Wahayu Yahaya 22:2 - Fulfulde Nigeria

² e ngol tokka caka ɗatal gariiri ndin. Koo nduye wuttudu caangol ngol e woodi lekki yonki dimoohi ɓikkoy sappo e ɗiɗi feere‑feere, koo nduye lewru e ki rima nde go'o. Haako lekki kin e huutiniree ngam yamɗitinki leƴƴi.

Wahayu Yahaya 22:2 ပူးပေါင်းရင်းမြစ်များ

Wahayu Yahaya 22:1

Nden malaa'ikaajo on holliyam caangol ndiyam yonki e ngol ɗelkitoo bo daaroggal e ngol iloya daga jooɗorgal laamu Allah e Karoori ndin,

1 Biiturus 2:24

Kanko e hoore maako jaɓi o yowanee hakke ɗum ngaɗuɗen o ɓilee dow gaafaangal. O waɗu non ngam laawol mayde maako alen waɗuki hakke, njooɗooɗen jonde aadilaaku. No aayaare wi'i, “Barka nawnooɗe maako on njamɗitii.”

Wahayu Yahaya 2:7

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal mi alaymo o nyaama ɓikkoy lekki kokkoohi yonki wonki nder ngesa Allah.

Wahayu Yahaya 22:14

Ɓe barkiɗinaaɓe laɓɓinɓe kolte maɓɓe ngam ɓe keɓa nattuki gariiri ndin ɓe nyaama ɓikkoy lekki yonki.

Wahayu Yahaya 22:19

To boo goɗɗo ittii goɗɗum nder haala annabaaku gonɗum nder deftere nde'e, Allah ittay geɗal maako nder lekki yonki e Gariiri Ceniindi bindaaɗum nder deftere nde'e.

Wahayu Yahaya 21:24

Yimɓe duuniyaaru njahay nder jayngol gariiri ndin. Laamiiɓe duuniyaaru boo ngaddanay gariiri ndin jawdi maɓɓe.

Wahayu Yahaya 21:21

Nden dammuɗe sappo e ɗiɗi ɗen ɗon ɗum lu'ulu'uuji sappo e ɗiɗi, koo ngale dammugal waɗiraama e lu'u‑lu'u go'o. Ɗonmaa ɗatal mangal gongal nder gariiri ndin e jiinaari tan ngal waɗiraa, e ngal ɗelkitoo bo daaroggal.

Luka 4:18

“Ruuhu Joomiraawo e dow am, ngam o suɓiiyam mi hokka ɓe ngalanaa Habaru Belɗum. O liliiyam mi wadda habaru yoofuki maccuɓe, mi wumtina wumɓe, mi waɗa ɗum ala torreteeɓe ndilla,