Wahayu Yahaya 8:8 - Fulfulde Nigeria

⁸ Nde malaa'ikaajo ɗiɗaɓo duudi luwal muuɗum, sey ɗum hubii goɗɗum nder maayo nanduɗum e hocceere mawnde e ɗum nyaama hiite. Daga ɗon sendere go'o nder cende tati ɗe maayo ngon warti ƴiiƴam.

Wahayu Yahaya 8:8 ပူးပေါင်းရင်းမြစ်များ

Markus 11:23

E mi wi'a'on goonga, to goɗɗo wi'ii hocceere nde'e, ‘Dillu, kuboɗaa hoore maaɗa nder mbeela,’ to o waɗaayi seko nder ɓernde maako, ammaa o hoolii ko o wi'i ɗum waɗay, ɗum waɗanaymoɗum.

Wahayu Yahaya 8:7

Malaa'ikaajo arandeejo duudi luwal muuɗum sey raa malemalleeje kalluɗe e hiite e ɗum jillindirii e ƴiiƴam ɗum meccoyaa dow duuniyaaru. Hiite ngen boo nyaami sendere go'o nder cende tati ɗe duuniyaaru, nge nyaami sendere go'o nder cende tati ɗe leɗɗe e fuɗe fuɗeeji.

Wahayu Yahaya 11:6

E ɓe ngoodi laamu haɗuki ndiyam toɓa nder balɗe ɗe ɓe nga'ajinta Wolde Joomiraawo. Nden e ɓe ngoodi laamu ɓe ngartira ndiyam ƴiiƴam. Ɗonmaa e ɓe ngoodi laamu jippinanki duuniyaaru koo iri ɗume bone kalluɗum ɗum ɓe ngiɗi.

Wahayu Yahaya 9:15

Sey ɗum yoofi malaa'ika'en ɓen ɗon nayo ɓe ɗum siryanii carel nge'el, e nyalnde nde'e nde lewru ndu'u e ndungu ngu'u ngam ɓe mbara sendere go'o nder cende tati ɗe yimɓe duuniyaaru.

Wahayu Yahaya 9:18

Sendere go'o nder cende tati ɗe duuniyaaru mbardaa e bone kalluɗum tatum ɗum ɗon, waato hiite, e curka, e kaaƴe nyaamooje hiite burtoytooɗum daga konduɗe maaji.

Wahayu Yahaya 12:4

Sey wicco maaga wuuwi sendere go'o nder cende tati ɗe koode nga rufoyiɗe dow duuniyaaru. Sey nga wari nga darii yeeso on ɗon debbo dicciiɗo danyay ngam nga nyaama ɓingel maako to o danyiingel.