Wahayu Yahaya 7:3 - Fulfulde Nigeria

³ o wi'i, “To' on lallin leydi koo maayo koo leɗɗe naa min ngaɗanii maccuɓe Allah meeɗen alaama to tiiɗe maɓɓe taw.”

Wahayu Yahaya 7:3 ပူးပေါင်းရင်းမြစ်များ

Wahayu Yahaya 22:4

Nden ɓe ngi'ay yeeso maako, kadimaa ɗum winday inde maako e tiiɗe maɓɓe.

Wahayu Yahaya 9:4

Sey ɗum wi'iko to' ko meema geene, koo leɗɗe, koo goɗɗum fuɗe‑fuɗe, sey ni yimɓe ɓe ngalaa alaama Allah e tiiɗe maɓɓe tan.

Wahayu Yahaya 20:4

Nden mi yi'ii jooɗorle laamu, woɓɓe e njooɗii dow maaje. Kamɓe ngoni kokkaaɓe laamu waɗuki kiita. Ɗonmaa mi yi'ii yonkiiji ɓe ɗum ittani ko'e ngam ɓe nga'ajinii habaru Yeesu e Wolde Allah. Kamɓe ngoni ɓe mawninaayi ndin ɗon mardi koo ngunkiwa nandunga e mayri, ɓe njaɓaayi ɗum waɗanaɓe alaama mayri e tiiɗe maɓɓe koo e juuɗe maɓɓe. Ɓe puɗɗiti ɓe keɓii yonki, ɓe laamodii e Almasiihu haa duuɓi 1,000.

Wahayu Yahaya 14:1

Nden mi raarii sey ngiimi Karoori ndin e darii dow Hocceere Sihiyoona. E mo wondi e yimɓe 144,000 ɓe ɗum windani inde maako e nde Nyaako maako to tiiɗe maɓɓe.

Wahayu Yahaya 13:16

Ɗonmaa mardi ɗiɗawri ndin waɗi koo moye waɗanee alaama mayri e jungo nyaamo koo e tiinde, mawɗo e pamaro, gooduɗo risku e mo walanaa, maccuɗo e naa' maccuɗo.

Wahayu Yahaya 19:2

ngam kiita maako e woodi goonga e aadilaaku, o halkii kaaruwaajo on ɗon mawɗo bonnuɗo duuniyaaru e njeenu muuɗum. Allah waatanake maccuɓe muuɗum ɓe kaaruwaajo on wari.”

Wahayu Yahaya 6:6

Sey nanmi goɗɗum bo hononde e wurtoyoo hakkunde tagaaɗum nayum gooduɗum yonki ɗum ɗon e nde wi'a, “Ɗum yoɓay ceede kuugal nyalnde go'o ngam poondirgel alkamaari go'o. Ɗum yoɓay ceede kuugal nyalnde go'o ngam poondirkoy tatoy koy gawri. Ammaa taa' wonnu nebbam jaytun koo ndiyam inabooje.”

Yahaya 12:26

Fuu kuwanoowoyam doole tokkayam. Nden to ngonmi, ton kuwanoowoyam wonata, kanko maa. Koo moye kuwanayɗoyam, Nyaako am hokkaymo mangu.”

Maatiyu 24:22

Daa Allah ustaayi ɗen ɗon balɗe, daa walaa goɗɗo kisayɗo. Ammaa ngam ɓen ɗon cuɓaaɓe maako, o ustay balɗe ɗen.

Roomanko'en 6:22

Ammaa jooni nde ɗum rimɗinii'on daga hakke, nden on ngartii maccuɓe Allah, ɓeydaari ndi keɓoton woni jonde lamnde, nden e re'irde keɓon yonki ki re'ataa.

Maatiyu 24:31

O waɗay ɗum duuda luwal sembee duuduki liluki malaa'ika'en maako, ɓe kawrita ɓe o suɓi daga koo toye nder duuniyaaru, daga ngo'ol keerol duuniyaaru yaaki ngol ton keerol duuniyaaru.

Yahaya 3:33

Koo moye jaɓuɗo ko o wi'i tabbitinii jaɓii ko Allah wi'i ɗum goonga.

Wahayu Yahaya 7:1

Gaɗa non mi yi'ii malaa'ika'en nayo e ndarii e guttulli nayi ɗi duuniyaaru. E ɓe curi henduuji nayi ɗi duuniyaaru ngam to' hendu wisa dow leydi koo dow maayo koo dow koo kiye lekki.

Wahayu Yahaya 7:2

Sey ngiimi goɗɗo malaa'ikaajo e ƴenta dow daga fuuna e mo jogii haatimiire Allah gooduɗo yonki. O metani malaa'ika'en nayo ɓen ɗon ɓe Allah hokki laamu lallinki leydi e maayo. O metaniɓe e hononde cembinde,

Wahayu Yahaya 13:17

Ndi waɗu non ngam to' goɗɗo sooda koo soora to walaa alaama mayri, waato inde mayri koo lamba inde mayri.

Wahayu Yahaya 14:9

Sey malaa'ikaajo tataɓo tokki ɗiɗo arande'en ɓen e wi'a e sembe, “Fuu mawninɗo ndin ɗon mardi arandeeri e ngunkiwa nandunga e mayri, nden jaɓi alaama mayri e jungo muuɗum koo e tiinde muuɗum,