Wahayu Yahaya 20:12 - Fulfulde Nigeria

¹² Sey ngiimi mayɓe, mawɗo e pamaro, e ndarii yeeso jooɗorgal ngal, ɗum maɓɓiti goɗɗe defte. Ɗonmaa ɗum maɓɓiti wonde deftere, waato deftere yonki. Ɗum waɗani mayɓe kiita dow ko ɓe ngaɗi non no ɗum windiraa nder defte ɗen.

Wahayu Yahaya 20:12 ပူးပေါင်းရင်းမြစ်များ

2 Korintiyanko'en 5:10

Ngam en fuu doole en ndaroto yeeso Almasiihu ngam kiita, ngam koo moye heɓa mbarjaari ko waɗi nder ɓandu ndu'u, koo ko o waɗi e wooɗi koo ɗum wooɗaa.

Maatiyu 16:27

Ngam Ɓii Neɗɗo waray nder teddungal Nyaako muuɗum Mo Dow e malaa'ika'en maako, o waatanay koo moye ko waɗi.

Wahayu Yahaya 22:12

“Raɗɗum e mi waroya naa' ko neeɓi! Mi wardanay koo moye e ko waatantee ngam ko waɗi.

Wahayu Yahaya 2:23

Mi waray tokkuɓe ekkitinol maako. Sey fuu kawte tokkuɓe Yeesu anda min woni anduɗo nyumooji yimɓe e ko woni nder ɓerɗe maɓɓe. Mi waatanay koo moye mooɗon ko fottidi e kuugal muuɗum.

Wahayu Yahaya 11:18

Yimɓe ɓe andaama ɓernii, ammaa carel monnere maaɗa warii. Carel warii ngel ɗum waɗanta mayɓe kiita, nden ɗum waatana maccuɓe maaɗa annabo'en ko ɓe ngaɗi, e yimɓe kulooɓe inde maaɗa mawɗo e pamaro, nden ɗum halka barooɓe yimɓe.”

Wahayu Yahaya 3:5

Fuu keɓuɗo jaalorgal ɗum ɓornaymo kolte daneeje, nden mi ittataa inde maako daga nder deftere yonki. Mi wi'ay kanko ɗum mo am yeeso Nyaako am e yeeso malaa'ika'en maako.

Wahayu Yahaya 20:13

Maayo wurtinoyi mayɓe wonɓe nder maggo. Mayde e Laahira fuu wurtinoyi mayɓe wonɓe nder maajum. Ɗum waɗani koo moye kiita dow ko waɗi.

Wahayu Yahaya 21:27

Walaa goɗɗum ko senaaki nattayɗum gariiri ndin, koo boo gaɗoowo kuuɗe nefniiɗe, koo pewoowo. Sey ni ɓe ɗum windi inɗe mu''en nder deftere yonki nde Karoori ndin, kamɓe tan nattata gariiri ndin.

Kuuɗe Lilaaɓe 24:15

Ɗonmaa e mi waɗi kammunde am to Allah, no kamɓe maa ɓe ngaɗiri kammunde maɓɓe dow maako, wi'uki mayɓe aadili'en e kalluɓe fuu ɓe ummoto daga mayde.

Wahayu Yahaya 20:11

Nden mi yi'ii wongal jooɗorgal laamu mangal danewal e jooɗiiɗo dow maagal. Sey dow e ley doggi majjiti daga yeeso maako ɗum ɓeydaayi yi'ukiɗum.

Wahayu Yahaya 19:5

Nden wonde hononde daga jooɗorgal laamu ngal e wi'a, “Mantee Allah meeɗen, onon maccuɓe maako kulooɓemo mawɗo e pamaro.”

Filibiyanko'en 4:3

An higo kuugal am mo goonga, e mi toromaa, wallu rewɓe ɓe'e, ngam ɓe kuudii e am kuugal caɗungal ngal wa'ajinki Habaru Belɗum, hawti e Kilemen e horiiɓe higooɓe kuugal am, ɓe inɗe maɓɓe e windii nder deftere yonki.

Luka 10:20

Ammaa to' on nanu belɗum ngam ginni e ngaɗa ko mbiiɗon, ammaa nanee belɗum ngam inɗe mooɗon mbindaama e wuro Allah.”

Wahayu Yahaya 13:8

Fuu yimɓe jooɗiiɓe e duuniyaaru ɓe mawninayndi, sey ni ɓe ɗum windi inɗe maɓɓe ko duuniyaaru tagee nder deftere yonki nde Karoori baraandi.

Roomanko'en 2:6

Ngam o waatanay koo moye ko fottidi e ko waɗi.

Wahayu Yahaya 17:8

Mardi ndi ngiiɗaa, ndenno e ndi woodunoo yonki, jooni ndi walaa yonki, nden ɗo'o yeeso ndi wurtoyto daga nder ngayka kalluka lugguka ndi yaha to ndi halketee. Jooɗiiɓe e duuniyaaru ɓe ɗum windaayi inɗe maɓɓe nder deftere yonki ko duuniyaaru tagee, ɓe kayɗinay e yi'uki mardi ndin ɗon. Ngam ndenno e ndi woodunoo yonki, jooni ndi walaa yonki, nden ndi wartoyay.

1 Korintiyanko'en 4:5

Ngam non, to' on mbi'u goɗɗo waɗii kuugal ngal Allah hokkimo boɗɗum, koo o waɗaayingal boɗɗum. Keɗee naa nyalnde nde Joomiraawo warti. Koo ɗume cuuɗiiɗum nder nyiwre o wurtinayɗum e njayri, nden o wurtinay nyumooji gonɗi nder ɓerɗe yimɓe e njayri. E carel ngel Allah wi'ay koo neɗɗo waɗii kuugal ngal o hokkimo boɗɗum koo waɗaayingal boɗɗum.

Maatiyu 11:22

Ammaa e mi wi'a'on, Nyalnde Jaango Allah ɓuray yurminanki yimɓe Taaya e Sidon dow mooɗon.

Wahayu Yahaya 20:15

Fuu mo ɗum tawaayi inde muuɗum e windii nder deftere yonki, ɗum hubinimo nder mbeela hiite ngan.