Wahayu Yahaya 20:2 - Fulfulde Nigeria

² Sey o nangi mbooga ngan, waato mbooga ngan ɗon nga daga ndenno bi'eteenga Ganyo koo Ceyɗan, o haɓɓiringa ɓoggol ngol haa duuɓi 1,000.

Wahayu Yahaya 20:2 ပူးပေါင်းရင်းမြစ်များ

2 Biiturus 2:4

Koo malaa'ika'en, Allah alaayiɓe nde ɓe ngaɗi hakke, ammaa o waɗiɓe nder wuro hiite nder gayɗe lugguɗe gooduɗe nyiwre ɓaleere ngam ɗum suraɓe naa Nyalnde Kiita.

Wahayu Yahaya 12:9

Ɗum hubinoyinga nder duuniyaaru. Kanga woni mbooga nga daga ndenno bi'eteenga Gullotooɗo koo Ceyɗan, majjinoowo duuniyaaru. Ɗum hubininga nder duuniyaaru fuu e malaa'ika'en maako.

Yahuuda 1:6

Ciftoree malaa'ika'en ɓe curaayi mangu laamu maɓɓe, ammaa ɓe ali to ɓe njooɗii. Allah suriiɓe haɓɓiriɓe ɓoggi njamndi ɗi haa abadaa nder nyiwre kallunde e ɓe maɓɓii naa Nyalnde mawnde nde kiita.

Yahaya 12:31

Jooni woni carel ngel ɗum waɗanta yimɓe duuniyaaru ndu'u kiita. Jooni ɗum riiway laamiiɗo duuniyaaru ndu'u.

1 Biiturus 5:8

Curee ko'e mooɗon, njooɗooɗon on ciryii. Ganyo mooɗon Ceyɗan e mo woosoo bo sembindu ɓernundu e mo ɗaɓɓita mo o halkata.

Ibraaniyanko'en 2:14

Nde ɓiɓɓe ɓen ɓe gooduɓe ɓandu e ƴiiƴam, Yeesu e hoore muuɗum wartii neɗɗo bo maɓɓe. O waɗu non ngam barka mayde maako o halka on ɗon jogiiɗo bawɗe mayde, waato Ceyɗan.

Roomanko'en 16:20

Allah joomu jam naa' ko neeɓi o lallinay bawɗe Ceyɗan o yowa'on dow maako. Joomiraawo meeɗen Yeesu Almasiihu barkiɗina'on.

Yahaya 16:11

Ɓe paamaayi ko woni kiita Allah, ngam laamiiɗo duuniyaaru ndu'u yaadake taƴanaama kiita.

Wahayu Yahaya 13:2

Mardi ndi ngiimi ndin e ndi nandi e cembindu e ndi woodi koyɗe mawɗe gooduɗe gaasa e peɗeeli juutuɗi bo ɗi wonga ndiwriwa ladde bi'eteenga beyar. Honduko mayri e nandi e ko sembindu. Mbooga ngan boo hokkindi bawɗe muuɗum, e jooɗorgal laamu muuɗum, e laamu mawɗum.

Wahayu Yahaya 12:17

Sey mbooga ngan monnani debbo on, nga ummoyii nga hona lenyol maako, waato koo moye tokkoowo ko Allah wi'i jaɓuɗo goonga ka Yeesu waddi.

Wahayu Yahaya 12:15

Sey mbooga ngan tuuti ndiyam bo caangol gaɗa debbo on, ngam ndiyam ɗam dillida e maako.

Wahayu Yahaya 12:13

Nde mbooga ngan anditi riiwaama nder duuniyaaru, sey nga fuɗɗi tokkuki debbo on ɗon danyuɗo ɓiɗɗo gorko.

Markus 5:7

O wulli sembee o wi'i, “Ko wannumaa e am, Yeesu Ɓiɗɗo Allah Joomu Mangu? E mi toromaa ngam Allah, taa' torram.”

Maatiyu 8:29

Ɗon e ɗon ɓe ngulli, e ɓe mbi'a, “Ko wannumaa e amin, Ɓiɗɗo Allah? A warii ngam torraamin ko carel waɗa?”

Wahayu Yahaya 13:4

Ɓe mawnini mbooga ngan, ngam nga hokkiindi laamu. Ɗonmaa ɓe mawnini mardi ndin, e ɓe mbi'a, “Moye hewti bo mardi ndi'i? Moye waawata haɓda e mayri?”

Wahayu Yahaya 9:11

Nden e ko ngoodi laamiiɗo laamotooɗoko, kanko woni malaa'ikaajo ngayka kalluka lugguka kan. Inde maako nder Ibraaniyankoore woni “Abaddon,” nder Helenankoore boo “Afooliyon,” waato Kalkoowo.

Maatiyu 19:29

Ɗonmaa koo moye aluɗo gureeje, koo sakiraaɓe muuɗum worɓe koo rewɓe, koo nyaako, koo maduujo, koo ɓiɓɓe, koo gese ngam am, o heɓay ko ɓuri non nde 100, nden o heɓay yonki ki re'ataa.

Markus 4:15

Woɓɓe yimɓe e nandi e awdi njanundi dow ɗatal. Carel ngel ɓe nani Wolde Allah, ɗon e ɗon Ceyɗan wara hoccande daga nder ɓerɗe maɓɓe.

Wahayu Yahaya 12:3

Ɗonmaa goɗɗum kulniiɗum kayɗiniiɗum wangi e dow: wonga mbooga mboɗewa ngoodunga ko'e joweeɗiɗi e luwe sappo, koo ndeye hoore e woodi giifol.

Wahayu Yahaya 12:4

Sey wicco maaga wuuwi sendere go'o nder cende tati ɗe koode nga rufoyiɗe dow duuniyaaru. Sey nga wari nga darii yeeso on ɗon debbo dicciiɗo danyay ngam nga nyaama ɓingel maako to o danyiingel.

Wahayu Yahaya 20:7

Gaɗa duuɓi 1,000 ɗin ɗon keewii, ɗum yoofay Ceyɗan daga to ɗum haɓɓimo.

Wahayu Yahaya 20:10

Ceyɗan majjinɗoɓe boo hubinaa nder mbeela hiite kibiritu to mardi ndin e annabiijo fewre on ɗon woni. Ɗum waɗay ka hokkukiɓe bone jemma e nyalawma haa abadaa abadin.