Wahayu Yahaya 3:11 - Fulfulde Nigeria

¹¹ E mi waroya naa' ko neeɓi. Ngaɗee ka hoolaakiyam boɗɗum ngam to' goɗɗo teetana'on giifi jaalorgal.

Wahayu Yahaya 3:11 ပူးပေါင်းရင်းမြစ်များ

Yaakubu 1:12

O barkiɗinaaɗo fuu munyuɗo nder torra, ngam to o heɓii jaalorgal dow torra kan, Allah hokkaymo giifol ngol o waɗani yiɗuɓemo alkawal, waato yonki ki re'ataa.

Wahayu Yahaya 22:12

“Raɗɗum e mi waroya naa' ko neeɓi! Mi wardanay koo moye e ko waatantee ngam ko waɗi.

Wahayu Yahaya 2:10

To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

Wahayu Yahaya 2:25

Ngaɗee ka hoolaakiyam boɗɗum naa mi wartii.

2 Timooti 4:8

Jooni giifol e ton heɗiiyam, ngol ɗum hokkata gaɗuɓe jonde bonde, ngol Joomiraawo gaɗoowo kiita goonga hokkatayam Nyalnde Jaango. Naa' min tan, ammaa fuu giɗɓe yiiki gartol maako.

2 Timooti 2:5

Walaa keɓoowo dokkal nder fijo to o tokkaayi dooka fijo ngon.

Wahayu Yahaya 22:20

On ɗon ceydinɗo fii ɗu'um fuu e wi'a, “Goonga e mi waroya naa' ko neeɓi.” Aamin. Woroy Yeesu Joomiraawo!

Wahayu Yahaya 1:3

O barkiɗinaaɗo neɗɗo janganoowo woɓɓe ɗu'um habaru ɗum annabaaku, nden ɓe barkiɗinaaɓe nanɓe ko windaa nder deftere nde'e tokkande, ngam carel ko fii ɗum wangata ɓadake.

Wahayu Yahaya 4:10

sey mawɓe 24 ɓen njana yeeso jooɗiiɗo dow jooɗorgal ngal ɓe mawninamo, kanko gooduɗo yonki haa abadaa abadin. Ɓe ndesa giifi maɓɓe yeeso jooɗorgal ngal e ɓe mbi'a,

1 Korintiyanko'en 9:25

Fuu giɗɓe keɓa jaalorgal nder fijo e ɓe elta ɓalli maɓɓe. E ɓe ngaɗa non ngam ɓe keɓa giifol koo nde giifol ngol ngol de'oowol. Ammaa enen giifol tabbitayngol keɓeten.

Wahayu Yahaya 3:3

Ngam non ciftoree e ko ɗum ekkitini'on e ko nanɗon, tokkeeɗum nden tuubee daga hakkeeji mooɗon. To boo on ummaaki, mi waray e carel ngel on kammaaki bo gujjo. Nden on andataa carel ngel ngaranaymi'on.

Wahayu Yahaya 4:4

Haade maagal e woodi goɗɗe jooɗorle kanje 24 e ɗe piliingal. Nden woɓɓe mawɓe kamɓe 24 e njooɗii dow maaje. E ɓe bornii kolte daneeje e ɓe taari giifi jiinaari to ko'e maɓɓe e ɓe njooɗii dow jooɗorle ɗen.

Wahayu Yahaya 2:13

E mi andi to njooɗiiɗon; on njooɗoo to Ceyɗan laamotoo. Fuu e non, on ngaɗa ko mbiimi'on, on alaayi hoolaakiyam koo nde ɗum wari Antifas ga'ajinɗo dow am mo goonga.

Wahayu Yahaya 22:7

“Raɗɗum e mi waroya naa' ko neeɓi! O barkiɗinaaɗo gaɗoowo ko annabaaku deftere nde'e wi'i.”

Yaakubu 5:9

Bandiraaɓe am, to' on metindir metemeteeji ngam to ɗum waɗana'on kiita. Raɗɗum, Gaɗoowo Kiita e darii to dammugal!

Filibiyanko'en 4:5

Alee koo moye yi'a munyal mooɗon. Joomiraawo ɓadake wara.

Wahayu Yahaya 16:15

Yeesu wi'i, “Raɗɗum e mi waroya bo gujjo! O barkiɗinaaɗo fuu jooɗiiɗo e siryii ngam ɓornoo kolte muuɗum ngam to' o dilla o ɓornaaki o semta yeeso lenyol.”