Wahayu Yahaya 18:23 - Fulfulde Nigeria

²³ Fitilaaru ɓeydataa yeynoo nder mayri. Ɗonmaa ɗum ɓeydataa ɗum nana hononde angoojo e ɓaŋaaɗo nder mayri. Ngam ndenno soodooɓe e cooritoo nder mayri kamɓe ngoni mawɓe duuniyaaru, sihiriiji mayri boo majjinii yimɓe duuniyaaru!

Wahayu Yahaya 18:23 ပူးပေါင်းရင်းမြစ်များ

Wahayu Yahaya 18:3

Ngam kayri woni gariiri bonnundi lenyi duuniyaaru e waaduki njeenu e mayri. Njeenu ɗum ɓe ngaadi wartaniiɓe bo njaru gaylitayngu hoore. Laamiiɓe duuniyaaru ngaadii njeenu e mayri. Soodooɓe e cooritoo koo toye nder duuniyaaru keɓii risku ngam Baabiila e yiɗi waɗuki njeenu naa' seɗɗa.”

Wahayu Yahaya 22:15

Ɓe ɗum haɗi nattuki gariiri ndin boo, kamɓe ngoni bonnuɓe ko'e maɓɓe, e darnooɓe, e gaɗooɓe njeenu, e gaɗooɓe warhoore, e mawninooɓe gunkiiji, e giɗɓe fewuki koo ndeye.

Wahayu Yahaya 21:8

Ammaa gooduɓe kulol e nyaamooɓe amaana, e kuwooɓe kuugal kallungal, e gaɗooɓe warhoore, e gaɗooɓe njeenu, e darnooɓe, e mawninooɓe gunkiiji, e fuu fewooɓe, ɓe fuu ɗum nattinayɓe mbeela hiite kibiritu, kanga woni mayde ɗiɗawre.”

Wahayu Yahaya 18:22

Ɗum ɓeydataa nanki piyooɓe garaayaaji, e yimooɓe, e duudooɓe duudaali, e duudooɓe luwe nder mayri, nden ɗum boo fuɗɗitataa ɗum yi'a bayillo koo cehoowo nder mayri, ɗum fuɗɗitataa ɗum nana hoolo namarde nder mayri!

Wahayu Yahaya 18:9

Laamiiɓe duuniyaaru gaaduɓe njeenu e ko wooɗaa e maako ɓe mboyanaymo e ɓe ngulla to ɓe ngi'ii curka hiite nyaamayngemo.

Wahayu Yahaya 17:5

E tiinde maako ɗum windi wonde inde goodunde ma'ana cuuɗiiɗum, wi'uki, “Baabiila Mawndi inna kaaruwa'en inna koo ɗume ko nefnii ɗum duuniyaaru.”

Wahayu Yahaya 17:2

Laamiiɓe duuniyaaru ngaɗidii njeenu e maako. Njeenu ɗum ɓe ngaadi yiltiiɓe bo o hokkuɓe njaru gaylitayngu hoore, kamɓe e yimɓe duuniyaaru fuu.”

Wahayu Yahaya 22:5

Ɗum fuɗɗitataa ɗum waɗa jemma, ɓe ngannidataa e jayngol fitilaaji koo jayngol naange, ngam Allah Joomiraawo wartay jayngol maɓɓe. Ɓe laamoto haa abadaa abadin.

Wahayu Yahaya 12:9

Ɗum hubinoyinga nder duuniyaaru. Kanga woni mbooga nga daga ndenno bi'eteenga Gullotooɗo koo Ceyɗan, majjinoowo duuniyaaru. Ɗum hubininga nder duuniyaaru fuu e malaa'ika'en maako.

Kuuɗe Lilaaɓe 8:11

Ɓe tokkumo ngam o neeɓii e mo hayɗinaɓe e sihiriiji maako.

Wahayu Yahaya 6:15

Sey laamiiɓe duuniyaaru, e ardiiɓe, e mawɓe sooji'en, e gooduɓe risku, e gooduɓe laamu, e maccuɓe, e naa' maccuɓe ɓe cuuɗii nder luurooji e ley kaaƴe nder kocceeje.

Wahayu Yahaya 9:21

Nden ɓe alaayi waruki yimɓe, e huutirki bawɗe ginni, e njeenu, e wujje‑wujje maɓɓe.