Wahayu Yahaya 13:6 - Fulfulde Nigeria

⁶ Ndi fuɗɗi huɗuki Allah e inde maako e to o jooɗotoo, e fuu jooɗiiɓe ton dow.

Wahayu Yahaya 13:6 ပူးပေါင်းရင်းမြစ်များ

Wahayu Yahaya 12:12

Ngam non, onon wonɓe nder wuro Allah ton dow, nanee belɗum! Ammaa on mbonii onon wonɓe nder duuniyaaru e ko woni nder maayo! Ngam Ceyɗan jipponoyake'on e ɓerni bo pusay ngam e mo andi carel maako ɓadake re'uki.”

Ibraaniyanko'en 9:24

Ngam Almasiihu nattaayi nder Wigeere Ɓurnde Senaaki nde neɗɗo waɗi nandunde e wigeere nde goonga gonde dow. Ammaa dow e hoore maajum o natti, jooni ton o woni yeeso Allah ngam meeɗen.

Maatiyu 15:19

Ngam daga nder ɓernde neɗɗo nyumo kallungo wurtoytoo, e warhoore, e njeenu, e njeenu hakkunde yimɓe ɓe ngalaa teegal, e nguyka, e ceyda fewre, e wonnuki inde neɗɗo.

Maatiyu 12:34

Onon boole kalluɗe! No waɗata onon kalluɓe meton ko wooɗi? Ngam honduko neɗɗo e meta ko woni nder ɓernde muuɗum.

Wahayu Yahaya 21:3

Nden mi nanii wonde hononde cembinde daga jooɗorgal laamu ngal e nde wi'a, “Raɗɗum to Allah jooɗotoo e wondi e yimɓe! O jooɗodoto e maɓɓe, ɓe ngartay yimɓe maako. Allah e hoore muuɗum wonday e maɓɓe, o wartay Allah maɓɓe.

Wahayu Yahaya 18:20

Nanee belɗum onon wonɓe nder wuro Allah ton dow, yimɓe Allah e lilaaɓe e annabo'en, ngam Allah waatanake'on ko o waɗani'on!

Wahayu Yahaya 11:12

Sey annabo'en ɗiɗo ɓen nani wonde hononde cembinde daga dow e wi'aɓe, “Ƴentoyee ɗo'o!” Sey ɓe koccaa yaaki dow nder nduula, wanywanyɓe maɓɓe e ndaara.

Wahayu Yahaya 7:9

Gaɗa ɗum ɗon mi raarii sey ngiimi yimɓe ɗuɗɓe ɓe ƴaɓɓake limngal. Ɓe ngaroyii daga koo ndiye leydi, e koo ngole lenyol, e koo ɓeye yimɓe, e koo ngale ɗemngal, e ɓe ndarii yeeso jooɗorgal laamu ngal e Karoori ndin e ɓe ɓornii kolte daneeje tar. E ɓe njogii licoy haako dabiinooje e juuɗe maɓɓe.

Wahayu Yahaya 5:13

Sey nanmi koo ɗume ko tagaa e dow, e nder duuniyaaru, e ley leydi, e nder ndiyam, e ko woni nder maajum fuu, e ɗum yima e ɗum wi'a, “Mantuki, e mangu, e mawnineeki, e laamu ɗum tabbita to Jooɗiiɗo dow jooɗorgal laamu on, e Karoori ndin haa abadaa abadin!”

Wahayu Yahaya 4:4

Haade maagal e woodi goɗɗe jooɗorle kanje 24 e ɗe piliingal. Nden woɓɓe mawɓe kamɓe 24 e njooɗii dow maaje. E ɓe bornii kolte daneeje e ɓe taari giifi jiinaari to ko'e maɓɓe e ɓe njooɗii dow jooɗorle ɗen.

Wahayu Yahaya 4:1

Gaɗa non mi raarii, sey ngiimi wongal dammugal e maɓɓitii e ton dow. Sey nanmi hononde nde nanunoomi arande nandunde e duudol luwal nde wi'i, “Ƴentoy ɗo'o, mi hollumaa ko waɗata gaɗa ɗu'um.”

Ibraaniyanko'en 9:2

Lukuru tiggaama sendaa cuuɗi ɗiɗi. Suudu arandeeru e noddiree Wigeere Ceniinde. Nder mayru e woodi to ɗum resata fitilaaru e danki e buroodi ɗum um hokkata Allah.

Roomanko'en 3:13

Konduɗe maɓɓe ɗum yenaande omtiinde. E ɓe kuutira ɗemɗe maɓɓe ngam majjinki yimɓe e fewre. Boliiɗe maɓɓe e keewi ko halli bo tooke mboodi kallundi.

Koloosiyanko'en 2:9

Almasiihu e woodi fuu ngikku e bawɗe Allah nder ɓandu maako.

Koloosiyanko'en 1:19

Ngam Allah suɓii waɗa fuu ngikku muuɗum e bawɗe muuɗum nder Ɓiɗɗo muuɗum.

Yahaya 1:14

Bi'eteeɗo Wolde on, o wartii neɗɗo, o jooɗii nder meeɗen, o kewɗo yidde e goonga. En ngi'ii teddungal maako, teddungal ɓiɗɗo bajjo ƴiwoyɗo to Nyaako Mo Dow.

Wahayu Yahaya 7:15

Kanjum waɗi e ɓe ndarii yeeso jooɗorgal laamu Allah. E ɓe kuwanamo jemma e nyalawma nder wuro maako. Jooɗiiɗo dow jooɗorgal laamu ngal o suranayɓe.

Wahayu Yahaya 15:5

Gaɗa non mi yi'ii Wigeere Ɓurnde Senaaki nder wuro Allah ton dow e omtii.