Wahayu Yahaya 21:4 - Fulfulde Nigeria

⁴ O moytanayɓe fuu gonɗi maɓɓe, ɗum boo fuɗɗitataa ɗum waɗa mayde koo wannaare koo bojji koo torra ngam koo ɗume ɗum ndenno ƴaɓɓake.”

Wahayu Yahaya 21:4 ပူးပေါင်းရင်းမြစ်များ

Wahayu Yahaya 7:17

Ngam Karoori ngondi caka jooɗorgal laamu ngal ndi wartay gaynaako maɓɓe. Nden ndi yaarayɓe to ndiyam yonki ɓuliroyta. Allah boo moytanayɓe fuu gonɗi maɓɓe.”

1 Korintiyanko'en 15:26

Ganyo kalketeeɗo gaɗa koo ɗume, kanko woni mayde.

1 Yahaya 2:17

Duuniyaaru e koo ɗume ɗum yimɓe ngiɗi nder mayru ɗum ƴaɓɓotooɗum, ammaa gaɗoowo ko Allah yiɗi jooɗoto haa abadaa.

Maatiyu 24:35

Dow e ley ƴaɓɓoto, ammaa boliiɗe am ƴaɓɓataako haa abadaa.

Wahayu Yahaya 21:1

Nden mi yi'ii dow kesum e leydi keyri, ngam dow arandejum e leydi arandeeri majjitii, maayo maa walaa koo seɗɗa.

Wahayu Yahaya 20:14

Sey ɗum hubini Mayde e Laahira nder mbeela hiite ngan. Ngan ɗon mbeela hiite kanga woni mayde ɗiɗawre.

Wahayu Yahaya 22:3

Ɗum heɓataa goɗɗum ɗum Allah laani nder gariiri ndin, ammaa jooɗorgal laamu Allah e Karoori ndin jooɗoto nder mayri. Maccuɓe maako boo mawninaymo.

2 Biiturus 3:10

Ammaa nyalnde Joomiraawo waray bo gujjo. E carel ngel dow majjitay e hoolo cembingo. Nden fuu ko woni nder maajum halkiray e hiite. Duuniyaaru e ko woni nder mayru ɗum majjitay.

1 Korintiyanko'en 7:31

e kuutirooɓe ko woni nder duuniyaaru ndu'u, to' ɓe ngaɗa hakkiilo maɓɓe dow maajum tan, ngam duuniyaaru ndu'u e ko woni nder mayru ɗum ƴaɓɓotooɗum.

2 Korintiyanko'en 6:17

Ɗonmaa o wi'i, “Ngam non, mburtoyee daga nder maɓɓe, kakkitee daga nder maɓɓe. To' on meemu ko laaɓaa, nden mi jaɓay'on.

2 Korintiyanko'en 5:17

Ngam non, fuu gartuɗo mo Almasiihu o wartii neɗɗo keso. Koo ɗume ɗum ndenno ƴaɓɓake, koo ɗume wartii kesum.

Ibraaniyanko'en 12:27

Ɗe'e boliiɗe, “nde go'o kadin” hollii fuu ko tagaa ɗum dimbeteeɗum ɗum ittee, ngam ko dimbataako jooɗoo.

Wahayu Yahaya 20:13

Maayo wurtinoyi mayɓe wonɓe nder maggo. Mayde e Laahira fuu wurtinoyi mayɓe wonɓe nder maajum. Ɗum waɗani koo moye kiita dow ko waɗi.