Wahayu Yahaya 21:6 - Fulfulde Nigeria

⁶ Nden o wi'iyam, “Ɗum heenyii! Min woni Alfa, min woni Omeega, waato Fuɗɗoode e Timmoode. Fuu nanɗo ɗonka mi hokkaymo ndiyam caahu daga to ndiyam yonki ɓuliroyta.

Wahayu Yahaya 21:6 ပူးပေါင်းရင်းမြစ်များ

Yahaya 4:10

Yeesu wi'imo, “Daa a andi caahu ɗum Allah yiɗi hokkukima, kadin daa a andi ƴamuɗoma ndiyam njareteeɗam, daa a torakemo, daa o hokkiima ndiyam kokkoojam yonki.”

Wahayu Yahaya 7:17

Ngam Karoori ngondi caka jooɗorgal laamu ngal ndi wartay gaynaako maɓɓe. Nden ndi yaarayɓe to ndiyam yonki ɓuliroyta. Allah boo moytanayɓe fuu gonɗi maɓɓe.”

Yahaya 4:14

ammaa koo moye jarɗo ndiyam ɗam kokkaymoomi o fuɗɗitataa o nana ɗonka kadin. Ndiyam ɗam kokkaymoomi ɗam wartay nder maako ndiyam ɓuloojam kokkayɗammo yonki ki re'ataa.”

Roomanko'en 8:32

Allah haɗaayi Ɓiɗɗo muuɗum yarki torra, ammaa o hokkiimo ngam o sakkee ngam meeɗen en fuu. Nde o waɗii non, o hokkataa'en koo ɗume caahu?

Wahayu Yahaya 22:17

Ruuhu Allah e Ɓaŋaaɗo e ɓe mbi'a, “Woroy!” Koo moye nanuɗo ɗu'um fuu wi'a, “Woroy!” Fuu nanɗo ɗonka wara, fuu giɗɗo sey nyeɗa ndiyam yonki caahu.

Wahayu Yahaya 1:8

Allah Joomiraawo Joomu Bawɗe wi'i, “Min woni Alfa, min woni Omeega,” waato Fuɗɗoode e Timmoode. Kanko woni jooni, e ndenno, e yeeso ɗo'o.

Roomanko'en 3:24

Ammaa jooni Allah wartirii'en aadili'en. O waɗanii'en non caahu ngam yidde maako barka rimɗinki keɓeteeki laawol Yeesu Almasiihu.

Wahayu Yahaya 22:13

Min woni Alfa, min woni Omeega, min woni Arandeejo, min woni Cakitiiɗo, min woni Fuɗɗoode e Timmoode.”

Wahayu Yahaya 16:17

Nden malaa'ikaajo njoweeɗiɗaɓo wayli ko woni nder tummude muuɗum e njayri dow. Sey wonde hononde cembinde wurtoyii daga jooɗorgal laamu nder wuro ceniingo ton dow e nde wi'a, “Ɗum heenyii!”

Wahayu Yahaya 1:17

Nde ngiimoomi, sey njanumi yeeso maako bo mayɗo. Ammaa o yowaniyam jungo maako nyaamo o wi'i, “Taa' hulu. Min woni arandeejo, min woni cakitiiɗo.

1 Korintiyanko'en 2:12

Ruuhu ɗum keɓuɗen, naa' to duuniyaaru ɗum ƴiwoyi; to Allah ɗum ƴiwoyi, ngam anden caahu ɗum o hokki'en.

Wahayu Yahaya 10:6

O hunorii inde Allah gooduɗo yonki haa abadaa abadin, taguɗo dow e ley e maayo e ko woni nder maajum. O wi'i, “Wonnuki carel horaaki kadin!

1 Korintiyanko'en 3:12

To goɗɗo mahii dow fuɗɗoode nden, to o huutirii jiinaari, koo ajurfaari, koo kaaƴe gooduɗe ceede, koo leɗɗe, koo geene, koo ƴombe,

Wahayu Yahaya 1:11

Hononde nden e wi'a, “Windu ko ngiiɗaa nder ɗerewol lildanaa kawte tokkuɓe Yeesu wonɓe nder gariije joweeɗiɗi, waato ɓe Aafisa, e ɓe Samirna, e ɓe Birgamum, e ɓe Tayaatira, e ɓe Sardis, e ɓe Filadelfiya, nden e ɓe Lawdiikiya.”

1 Korintiyanko'en 3:21

Ngam non, to' neɗɗo mantoroo neɗɗo! Ngam koo ɗume onon njeyiɗum.

1 Korintiyanko'en 3:5

Too, moye woni Afoolos? Moye woni Bulus? Min maccuɓe Allah tan. Laawol amin kooliiɗon Yeesu Almasiihu. Koo moye amin e huwa kuugal ngal Joomiraawo hokkimo o huwa.

Yahaya 4:11

Sey debbo on wi'i Yeesu, “Moodibbo, a walaa ko nyeɗirtaa ndiyam ɗam, kadin boo ɓundu ndun e luggi. Toye keɓataa ɗam ɗon ndiyam kokkoojam yonki?

Wahayu Yahaya 3:14

“Windan malaa'ikaajo kawtal tokkuɓe Yeesu wonɓe gariiri Lawdiikiya wi'uki: “Min woni bi'eteeɗo Aamin, ceyduujo mo goonga, barka am Allah tagi koo ɗume.