Wahayu Yahaya 2:14 - Fulfulde Nigeria

¹⁴ Ammaa e woodi fii seɗɗa ɗum nangirmi'on. E woodi woɓɓe nder mooɗon tokkuɓe ekkitinol Bala'amu, ekkitinɗo Balak no waɗirta Israa'iilanko'en ngaɗa ko wooɗaa, ɓe nyaama ko ɗum hirsani allaaji fewre ɓe ngaɗa njeenu.

Wahayu Yahaya 2:14 ပူးပေါင်းရင်းမြစ်များ

2 Biiturus 2:15

Ɓe alii laawol goonga, ɓe majjii, ɓe tokkii laawol Bala'amu, ɓiɗɗo Beeyor, giɗɗo waɗuki ko wooɗaa ngam heɓuki ceede.

Wahayu Yahaya 2:20

Ammaa raa ko wooɗaa ɗum nangirmi'on. On munyanii debbo on ɗon Jejebel bi'oowo hoore maako o annabiijo. Ekkitinol maako e majjina yimɓe am e ɓe ngaɗa njeenu, ɗonmaa e ɓe nyaama kusel ngel ɗum sakkani allaaji fewre.

Yahuuda 1:11

Ɓe mbonii! Ɓe tokkii ngikku Kayinu. Ɓe nattii iri majjere Bala'amu ngam suuno ceede. Non no Koora wanyiri ko Allah wi'i, non kamɓe maa ɓe nganyiri ko Allah wi'i. Ngam non, ɓe kalkay.

Kuuɗe Lilaaɓe 15:29

to' on nyaamu ko ɗum sakkani gunkiiji koo ko saaɗi koo ko ɗum moylani daande koo ƴiiƴam, nden to' on ngaɗu njeenu. To on curii ko'e mooɗon e waɗuki fii ɗu'um on ngaɗii boɗɗum. Allah walla'en!”

Ibraaniyanko'en 13:4

Koo moye mawnina teegal, nden to' goɗɗo walda e goɗɗo mo walaa teegal hakkunde maɓɓe. Balduɗo e goɗɗo mo walaa teegal hakkunde maɓɓe, Allah waɗanayɓe kiita.

1 Biiturus 2:8

Ɗonmaa wonde aayaare wi'ii, “Ɗum hayre gaɗoore yimɓe feggoo, gaɗoore yimɓe njana.” E ɓe peggoo ngam ɓe nganyii waɗuki ko Wolde Allah wi'i. Non ɗum siryaniiɓe.

Kuuɗe Lilaaɓe 21:25

Ammaa kooliiɓe Yeesu ƴiwoyɓe goɗɗi leƴƴi, min mbindaniiɓe to' ɓe nyaama ko hirsanaa gunkiiji e ko saaɗi e ko moylanaa daande, koo ƴiiƴam, nden to' ɓe ngaɗa njeenu.”

Wahayu Yahaya 22:15

Ɓe ɗum haɗi nattuki gariiri ndin boo, kamɓe ngoni bonnuɓe ko'e maɓɓe, e darnooɓe, e gaɗooɓe njeenu, e gaɗooɓe warhoore, e mawninooɓe gunkiiji, e giɗɓe fewuki koo ndeye.

Wahayu Yahaya 21:8

Ammaa gooduɓe kulol e nyaamooɓe amaana, e kuwooɓe kuugal kallungal, e gaɗooɓe warhoore, e gaɗooɓe njeenu, e darnooɓe, e mawninooɓe gunkiiji, e fuu fewooɓe, ɓe fuu ɗum nattinayɓe mbeela hiite kibiritu, kanga woni mayde ɗiɗawre.”

1 Korintiyanko'en 7:2

Ammaa nde e woodi njeenu naa' seɗɗa hakkunde yimɓe, e haani koo moye neɗɗo te'a, nden koo moye debbo waɗa teegal.

Maatiyu 18:7

Duuniyaaru wonii ngam e woodi ko fooɗata yimɓe ngaɗa hakke! Ngam doole ko fooɗata yimɓe ngaɗa hakke wara, fuu e non fooɗuɗo goɗɗo waɗi hakke wonii.

Roomanko'en 14:21

Ɗum ɓurii to' nyaamaa kusel, koo njaraa ndiyam inabojam, koo ngaɗaa goɗɗum gaɗoojum bandiraawo maaɗa waɗa hakke.

Roomanko'en 14:13

Ngam maajum, en alu yowanki bandiraaɓe meeɗen ko wooɗaa, ammaa en cuɓu nder ɓerɗe meeɗen en ngaɗataa goɗɗum gaɗoojum bandiraaɓe meeɗen ngaɗa hakke.

Wahayu Yahaya 2:4

Ammaa raa ko wooɗaa ɗum nangirmi'on: on alii yidde nde ngoodunooɗon.

1 Korintiyanko'en 1:23

Minon boo, e min nga'ajina Almasiihu baraaɗo dow gaafaangal. To Yahuudanko'en ɗum haala kalluka, to yimɓe naa' Yahuudanko'en boo ɗum haaŋoore.

Roomanko'en 11:9

Nden Dawda wi'ii, “Allah waɗa humto maɓɓe wartanaɓe tarkowol ɓe njana nder maggol, ɓe njara torra no haananiɓe;

Roomanko'en 9:32

Ngam ɗume? Ngam ɓe ɗaɓɓitaayi wartuki aadili'en barka hoolaaki Allah, ammaa ɓe ɗaɓɓitiiɗum e laawol waɗuki kuuɗe boɗɗe. Ɓe peggii nden ɗon “hayre gaɗoore yimɓe peggoo,”