Wahayu Yahaya 9:20 - Fulfulde Nigeria

²⁰ Yimɓe koriiɓe ɓe bone ɗum ɗon mbaraayi, ɓe tuubaayi ɓe cendiri e ko ɓe ngaɗi e juuɗe maɓɓe. Ɓe alaayi mawninki ginni, e allaaji fewre gaɗiraaɗi jiinaari, koo ajurfaari, koo njamndi mboɗeeri, koo hayre, koo lekki. Ɗi fuu ɗi ngi'ataa, ɗi nanataa, ɗi njahataa.

Wahayu Yahaya 9:20 ပူးပေါင်းရင်းမြစ်များ

Wahayu Yahaya 9:21

Nden ɓe alaayi waruki yimɓe, e huutirki bawɗe ginni, e njeenu, e wujje‑wujje maɓɓe.

1 Timooti 4:1

Ruuhu Allah tabbitinii wi'uki e balɗe re'uki duuniyaaru woɓɓe yimɓe alay hoolaaki Yeesu, ɓe tokka ekkitinooɓe fewre keɓuɓe andal mu''en to ginni.

Kuuɗe Lilaaɓe 19:26

Kadimaa on nanii, on ngi'ii ko Bulus waɗata. E mo selna yimɓe ɗuɗɓe, naa' ɗo'o nder gariiri Aafisa tan, ammaa haa nder leydi Aasiya fuu. E mo wi'aɓe allaaji ɗi yimɓe ngaɗi e juuɗe maɓɓe, naa' ɗi goongaaji.

Kuuɗe Lilaaɓe 7:41

Nder balɗe ɗen ɓe ngaɗi gagel jiinaari, ɓe ngartiringel allah maɓɓe, ɓe kirsaningel cakkiri, ɓe ngaɗi humto ngam mawninki ko ɓe ngaɗi e juuɗe maɓɓe.

2 Korintiyanko'en 12:21

E mi hula to mi fuɗɗitii mi so''oyake to mooɗon, Allah am semtinayyam yeeso mooɗon, nden ɓernde am naaway, ngam ɗuɗɓe gaɗunooɓe hakke ɓe tuubaayi ɓe ali kuuɗe ɗe ɓe ngaɗata, waato kuuɗe nefniiɗe, e njeenu, e fuu kuuɗe kalluɗe ɗe ɓerɗe maɓɓe ngiɗi.

Kuuɗe Lilaaɓe 17:29

Too, nde en lenyol Allah, haanaayi kammooɗen e mo nandi e goɗɗum gaɗiraaɗum e jiinaari koo e ajurfaari koo e hayre cehaande, koo e ko neɗɗo waɗiri nyumo muuɗum.

Maatiyu 21:32

Ngam Yahaya warii hollii'on laawol aadilaaku, on koolaakimo. Ammaa jaɓooɓe ceede leydi e kaaruwa'en koolakemo. Koo nde ngiiɗon non, daga gaɗa on tuubaayi kooliiɗonmo.

Wahayu Yahaya 16:8

Sey malaa'ikaajo nayaɓo wayli ko woni nder tummude muuɗum dow naange. Sey ɗum alinge nge wula yimɓe gulɗum kalluɗum.

Wahayu Yahaya 9:19

Sembe maaji nder konduɗe maaji e bicce maaji ngoni. Bicce ɗen e ngoodi ko'e bo ɗe boole, e maaje ɗi nawnirta yimɓe.

Wahayu Yahaya 15:1

Sey ngiimi goɗɗum alaama ton dow mawɗum kayɗiniiɗum. Mi yi'ii malaa'ika'en njoweeɗiɗo jogiiɓe bone joweeɗiɗi kalluɗum cakitiiɗum, ngam kanje ngoni keerol monnere Allah.