Wahayu Yahaya 7:14 - Fulfulde Nigeria

¹⁴ Sey mbiimoomi, “Mi andaa, mawɗo. An a andi.” Sey o wi'iyam, “Ɓe'e yimɓe kamɓe ƴiwoyi daga nder torra kalluka. Ɓe laɓɓiniri kolte maɓɓe e ƴiiƴam Karoori ndin ɗe ndanni tar.

Wahayu Yahaya 7:14 ပူးပေါင်းရင်းမြစ်များ

1 Yahaya 1:7

Ammaa to en njooɗake nder jayngol non no Allah jooɗorii nder jayngol, en cumpootira hakkunde meeɗen won ɗon. Ɗonmaa ƴiiƴam Yeesu Ɓiɗɗo maako e lootana'en hakkeeji fuu.

Wahayu Yahaya 22:14

Ɓe barkiɗinaaɓe laɓɓinɓe kolte maɓɓe ngam ɓe keɓa nattuki gariiri ndin ɓe nyaama ɓikkoy lekki yonki.

Ibraaniyanko'en 13:12

Kanjum waɗi Yeesu maa maayi gaɗa gariiri, ngam o laaɓina yimɓe daga hakke maɓɓe barka ƴiiƴam maako.

Wahayu Yahaya 1:5

e Yeesu Almasiihu, ceyduujo Allah mo goonga, barkiɗina'on, hokka'on jam. Yeesu artuɗo ummaaki daga mayde kanko woni laamiiɗo laamiiɓe duuniyaaru. E mo yiɗi'en, o hisnii'en daga hakkeeji meeɗen barka ƴiiƴam mayde maako.

Wahayu Yahaya 12:11

Ɓe keɓii jaalorgal dow maako barka ƴiiƴam Karoori ndin nden e barka Wolde Allah ngam ɓe njaɓii ɓe ndulla yonki maɓɓe.

Ibraaniyanko'en 9:14

Hakko ƴiiƴam Almasiihu ɗam waɗay ko ɓuri non. Barka Ruuhu Allah gonɗum haa abadaa, o hokkii hoore maako o wartii cakkiri ndi walaa goɗɗum ko haanaa. Ƴiiƴam maako boo laaɓinay ɓerɗe meeɗen daga kuuɗe jaarayɗe mayde, ngam kuwanen Allah mo yonki.

1 Biiturus 1:19

Ɗum rimɗinirii'on ƴiiƴam Almasiihu gooduɗam daraja. Kanko woni bo karoori ndi walaa goɗɗum ko haanaa.

1 Korintiyanko'en 6:11

Ndenno non woɓɓe mooɗon mba'i. Ammaa jooni ɗum lootii hakke mooɗon, on ngartiraama yimɓe Allah, on ngartiraama aadili'en barka Yeesu Almasiihu Joomiraawo meeɗen e Ruuhu Allah.

Wahayu Yahaya 5:9

Ɓe ngimi gimol kesol e ɓe mbi'a, “A hewtii njaɓaa deftere nden takkitaa haatimiije mayre, ngam ndenno a waraama, nden barka ƴiiƴam maaɗa a rimɗinanii Allah yimɓe daga koo ngole lenyol, e koo ngale ɗemngal, e daga koo ɓeye yimɓe, e daga koo ndiye leydi.

Maatiyu 24:21

Ngam nder ɗen ɗon balɗe ɗum waɗay torra kalluka mawka iri ka ɗum meeɗaayi waɗuki daga carel ngel Allah tagi duuniyaaru haa jooni. Ɗum boo fuɗɗitataa ɗum waɗa iri kan ɗon torra.

Yahaya 16:33

Mi wi'u'on ɗu'um ngam keɓon belɗum ɓernde barka sumpootirki e am. Nder duuniyaaru ndu'u on njaray torra. Ammaa to' on ngannu, mi heɓii jaalorgal dow duuniyaaru.”

Wahayu Yahaya 17:6

Sey ngiimi debbo on e yiltii ngam ƴiiƴam yimɓe Allah ɗam o yari e ƴiiƴam ɓe ɗum wari ngam tokkuki Yeesu. Nde ngiimoomi mi hayɗinii naa' seɗɗa.

Roomanko'en 5:3

Naa' non tan, haa maa en mbelmbelta nder torraaji ɗi njareten, ngam en andi yaruki torraaji e wadda munyal.

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

Wahayu Yahaya 15:2

Sey ngiimi goɗɗum bo maayo daarolle hawti e hiite. Nden mi yi'i keɓuɓe jaalorgal dow mardi arandeeri ndin ɗon e ngunkiwa nandunga e mayri e lamba kollayɗum inde mayri. E ɓe ndarii daande maayo daarolle ngon e ɓe njogii garaayaaji ɗi Allah hokkiɓe.

Wahayu Yahaya 2:9

E mi andi torra ka njaroton, e mi andi on ngalanaa, ammaa on diskuɓe. E mi andi haala kalluka ka yimɓe metata dow mooɗon, wi'ooɓe ɓe yimɓe Allah, ammaa naa' ɗum non, ɓe yimɓe Ceyɗan.

2 Tasaloonikanko'en 1:4

Kanjum waɗi minon e ko'e amin e min mantoroo'on nder kawte tokkuɓe Allah. E min ɗiiwitanaɓe no munyirɗon e hoolaare mooɗon nder fuu torraaji e caɗeele ɗe njaroton.

Markus 13:19

Ngam nder ɗen ɗon balɗe ɗum waɗay torra kalluka iri ka ɗum meeɗaayi waɗuki daga carel ngel Allah tagi duuniyaaru haa jooni. Ɗum boo fuɗɗitataa ɗum waɗa iri kan ɗon torra.

Wahayu Yahaya 7:9

Gaɗa ɗum ɗon mi raarii sey ngiimi yimɓe ɗuɗɓe ɓe ƴaɓɓake limngal. Ɓe ngaroyii daga koo ndiye leydi, e koo ngole lenyol, e koo ɓeye yimɓe, e koo ngale ɗemngal, e ɓe ndarii yeeso jooɗorgal laamu ngal e Karoori ndin e ɓe ɓornii kolte daneeje tar. E ɓe njogii licoy haako dabiinooje e juuɗe maɓɓe.