Wahayu Yahaya 18:6 - Fulfulde Nigeria

⁶ Ngaɗaneendi non no ndi waɗi fuu. Ko ndi waɗi, ngaɗaneendi non nde ɗiɗi. Cuutaneendi ko ɓuri sembe nde ɗiɗi nder tummude mayri ko ndi suutani woɓɓe.

Wahayu Yahaya 18:6 ပူးပေါင်းရင်းမြစ်များ

Wahayu Yahaya 16:19

Gariiri Baabiila ndin ɗon mawndi sendii tati, gariije duuniyaaru maa njani njanini. Sey Allah siftori e gariiri Baabiila mawndi, o waɗindi ndi yari torra monnere maako kallunde.

Wahayu Yahaya 14:10

o yaray bone kalluɗum ɗum Allah siryii e sembe muuɗum nder tummude monnere muuɗum. Ɗum torriraymo hiite e kibiritu yeeso malaa'ika'en ceniiɓe e Karoori ndin.

Wahayu Yahaya 17:4

Debbo on e ɓornii kolte cuuɗiije e boɗeeje coloy, e mo mo''itinorii coddi jiinaari, e coddi gaɗiraandi kaaƴe ɗe ceede feere‑feere. E mo jogii tummude jiinaari e jungo maako e nde heewi ndiyam inabojam, waato ko nefnii kalluɗum ɗum o waɗidi e worɓe.

2 Timooti 4:14

Alijanda ba'illo ajurfaari hallaniiyam naa' seɗɗa. Joomiraawo waatanaymo ko o waɗi.

Wahayu Yahaya 17:2

Laamiiɓe duuniyaaru ngaɗidii njeenu e maako. Njeenu ɗum ɓe ngaadi yiltiiɓe bo o hokkuɓe njaru gaylitayngu hoore, kamɓe e yimɓe duuniyaaru fuu.”

Wahayu Yahaya 13:10

Koo moye ɗum windi naa yahii maccungaaku, too, naa yahii: nden koo moye ɗum windi e kaafahi o wardetee, too, e kaafahi kin o wardetee. Ngam maajum sey yimɓe Allah kooloomo ngaɗa munyal.”

Wahayu Yahaya 18:20

Nanee belɗum onon wonɓe nder wuro Allah ton dow, yimɓe Allah e lilaaɓe e annabo'en, ngam Allah waatanake'on ko o waɗani'on!