Wahayu Yahaya 6:11 - Fulfulde Nigeria

¹¹ Sey ɗum hokki koo moye maɓɓe limcere raneere, ɗum wi'iɓe ɓe ciwtoo seɗɗa, naa ɗum hebbitii waruki horiiɓe nder higooɓe kuugal maɓɓe tokkuɓe Yeesu, ɓe ɗum warata non no ɗum wardiɓe.

Wahayu Yahaya 6:11 ပူးပေါင်းရင်းမြစ်များ

Wahayu Yahaya 7:9

Gaɗa ɗum ɗon mi raarii sey ngiimi yimɓe ɗuɗɓe ɓe ƴaɓɓake limngal. Ɓe ngaroyii daga koo ndiye leydi, e koo ngole lenyol, e koo ɓeye yimɓe, e koo ngale ɗemngal, e ɓe ndarii yeeso jooɗorgal laamu ngal e Karoori ndin e ɓe ɓornii kolte daneeje tar. E ɓe njogii licoy haako dabiinooje e juuɗe maɓɓe.

Wahayu Yahaya 14:13

Sey puɗɗutumi nanmi wonde hononde daga dow e wi'a, “Windu ɗu'um, ‘Ɓe barkiɗinaaɓe maayayɓe daga jooni e tokki Joomiraawo.’ ” Ruuhu Allah wi'ii, “Goonga, ɓe ciwtoto daga kuugal maɓɓe e torra maɓɓe, ngam ko ɓe ngaɗi tokkayɓe.”

Wahayu Yahaya 7:14

Sey mbiimoomi, “Mi andaa, mawɗo. An a andi.” Sey o wi'iyam, “Ɓe'e yimɓe kamɓe ƴiwoyi daga nder torra kalluka. Ɓe laɓɓiniri kolte maɓɓe e ƴiiƴam Karoori ndin ɗe ndanni tar.

Ibraaniyanko'en 11:40

Allah siryake goɗɗum ɓurɗum wooɗuki ngam meeɗen, ngam to naa' hawti e meeɗen, ɓe ngartirtaake keewuɓe.

Yahaya 16:2

Ɗum riiway'on daga nder lenyol. Goonga, carel e wara ngel koo moye barɗo'on nyumay Allah huwanta.

Wahayu Yahaya 17:6

Sey ngiimi debbo on e yiltii ngam ƴiiƴam yimɓe Allah ɗam o yari e ƴiiƴam ɓe ɗum wari ngam tokkuki Yeesu. Nde ngiimoomi mi hayɗinii naa' seɗɗa.

Wahayu Yahaya 13:15

Ɗum ali mardi ɗiɗawri ndin fuufana ko ɓe ngaɗi ɗum foofaango yonki ngam ɗum meta ɗum waɗa fuu ganyuɗo mawninkiɗum waree.

Maatiyu 10:21

“Neɗɗo hokkitiray sakiraawo muuɗum ɗum waramo, nyaako maa hokkitiray ɓiɗɗo muuɗum. Ɓiɓɓe ummanto danyooɓe maɓɓe, ɓe ngaɗa ɗum waraɓe.

Luka 15:22

Ammaa nyaako on wi'i maccuɓe muuɗum, ‘Njawnee ngaddon limce ɓurɗe wooɗuki, ɓornonmo. Ngaɗaneemo jabbaare e hoondu maako e paɗe e koyɗe maako.

Kuuɗe Lilaaɓe 20:24

Ammaa mi hoccaayi yonki am bono goɗɗum geetum, to ni mi heɓii mi heenyii kuugal ngal Yeesu Joomiraawo hokkiyam, waato wa'ajinki Habaru Belɗum ɗum yidde Allah.

2 Tasaloonikanko'en 1:7

o waltinay ɓerɗe mooɗon onon torreteeɓe. Minon maa o waltinay ɓerɗe amin. O waɗay non nyalnde nde Yeesu Almasiihu wangata daga dow nder hiite hawti e malaa'ika'en maako gooduɓe bawɗe.

2 Timooti 4:7

Mi waɗii ko mbaawaymi waɗuki nder kuugal ngal Yeesu hokkiyam, mi yottiniingal, mi alaayi hoolaakimo.

Ibraaniyanko'en 4:10

Ngam koo moye nattuɗo siwtaare nde Allah waɗi alkawal, o siwtoto daga kuuɗe maako, non no Allah siwtorii daga kuuɗe muuɗum.

Ibraaniyanko'en 12:23

On ngarii to kawtal afo'en Allah, ɓe ɗum windi inɗe maɓɓe nder wuro maako ton dow. On ngarii to Allah, gaɗanoowo fuu yimɓe kiita, to yonkiiji aadili'en gartiraaɓe keewuɓe.

Wahayu Yahaya 10:6

O hunorii inde Allah gooduɗo yonki haa abadaa abadin, taguɗo dow e ley e maayo e ko woni nder maajum. O wi'i, “Wonnuki carel horaaki kadin!