'en 2:9

Ammaa non no ɗum windiraa, “Ko hitere meeɗaayi yiiki, ko nowru meeɗaayi nanki, ko neɗɗo meeɗaayi nyumuki, kanjum Allah siryanii yiɗuɓemo.”

Wahayu Yahaya 3:21

Fuu keɓuɗo jaalorgal o laamodoto e am nder laamu am, non no keɓirmi jaalorgal e mi laamodoo e Nyaako am nder laamu maako.

1 Biiturus 4:13

Ammaa nanee belɗum to on njara torra iri ka Almasiihu yari, ngam to o wartii nder mangu maako nanon belɗum naa' seɗɗa.

1 Korintiyanko'en 8:3

Ammaa neɗɗo giɗɗo Allah, Allah e andimo.

Wahayu Yahaya 3:19

E mi haɓana ɓe nginmi, mi hollitaɓe. Ngam non njawnee tuubee.

Ibraaniyanko'en 10:32

Ammaa ciftoree balɗe arandeeje ɗe ɗum famtini'on dow Almasiihu. On munyii nder yarki torra kalluka.

Ibraaniyanko'en 6:15

Non boo, gaɗa Ibraahim munyii, o heɓii ko Allah waɗanimo alkawal.

Maatiyu 25:34

Sey Laamiiɗo on wi'a wonɓe nyaamo muuɗum, ‘Ngaree, onon ɓe Nyaako am barkiɗini, ndonee Laamu ɗum um siryanii'on daga fuɗɗoode duuniyaaru.

Ibraaniyanko'en 11:17

Ngam Ibraahim e hoolii Allah waɗi o siryii sakkanki Allah ɓiɗɗo maako Iciyaaku nde Allah foondimo. Kanko gaɗanaaɗo alkawal e mo haade sakkuki ɓiɗɗo maako bajjo,

1 Yahaya 4:19

En ngiɗindiri, ngam Allah artii yiɗuki'en.

Ibraaniyanko'en 12:5

On ngejjitii boliiɗe cembiɗinayɗe'on ɗe Allah metani'on kolluɗe on ɓiɓɓe maako? O wi'ii, “Ɓiɗɗo am, to Joomiraawo eltiima, taa' wartirɗum meere. To o haɓaniima boo, taa' yewru.

Luka 6:22

“On barkiɗinaaɓe to yimɓe nganyii'on, ndiiwii'on, kuɗii'on, mbonnii inɗe mooɗon ngam Ɓii Neɗɗo.

Roomanko'en 5:4

To en munyii nder torra, en keɓay ngikku ɗum Allah yiɗi, to o yiɗii ngikku meeɗen, non waɗay ngaɗen kammunde.

2 Timooti 2:15

Waɗu ko mbaawataa waɗuki ngam ngartiraa hoore maaɗa ko jaɓetee to Allah, kuwoowo mo nanataa cemtuɗum, ekkitinoowo wolde goonga no nde wontindiri.

1 Biiturus 4:14

On barkiɗinaaɓe, to e ɗum huɗa'on ngam inde Almasiihu, ngam Ruuhu Allah gooduɗum teddungal e wondi e mooɗon.