Wahayu Yahaya 13:17 - Fulfulde Nigeria

¹⁷ Ndi waɗu non ngam to' goɗɗo sooda koo soora to walaa alaama mayri, waato inde mayri koo lamba inde mayri.

Wahayu Yahaya 13:17 ပူးပေါင်းရင်းမြစ်များ

Wahayu Yahaya 15:2

Sey ngiimi goɗɗum bo maayo daarolle hawti e hiite. Nden mi yi'i keɓuɓe jaalorgal dow mardi arandeeri ndin ɗon e ngunkiwa nandunga e mayri e lamba kollayɗum inde mayri. E ɓe ndarii daande maayo daarolle ngon e ɓe njogii garaayaaji ɗi Allah hokkiɓe.

Wahayu Yahaya 14:11

Curka hiite gulayngeɓe ka waɗay ka ummaaki dow haa abadaa abadin. Ɓen ɗon mawninɓe mardi ndin ɗon e ngunkiwa nandunga e mayri e fuu gaɗanaaɓe alaama inde mayri, ɓe keɓataa ustaneeki bone jemma e nyalawma.”

Wahayu Yahaya 13:16

Ɗonmaa mardi ɗiɗawri ndin waɗi koo moye waɗanee alaama mayri e jungo nyaamo koo e tiinde, mawɗo e pamaro, gooduɗo risku e mo walanaa, maccuɗo e naa' maccuɗo.

Wahayu Yahaya 22:4

Nden ɓe ngi'ay yeeso maako, kadimaa ɗum winday inde maako e tiiɗe maɓɓe.

Wahayu Yahaya 14:9

Sey malaa'ikaajo tataɓo tokki ɗiɗo arande'en ɓen e wi'a e sembe, “Fuu mawninɗo ndin ɗon mardi arandeeri e ngunkiwa nandunga e mayri, nden jaɓi alaama mayri e jungo muuɗum koo e tiinde muuɗum,

Wahayu Yahaya 13:18

Ɗo'o e haani kuutiron faamu. Fuu gooduɗo andal o wurtina ma'ana lamba mardi ndin ɗon, ngam lamba ɗum ɗum inde neɗɗo. Lamba ɗum woni 666.

Wahayu Yahaya 3:12

Fuu keɓuɗo jaalorgal mi wartiraymo darŋalal nder wuro ceniingo ngo Allah am, o fuɗɗitataa o wurtoo wuro ngon. Mi winday inde Allah am dow maako e inde gariiri Allah am, waato Urucaliima keyri jippoytoondi daga to Allah am ton dow. Ɗonmaa mi winday inde am heyre dow maako.

Wahayu Yahaya 17:5

E tiinde maako ɗum windi wonde inde goodunde ma'ana cuuɗiiɗum, wi'uki, “Baabiila Mawndi inna kaaruwa'en inna koo ɗume ko nefnii ɗum duuniyaaru.”

Galaatiyanko'en 6:17

Mi yottinay e wiiki, to' goɗɗo ɓeyda wannukiyam, ngam tabooje ɗe ngoodumi e ɓandu kollii mi maccuɗo Yeesu.

Wahayu Yahaya 7:3

o wi'i, “To' on lallin leydi koo maayo koo leɗɗe naa min ngaɗanii maccuɓe Allah meeɗen alaama to tiiɗe maɓɓe taw.”

Wahayu Yahaya 20:4

Nden mi yi'ii jooɗorle laamu, woɓɓe e njooɗii dow maaje. Kamɓe ngoni kokkaaɓe laamu waɗuki kiita. Ɗonmaa mi yi'ii yonkiiji ɓe ɗum ittani ko'e ngam ɓe nga'ajinii habaru Yeesu e Wolde Allah. Kamɓe ngoni ɓe mawninaayi ndin ɗon mardi koo ngunkiwa nandunga e mayri, ɓe njaɓaayi ɗum waɗanaɓe alaama mayri e tiiɗe maɓɓe koo e juuɗe maɓɓe. Ɓe puɗɗiti ɓe keɓii yonki, ɓe laamodii e Almasiihu haa duuɓi 1,000.