Wahayu Yahaya 22:16 - Fulfulde Nigeria

¹⁶ “Min Yeesu, mi liloyii malaa'ikaajo am to mooɗon e habaru ɗu'um ngam kawte tokkuɓeyam. Min woni fuɗɗoode Dawda e lenyol maako, min woni Jaabiire, hoodere subaka goodunde jayngol.”

Wahayu Yahaya 22:16 ပူးပေါင်းရင်းမြစ်များ

Wahayu Yahaya 5:5

Sey go'oto nder mawɓe ɓen wi'iyam, “Alu bojji. Raɗɗum sembindu ndu lenyol Yahuuda, suudu Dawda, heɓii jaalorgal, o takkitay haatimiije joweeɗiɗi nden o maɓɓita deftere nden.”

2 Biiturus 1:19

Fuu fii ɗu'um waɗii en ɓeydii tabbitinki ko annabo'en mbi'i ɗum goonga. On ngaɗay boɗɗum to on ngaɗii hakkiilo dow annabaaku ɗum. Ngam annabaaku ɗum e ɗum nandi e fitilaaru yeynotoondu nder nyiwre haa weeta, jayngol hoodere subaka yeynoo nder ɓerɗe mooɗon.

Wahayu Yahaya 1:4

Min Yahaya e mi windana tokkuɓe Yeesu wonɓe nder gariije joweeɗiɗi nder leydi Aasiya. Allah gonɗo jooni e ndenno e ɗo'o yeeso, e Ruuhuuji joweeɗiɗi gonɗi yeeso jooɗorgal laamu maako,

Wahayu Yahaya 22:20

On ɗon ceydinɗo fii ɗu'um fuu e wi'a, “Goonga e mi waroya naa' ko neeɓi.” Aamin. Woroy Yeesu Joomiraawo!

Maatiyu 22:42

wi'i, “Ɗume nyumoton dow Almasiihu? O ɓiɗɗo moye?” Ɓe mbi'imo, “O ɓiɗɗo Dawda.”

Wahayu Yahaya 22:6

Sey malaa'ikaajo on wi'iyam, “Haala ka'a ɗum goonga tabbutuka. Allah Joomiraawo kokkuɗo annabo'en Ruuhu muuɗum o liloyi malaa'ikaajo maako holla maccuɓe maako ko waɗata naa' ko neeɓi.”

Wahayu Yahaya 1:1

Nde'e deftere e nde saawi wahayu ɗum Allah hokki Yeesu Almasiihu ngam o holla maccuɓe maako ko waɗata naa' ko neeɓi. Yeesu lili malaa'ikaajo muuɗum to maccuɗo maako Yahaya ngam o wi'amo fii ɗum.

Maatiyu 2:2

e ɓe ƴama, “Toye on ɗon danyaaɗo laamiiɗo Yahuudanko'en? Ngam min ngi'i hoodere maako daga fuuna, min ngarii min mawninamo.”

Wahayu Yahaya 3:22

“Fuu gooduɗo noppi nanki nana ko Ruuhu Allah wi'ata kawte tokkuɓe Yeesu!”

Wahayu Yahaya 3:13

“Fuu gooduɗo noppi nanki fuu nana ko Ruuhu Allah wi'ata kawte tokkuɓe Yeesu.

Wahayu Yahaya 3:6

“Fuu gooduɗo noppi nanki nana ko Ruuhu Allah wi'ata kawte tokkuɓe Yeesu.

Roomanko'en 9:5

Ɓe ƴiwoyi daga maama'en Yahuudanko'en mawɓe andaaɓe, nden daga lenyol maɓɓe Almasiihu waroyi nder ɓandu. Allah laamotooɗo koo ɗume mantee haa abadaa! Aamin.

Wahayu Yahaya 22:11

Fuu kuwoowo ko halli waɗa ka huwuki ko halli, gaɗoowo ko wooɗaa maa, waɗa ka waɗuki ko wooɗaa. Fuu gaɗoowo ko wooɗi boo, waɗa ka waɗuki ko wooɗi, fuu ceniiɗo waɗa ka jonde muuɗum seniinde.”

Wahayu Yahaya 22:1

Nden malaa'ikaajo on holliyam caangol ndiyam yonki e ngol ɗelkitoo bo daaroggal e ngol iloya daga jooɗorgal laamu Allah e Karoori ndin,

Wahayu Yahaya 2:17

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal, mi hokkaymo manna cuuɗiiɗum o nyaama. Ɗonmaa mi hokkaymo hayre raneere inde heyre e windii dow mayre. Walaa anduɗo inde nden sey ni kokkaaɗo hayre nden.

Luka 1:78

Allah waɗii fii ɗu'um ngam o keewuɗo jurumɗum. Ngam jurumɗum maako, Almasiihu waroyay to meeɗen daga dow no naange wurtiroytoo,

Wahayu Yahaya 2:7

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal mi alaymo o nyaama ɓikkoy lekki kokkoohi yonki wonki nder ngesa Allah.

Maatiyu 22:45

Nde Dawda noddii Almasiihu ‘Joomiraawo,’ too, no ɗum waɗata o warta ɓiɗɗo Dawda?”

Maatiyu 1:1

Ɗe'e ngoni inɗe maama'en Yeesu Almasiihu lenyol Dawda, Dawda lenyol Ibraahim.

Wahayu Yahaya 2:11

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal, mayde ɗiɗawre meemataamo, waato o nattintaake hiite.

Roomanko'en 15:12

Ɗonmaa, Annabi Icaaya wi'i, “Goɗɗo daga nder lenyol Jeesi waroyay, o waroyay ngam o laamoo yimɓe naa' Yahuudanko'en, ɓe ngaɗay kammunde dow maako.”

Wahayu Yahaya 1:11

Hononde nden e wi'a, “Windu ko ngiiɗaa nder ɗerewol lildanaa kawte tokkuɓe Yeesu wonɓe nder gariije joweeɗiɗi, waato ɓe Aafisa, e ɓe Samirna, e ɓe Birgamum, e ɓe Tayaatira, e ɓe Sardis, e ɓe Filadelfiya, nden e ɓe Lawdiikiya.”

Luka 20:44

Dawda e noddira Almasiihu ‘Joomiraawo.’ No waɗata o warta ɓiɗɗo Dawda?”