Wahayu Yahaya 13:13 - Fulfulde Nigeria

¹³ Mardi ɗiɗawri ndin waɗi fii kayɗiniiɗum ɗuɗɗum, haa maa ndi waɗi hiite rufoyi nder duuniyaaru daga dow. Ndi waɗi non yeeso gite koo moye.

Wahayu Yahaya 13:13 ပူးပေါင်းရင်းမြစ်များ

Maatiyu 24:24

Ngam Almasiihu'en fewre e annabo'en fewre mburtoyto, ɓe ngaɗa alaamaaji mawɗi e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Wahayu Yahaya 19:20

Sey ɗum nangi mardi ndin e annabiijo fewre on. Kanko woni gaɗuɗo kayɗiniiɗum yeeso mayri majjini gaɗanaaɓe alaama mayri e mawninɓe ngunkiwa nandunga e mayri. E yonki ɗum hubini annabiijo fewre on e mardi ndin nder mbeela hiite kibiritu.

Wahayu Yahaya 16:14

Kanji ngoni ginni gaɗooji kuuɗe kayɗiniiɗe. Kanji ngoni jahooji to laamiiɓe duuniyaaru fuu ɗi kawritaɓe ngam konu e nden ɗon nyalnde mawnde nde Allah Joomu Bawɗe.

Wahayu Yahaya 20:9

Ɓe cankitii koo toye nder duuniyaaru, ɓe pilii wigeere yimɓe Allah, waato gariiri ndi o yiɗi. Ammaa hiite rufoyi daga dow nge halkiɓe.

Markus 13:22

Ngam Almasiihu'en fewre e annabo'en fewre ɓe mburtoyto ɓe ngaɗa alaamaaji e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Wahayu Yahaya 11:5

Fuu giɗɗo hallanaɓe, sey hiite wurtoyoo daga nder konduɗe maɓɓe halkamo. Non ɗum warirta koo moye giɗɗo hallankiɓe.

2 Timooti 3:8

Non no Jenis e Jambiras nganyiri ko Muusa wi'i, non yimɓe ɓen nganyirta goonga. Nyumo maɓɓe ngo kallungo, hoolaare maɓɓe wartii lallunde.

Maatiyu 16:1

Faarisanko'en e Saadusanko'en ngari to Yeesu, e ɓe ngiɗi foondukimo, sey ɓe mbi'imo o waɗanaɓe goɗɗum kayɗiniiɗum ƴiwoyɗum to Allah.