Wahayu Yahaya 6:1 - Fulfulde Nigeria

¹ Nden mi yi'i Karoori ndin takkitii go'o nder haatimiije joweeɗiɗi ɗen. Sey nanmi go'o nder tagaaɗum nayum gooduɗum yonki ɗum ɗon noddii sembee bo hoolo falmaango wi'i, “Woroy!”

Wahayu Yahaya 6:1 ပူးပေါင်းရင်းမြစ်များ

Wahayu Yahaya 5:1

Sey ngiimi jooɗiiɗo dow jooɗorgal ngal e jogii wonde deftere e jungo nyaamo windaande nder e yaasi, e nde maɓɓiraa haatimiije joweeɗiɗi.

Wahayu Yahaya 6:5

Nde Karoori ndin takkiti haatimiire tatawre sey nanmi tagaaɗum tataɓum gooduɗum yonki wi'ii, “Woroy!” Nde ndarmi sey ngiimi puccu ɓalewu. Gonɗo dow maggu e jogii poondirɗum e jungo.

Wahayu Yahaya 19:6

Nden mi nanii goɗɗum bo hoolo yimɓe ɗuɗɓe, bo hoolo ndiyamji doggooji, bo hoolo riggaango cembingo, e ɓe mbi'a, “Haaliluuya! Ngam Allah Joomiraawo meeɗen Joomu Bawɗe e laamoo!

Wahayu Yahaya 6:7

Nde Karoori ndin takkiti haatimiire nayawre mi nanii go'otum nder tagaaɗum nayum ɗum wi'ii, “Woroy!”

Wahayu Yahaya 14:2

Sey nanmi wonde hononde daga dow cembinde bo hoolo ndiyamji doggooji, bo hoolo riggaango cembingo. E nde nandi e iido fiiki garaayaaji.

Wahayu Yahaya 11:19

Sey ɗum maɓɓiti wuro ceniingo ton dow, ɗum yi'i Akwaatiya Alkawal maako nder maggo. Sey ɗum nangi waɗuki maƴƴe e palmaali e riggaaki e dimbol leydi e malemalleho mawko‑mawko.

Wahayu Yahaya 6:3

Nde Karoori ndin takkiti haatimiire ɗiɗawre, sey nanmi tagaaɗum gooduɗum yonki ɗiɗaɓum wi'ii, “Woroy!”

Kuuɗe Lilaaɓe 4:20

Minon kam, min mbaawataa min ala metuki dow ko min ngi'i e gite amin e ko min nani e noppi amin.”

Yahaya 1:29

Gaɗa ɗu'um waɗii nde fini Yahaya yi'i Yeesu e waroya to muuɗum, o wi'i, “Raa Karoori Allah, ittayndi hakkeeji duuniyaaru!

Wahayu Yahaya 4:8

Ɗum ɗon tagaaɗum nayum gooduɗum yonki, koo ɗume e woodi biyeeli joweego'o. E ɗum woodi gite to ɓandu koo toye. Jemma e nyalawma ɗum alataa yimuki e ɗum wi'a, “O ceniiɗo, o ceniiɗo, o ceniiɗo, Allah Joomiraawo Joomu Bawɗe, kanko woni ndenno, kanko woni jooni, kanko woni yeeso ɗo'o!”

Wahayu Yahaya 5:8

Nde ndi jaɓinde, tagaaɗum nayum gooduɗum yonki ɗum e mawɓe 24 ɓen njani yeeso mayri mawninindi. Koo moye e jogii garaayaaru e tummude jiinaari e nde heewi urde welnde, kayre woni do'aaje yimɓe Allah.

Wahayu Yahaya 5:12

e ɓe ngima sembee e ɓe mbi'a, “Karoori baraandi ndin ndi hewtii ndi heɓa bawɗe, e risku, e faamu, e sembe, e mangu, e mawnineeki, e manteeki!”

Wahayu Yahaya 8:1

Nde Karoori ndin takkiti haatimiire joweeɗiɗawre, sey koo ɗume de''iti ton dow haade mintiiji 30.

Wahayu Yahaya 13:8

Fuu yimɓe jooɗiiɓe e duuniyaaru ɓe mawninayndi, sey ni ɓe ɗum windi inɗe maɓɓe ko duuniyaaru tagee nder deftere yonki nde Karoori baraandi.