Wahayu Yahaya 20:10 - Fulfulde Nigeria

¹⁰ Ceyɗan majjinɗoɓe boo hubinaa nder mbeela hiite kibiritu to mardi ndin e annabiijo fewre on ɗon woni. Ɗum waɗay ka hokkukiɓe bone jemma e nyalawma haa abadaa abadin.

Wahayu Yahaya 20:10 ပူးပေါင်းရင်းမြစ်များ

Maatiyu 25:41

“Nden o wi'ay wonɓe nano maako, ‘Cendiree e am, onon laanaaɓe! Nattee hiite nge nyifataa haa abadaa nge ɗum siryanii Ceyɗan e malaa'ika'en muuɗum!

Wahayu Yahaya 19:20

Sey ɗum nangi mardi ndin e annabiijo fewre on. Kanko woni gaɗuɗo kayɗiniiɗum yeeso mayri majjini gaɗanaaɓe alaama mayri e mawninɓe ngunkiwa nandunga e mayri. E yonki ɗum hubini annabiijo fewre on e mardi ndin nder mbeela hiite kibiritu.

Maatiyu 25:46

Ɓe'e ngoni nattayɓe bone ɗum re'ataa, aadili'en boo keɓa yonki ki re'ataa.”

Wahayu Yahaya 20:8

O wurtoyto o majjina leƴƴi duuniyaaru fuu, o hawritaɓe ngam konu. Ɗum noddiray leƴƴi ɗin Gog e Maagog. Ɗuuɗuki maɓɓe waɗii bo ɗuuɗuki njaareendi maayo.

Wahayu Yahaya 16:13

Sey ngiimi goɗɗi ginni kanji tati e ɗi nandi e paaɓi, go'otol e wurtoyoo daga nder honduko mbooga ngan ɗon, go'otol boo e wurtoyoo daga nder honduko mardi arandeeri ndin ɗon, nden go'otol e wurtoyoo daga nder honduko annabiijo on ɗon mo fewre.

Maatiyu 7:15

“Paamanee annabo'en fewre garayɓe to mooɗon nder nandi baali, ammaa nder ɓerɗe maɓɓe e ɓe nandi e caafaali kalluɗi.

Wahayu Yahaya 9:17

Nder wahayu ɗum mi yi'i pucci e wonɓe dow majji, e ɓe cuddi gabaaje maɓɓe e toggohoy njamndi e koy mbooji coloy bo hiite, e cuuɗijum, e nareerijum. Kadimaa koo nguye puccu e woodi hoore bo nde sembindu, nden hiite e curka e kaaƴe nyaamooje hiite e wurtoyoo daga konduɗe majji.

Markus 9:44

Non maa to koyngal maaɗa e waɗumaa ngaɗaa hakke, ittungal. Ɗum ɓuraniima nattaa wuro Allah e koyngal go'otal dow ɗum hubomaa nder wuro hiite e koyɗe ɗiɗi.