Wahayu Yahaya 3:12 - Fulfulde Nigeria

¹² Fuu keɓuɗo jaalorgal mi wartiraymo darŋalal nder wuro ceniingo ngo Allah am, o fuɗɗitataa o wurtoo wuro ngon. Mi winday inde Allah am dow maako e inde gariiri Allah am, waato Urucaliima keyri jippoytoondi daga to Allah am ton dow. Ɗonmaa mi winday inde am heyre dow maako.

Wahayu Yahaya 3:12 ပူးပေါင်းရင်းမြစ်များ

Wahayu Yahaya 22:4

Nden ɓe ngi'ay yeeso maako, kadimaa ɗum winday inde maako e tiiɗe maɓɓe.

Wahayu Yahaya 21:2

Nden mi yi'ii Gariiri Ceniindi, waato Urucaliima keyri e ndi jippoyoo daga dow, daga to Allah, ndi siryaama bo ɓaŋaaɗo mo''itiniiɗo ngam gorko muuɗum.

Wahayu Yahaya 14:1

Nden mi raarii sey ngiimi Karoori ndin e darii dow Hocceere Sihiyoona. E mo wondi e yimɓe 144,000 ɓe ɗum windani inde maako e nde Nyaako maako to tiiɗe maɓɓe.

Galaatiyanko'en 2:9

Yaakubu e Biiturus e Yahaya, noddeteeɓe ardiiɓe mawɓe, nde ɓe ngi'i Allah barkiɗinii kuugal amin bongal, ɓe njaɓɓiiyam min e Barnaba juuɗe ɗiɗi. Ɓe njaɓi min e Barnaba min nga'ajina nder yimɓe naa' Yahuudanko'en, nden kamɓe ɓe nga'ajina nder Yahuudanko'en.

Wahayu Yahaya 2:17

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal, mi hokkaymo manna cuuɗiiɗum o nyaama. Ɗonmaa mi hokkaymo hayre raneere inde heyre e windii dow mayre. Walaa anduɗo inde nden sey ni kokkaaɗo hayre nden.

Ibraaniyanko'en 12:22

Ammaa on ngarii Hocceere Sihiyoona, gariiri Allah mo yonki, waato Urucaliima ndi dow, e to malaa'ika'en ɓe limataako hawrutuɓe nder welwelo.

1 Yahaya 4:4

Onon ɓiɓɓe am, onon ɗum ɓe Allah, nden on keɓii jaalorgal dow annabo'en fewre ɓen ɗon. Ngam bawɗe Ruuhu Allah gonɗum nder mooɗon ɓurii bawɗe Ceyɗan laamotooɗo yimɓe duuniyaaru sembe.

Wahayu Yahaya 2:7

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal mi alaymo o nyaama ɓikkoy lekki kokkoohi yonki wonki nder ngesa Allah.

Aafisanko'en 3:15

Fuu lenyi gonɗi dow e ley, kanko hokkiɗi yonki.

Wahayu Yahaya 17:14

Ɓe konay Karoori ndin, ammaa Karoori ndin heɓa jaalorgal dow maɓɓe ngam kanko woni Joomiraawo joomiraaɓe, Laamiiɗo lamlamɓe. Wonduɓe e maako boo ɓe noddaaɓe, ɓe cuɓaaɓe, ɓe tokkuɓe Joomiraawo boɗɗum.”

Ibraaniyanko'en 13:14

Ngam en ngalaa gariiri tabotoondi nder duuniyaaru ndu'u, ammaa en keɗii en kammii gariiri garayndi.

Wahayu Yahaya 2:11

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal, mayde ɗiɗawre meemataamo, waato o nattintaake hiite.

Wahayu Yahaya 3:5

Fuu keɓuɗo jaalorgal ɗum ɓornaymo kolte daneeje, nden mi ittataa inde maako daga nder deftere yonki. Mi wi'ay kanko ɗum mo am yeeso Nyaako am e yeeso malaa'ika'en maako.

Markus 12:16

Ɓe ngaddanimo yamnde go'o. O wi'iɓe, “Ɗowdi moye e inde moye woni dow mayre?” Ɓe nootii ɓe mbi'i, “Ɗum Kaysar.”