Wahayu Yahaya 11:3 - Fulfulde Nigeria

³ Nden mi hokkay ceydu'en am ɗiɗo laamu ɓe nga'ajina wolde am haa balɗe 1,260, e ɓe ɓornii kolte kollayɗe wannaare.”

Wahayu Yahaya 11:3 ပူးပေါင်းရင်းမြစ်များ

Wahayu Yahaya 12:6

Debbo on boo doggi natti ladde yaaki wonde wigeere to Allah siryaniimo to ɗum faamantamo haa balɗe 1,260.

Wahayu Yahaya 11:2

Ammaa taa' foondu njayri yaasi wuro ngon, alundi, ngam ɗum hokkiindi leƴƴi duuniyaaru, ɓe laamoo Gariiri Ceniindi e sembe haa lebbi 42.

Wahayu Yahaya 13:5

Ɗum ali mardi ndin mawnina hoore muuɗum e huɗa Joomiraawo, ɗum alindi ndi laamoo lebbi 42.

Kuuɗe Lilaaɓe 13:31

Balɗe ɗuɗɗe e mo wangana wondunooɓe e maako, tokkuɓemo daga leydi Galiili yaaki Urucaliima. Jooni kamɓe ɓe ngartii andinooɓemo yeeso yimɓe.

Kuuɗe Lilaaɓe 1:8

Ammaa to Ruuhu Allah jippoyake dow mooɗon, on keɓay bawɗe, on ngartay kokkayɓe woɓɓe habaru am nder Urucaliima, e leydi Yahuudiya fuu, e leydi Samaariya, haa keerol duuniyaaru.”

Luka 24:48

Onon ngoni andinayɓe woɓɓe fii ɗu'um.

2 Korintiyanko'en 13:1

Mi waray to mooɗon jooni garol tataɓol. Aayaare wi'ii, “Doole ɗum heɓa ceydu'en ɗiɗo koo tato ko ɗum tabbitina haala.”

Kuuɗe Lilaaɓe 2:32

Almasiihu on woni Yeesu mo Allah ummini daga mayde. Min fuu e min ceydiiɗum.

Yahaya 15:27

Onon maa doole kokkon ceyda dow am ngam on ngondi e am daga arande.

Maatiyu 18:16

Ammaa to o wanyii jaɓuki, sey fuɗɗitaa co''odoɗaa e neɗɗo go'oto koo ɗiɗo to maako, ngam ‘doole ɗum heɓa ceydu'en ɗiɗo koo tato ko ɗum tabbitina haala.’

Wahayu Yahaya 19:10

Sey ndicciimi yeeso maako ngam mi mawninamo, ammaa o wi'iyam, “Taa' waɗu non! Min maa, mi maccuɗo Allah bo maaɗa, an e bandiraaɓe maaɗa jogiiɓe goonga boɗɗum ka Yeesu wangini. Mawnin Allah! Ngam goonga ka Yeesu wangini kanka waɗi yimɓe mbaawi waɗuki annabaaku.”

Wahayu Yahaya 1:5

e Yeesu Almasiihu, ceyduujo Allah mo goonga, barkiɗina'on, hokka'on jam. Yeesu artuɗo ummaaki daga mayde kanko woni laamiiɗo laamiiɓe duuniyaaru. E mo yiɗi'en, o hisnii'en daga hakkeeji meeɗen barka ƴiiƴam mayde maako.

Kuuɗe Lilaaɓe 3:15

On mbarii kokkayɗo yonki, ammaa Allah umminiimo daga mayde. Minon boo, min ceydu'en maajum.

Wahayu Yahaya 20:4

Nden mi yi'ii jooɗorle laamu, woɓɓe e njooɗii dow maaje. Kamɓe ngoni kokkaaɓe laamu waɗuki kiita. Ɗonmaa mi yi'ii yonkiiji ɓe ɗum ittani ko'e ngam ɓe nga'ajinii habaru Yeesu e Wolde Allah. Kamɓe ngoni ɓe mawninaayi ndin ɗon mardi koo ngunkiwa nandunga e mayri, ɓe njaɓaayi ɗum waɗanaɓe alaama mayri e tiiɗe maɓɓe koo e juuɗe maɓɓe. Ɓe puɗɗiti ɓe keɓii yonki, ɓe laamodii e Almasiihu haa duuɓi 1,000.

Aafisanko'en 4:11

O suɓii woɓɓe ngarta lilaaɓe, woɓɓe gaɗooɓe annabaaku, woɓɓe wa'ajinooɓe, woɓɓe pasto'en e ekkitinooɓe.

1 Korintiyanko'en 12:28

Nder kawtal tokkuɓe Yeesu, arande Allah wartirii woɓɓe lilaaɓe, woɓɓe boo o wartiriiɓe annabo'en, nden woɓɓe ekkitinooɓe, woɓɓe boo gaɗooɓe kuuɗe kayɗiniiɗe, woɓɓe boo yamɗitinooɓe nyawɓe, woɓɓe boo wallooɓe, woɓɓe ardiiɓe, woɓɓe boo gaɗirooɓe do'aare ɗemɗe ɗe ɓe andaa.

Yahaya 3:27

Yahaya wi'iɓe, “Walaa keɓoowo goɗɗum sey ni to Allah hokkiimoɗum.

Maatiyu 11:21

O wi'i, “Yimɓe gariiri Korasin, on mbonii! Yimɓe gariiri Betasayda, on mbonii! Daa kuuɗe kayɗiniiɗe gaɗaaɗe nder mooɗon ɗe ngaɗanaama yimɓe Taaya e Sidon, daa ɓe ɓornake kolte kollayɗe wannaare ɓe njooɗake nder tooka ngam holluki ɓe tuubii.

Luka 10:13

O wi'i, “Yimɓe gariiri Korasin, on mbonii! Yimɓe gariiri Betasayda, on mbonii! Daa kuuɗe kayɗiniiɗe gaɗaaɗe nder mooɗon ɗe ngaɗanaama yimɓe Taaya e Sidon, daa ɓe ɓornake kolte kollayɗe wannaare ɓe njooɗake nder tooka ngam holluki ɓe tuubii.

Wahayu Yahaya 11:6

E ɓe ngoodi laamu haɗuki ndiyam toɓa nder balɗe ɗe ɓe nga'ajinta Wolde Joomiraawo. Nden e ɓe ngoodi laamu ɓe ngartira ndiyam ƴiiƴam. Ɗonmaa e ɓe ngoodi laamu jippinanki duuniyaaru koo iri ɗume bone kalluɗum ɗum ɓe ngiɗi.