Wahayu Yahaya 19:7 - Fulfulde Nigeria

⁷ En welweltu nanen belɗum naa' seɗɗa, en mawninmo, ngam carel ngel Karoori te'ata warii. Nden ɓaŋaaɗo maako on siryake.

Wahayu Yahaya 19:7 ပူးပေါင်းရင်းမြစ်များ

Wahayu Yahaya 21:9

Sey go'oto nder malaa'ika'en njoweeɗiɗo ɓen wari, ɓen ɗon jogiiɓe tummuɗe joweeɗiɗi keewuɗe monnere Allah cakitiiɗum. O wi'iyam, “Woroy mi holloymaa ɓaŋaaɗo, debbo Karoori ndin.”

Wahayu Yahaya 21:2

Nden mi yi'ii Gariiri Ceniindi, waato Urucaliima keyri e ndi jippoyoo daga dow, daga to Allah, ndi siryaama bo ɓaŋaaɗo mo''itiniiɗo ngam gorko muuɗum.

2 Korintiyanko'en 11:2

E mi haaja'on no Allah haajirta'on. Mi waɗanii'on alkawal teegal e gorko go'oto, waato Almasiihu. E mi yiɗi mi yaara'on to maako bo debbo ceniiɗo mo andaa gorko.

Maatiyu 22:2

“Ɗum nandinay Laamu Allah e goɗɗo laamiiɗo ciryaniiɗo ɓiɗɗo muuɗum humto teegal.

Wahayu Yahaya 19:9

Sey malaa'ikaajo on wi'iyam, “Windu ɗu'um. Ɓe barkiɗinaaɓe kumpitaaɓe humto teegal Karoori ndin.” Nden o wi'iyam, “Ka'a haala ɗum goonga, to Allah ɗum ƴiwoyi.”

Aafisanko'en 5:32

E woodi sirru lugguɗum mawɗum nder aayaare nde'e. Mi faamii e ɗum meta dow Almasiihu e kawtal tokkuɓemo.

Yahaya 3:29

Angoojo jeyi ɓaŋaaɗo. Higo angoojo on dariiɗo e nana ko o wi'ata, o nanay belɗum naa' seɗɗa to o nanii hononde angoojo on. Iri belɗum ɗum higo angoojo on nani, iri maajum nanaymi naa' seɗɗa jooni.

Aafisanko'en 5:23

Ngam gorko woni ardiiɗo debbo muuɗum non no Almasiihu woni ardiiɗo tokkuɓemo. Kanko e hoore maako woni kisnoowoɓe.

Luka 12:36

bo maccuɓe keɗiiɓe joomu wuro maɓɓe wartoya daga humto teegal, ngam to o wartoyii o silminake, ɗon e ɗon ɓe maɓɓitanamo dammugal.

Filibiyanko'en 3:3

Ngam enen ngoodi naaduki ki goonga, enen mawninooɓe Allah nder Ruuhu maako, mantortooɓe Yeesu Almasiihu. Enen en ngaɗataa ɓerɗe meeɗen dow kuuɗe ɗe ngaɗeten e ɓandu ngam Allah jaɓa'en,

Maatiyu 1:20

Ammaa carel ngel o nyumata dow maajum, malaa'ikaajo Joomiraawo wanganimo nder koyɗol, wi'imo, “Yusufu ɓii Dawda, taa' hulu te'uki Maryaama, ngam ɓingel ngel o saawi daga to Ruuhu Allah ngel ƴiwoyi.

Wahayu Yahaya 11:13

Ɗon e ɗon ɗum waɗi wongol dimbol leydi kallungol, sey sendere go'o nder cende sappo ɗe gariiri ndin yani, ɗum wari yimɓe 7,000. Kulol mangol nangi yimɓe koriiɓe, ɓe mawnini Allah Mo Dow.