Wahayu Yahaya 22:18 - Fulfulde Nigeria

¹⁸ Min Yahaya, e mi waggina koo moye nanɗo annabaaku deftere nde'e. To goɗɗo ɓeydii goɗɗum dow maajum, Allah ɓeydanaymo bone kalluɗum bindaaɗum nder deftere nde'e.

Wahayu Yahaya 22:18 ပူးပေါင်းရင်းမြစ်များ

Wahayu Yahaya 1:3

O barkiɗinaaɗo neɗɗo janganoowo woɓɓe ɗu'um habaru ɗum annabaaku, nden ɓe barkiɗinaaɓe nanɓe ko windaa nder deftere nde'e tokkande, ngam carel ko fii ɗum wangata ɓadake.

Wahayu Yahaya 22:7

“Raɗɗum e mi waroya naa' ko neeɓi! O barkiɗinaaɗo gaɗoowo ko annabaaku deftere nde'e wi'i.”

Wahayu Yahaya 15:1

Sey ngiimi goɗɗum alaama ton dow mawɗum kayɗiniiɗum. Mi yi'ii malaa'ika'en njoweeɗiɗo jogiiɓe bone joweeɗiɗi kalluɗum cakitiiɗum, ngam kanje ngoni keerol monnere Allah.

1 Tasaloonikanko'en 4:6

Dow fii ɗu'um, to' goɗɗo hallana bandiraawo muuɗum koo waɗanamo ko wooɗaa. Min mbi'ii'on ka daga arande, min mbagginii'on wiiki, Joomiraawo waatanay gaɗoowo non e bone.

Maatiyu 15:13

Yeesu nootii, wi'i, “Fuu awre nde ɗum aawi, to naa' Nyaako am Mo Dow aawinde, ɗum ɗoofaynde.

Wahayu Yahaya 22:16

“Min Yeesu, mi liloyii malaa'ikaajo am to mooɗon e habaru ɗu'um ngam kawte tokkuɓeyam. Min woni fuɗɗoode Dawda e lenyol maako, min woni Jaabiire, hoodere subaka goodunde jayngol.”

Wahayu Yahaya 19:20

Sey ɗum nangi mardi ndin e annabiijo fewre on. Kanko woni gaɗuɗo kayɗiniiɗum yeeso mayri majjini gaɗanaaɓe alaama mayri e mawninɓe ngunkiwa nandunga e mayri. E yonki ɗum hubini annabiijo fewre on e mardi ndin nder mbeela hiite kibiritu.

Wahayu Yahaya 15:6

Sey ɓen ɗon malaa'ika'en njoweeɗiɗo jogiiɓe bone kalluɗum mburtoyii daga nder wuro ngon e ɓe ɓornii kolte ɗelmuɗe boɗɗe ɗelkitotooɗe, e ɓe taadii taadorɗe jiinaari to gabaaje maɓɓe.

Wahayu Yahaya 3:14

“Windan malaa'ikaajo kawtal tokkuɓe Yeesu wonɓe gariiri Lawdiikiya wi'uki: “Min woni bi'eteeɗo Aamin, ceyduujo mo goonga, barka am Allah tagi koo ɗume.

Aafisanko'en 4:17

E mi wi'a'on ɗu'um, e mi ɓeyda wagginki'on nder inde Joomiraawo, alee jonde iri nde heeferɓe ɓe nyumooji meere.

Wahayu Yahaya 20:15

Fuu mo ɗum tawaayi inde muuɗum e windii nder deftere yonki, ɗum hubinimo nder mbeela hiite ngan.

Wahayu Yahaya 20:10

Ceyɗan majjinɗoɓe boo hubinaa nder mbeela hiite kibiritu to mardi ndin e annabiijo fewre on ɗon woni. Ɗum waɗay ka hokkukiɓe bone jemma e nyalawma haa abadaa abadin.

Wahayu Yahaya 22:9

Ammaa o wi'iyam, “Taa' waɗu non! Min maa, mi maccuɗo Allah bo maaɗa, an e bandiraaɓe maaɗa, e annabo'en, e waɗooɓe ko deftere nde'e wi'i. Allah tan mawnintaa!”

Wahayu Yahaya 22:10

Nden o wi'iyam, “Taa' suuɗu haala annabaaku deftere nde'e. Ngam carel ɓadake ngel fuu fii ɗu'um waɗata.