Wahayu Yahaya 8:3 - Fulfulde Nigeria

³ Sey goɗɗo malaa'ikaajo wari darii yeeso to ɗum wulata urde welnde e mo jogii tummude jiinaari nde ɗum wulata urde nder mayre. Ɗum hokkimo urde ɗunde ngam o hawtande e do'aare yimɓe Allah o hokkande Allah to ɗum wulata urde welnde ɗum jiinaari gonɗum yeeso jooɗorgal laamu ngal.

Wahayu Yahaya 8:3 ပူးပေါင်းရင်းမြစ်များ

Wahayu Yahaya 5:8

Nde ndi jaɓinde, tagaaɗum nayum gooduɗum yonki ɗum e mawɓe 24 ɓen njani yeeso mayri mawninindi. Koo moye e jogii garaayaaru e tummude jiinaari e nde heewi urde welnde, kayre woni do'aaje yimɓe Allah.

Wahayu Yahaya 8:4

Sey curka urde nden ummii daga nder tummude nde o jogii nden hawti e do'aaje yimɓe Allah ɓen ka yahi yeeso Allah.

Luka 1:10

Nde carel wuluki urde welnde waɗi, moɓgal fuu e dari yaasi e ɓe ngaɗa do'aare.

Wahayu Yahaya 9:13

Nden malaa'ikaajo joweego'oojo duudi luwal muuɗum, sey nanmi hononde e wurtoyoo daga nder noppi nayi ɗi to ɗum wulata urde ɗum jiinaari gonɗum yeeso Allah.

Ibraaniyanko'en 9:4

Nder wigeere nden e woodi sakkirde jiinaari to ɗum wulata urde welnde, nden e woodi akwaatiya alkawal cuddiraanga jiinaari. Nden nder maaga e woodi tummugel gaɗiraangel jiinaari; nder maggel boo e woodi nyamndu bi'eteendu manna. Ɗonmaa e woodi sawru Haruuna gaɗundu pindi, e allooje ɗiɗi ɗe kaaƴe ɗe ɗum windi dookaaji Allah dow maaje.

Ibraaniyanko'en 7:25

Ngam non, hande e koo ndeye e mo woodi bawɗe o hisna ɓaddotooɓe Allah laawol maako. E mo waawi hisnukiɓe ngam e mo woodi yonki haa abadaa, nden e mo toroo Allah ngam maɓɓe.

Roomanko'en 8:34

Moye waawata taƴankiɓe kiita? Walaa! Yeesu Almasiihu maayii, ko ɓuri woni o umminaama daga mayde, e mo ton jooɗii to jungo nyaamo ngo Allah, kadin e mo toroo Allah ngam meeɗen.

Wahayu Yahaya 7:2

Sey ngiimi goɗɗo malaa'ikaajo e ƴenta dow daga fuuna e mo jogii haatimiire Allah gooduɗo yonki. O metani malaa'ika'en nayo ɓen ɗon ɓe Allah hokki laamu lallinki leydi e maayo. O metaniɓe e hononde cembinde,

Wahayu Yahaya 6:9

Nde Karoori ndin takkiti haatimiire njowaɓre nden, mi yi'ii yonkiiji ɓe ɗum wari ngam ɓe nga'ajinii Wolde Allah e goonga. E ɓe ley to ɗum wulata urde.

Wahayu Yahaya 10:1

Nden mi fuɗɗitii mi yi'i goɗɗo malaa'ikaajo gooduɗo laamu, e mo jippoyoo daga dow, e mo suddorii duule. E mo woodi timbotimbola dow hoore maako, yeeso maako bo naange, koyɗe maako bo lekko nyaamooho hiite.

Wahayu Yahaya 8:5

Sey malaa'ikaajo on hocci tummude nden hebbininde hiite daga to ɗum wulata urde welnde, o sankitinge dow duuniyaaru. Sey ɗum nangi waɗuki palmaali, e hoolo, e maƴƴe, e dimbol leydi.

Wahayu Yahaya 14:18

Sey goɗɗo malaa'ikaajo paamanoowo hiite wurtoyii daga nder to ɗum wulata urde. O metani malaa'ikaajo jogiiɗo lawjeeru welndu nder hononde cembinde o wi'i, “Waɗu lawjeeru maaɗa taƴaa inabooje duuniyaaru, ngam ngesa inabooje duuniyaaru ɓendii.”