Wahayu Yahaya 1:18 - Fulfulde Nigeria

¹⁸ Min woni mo yonki! Ndenno mi maayiino. Ammaa jooni e mi woodi yonki haa abadaa abadin, e mi woodi laamu dow Mayde nden e mi woodi laamu dow Laahira.

Wahayu Yahaya 1:18 ပူးပေါင်းရင်းမြစ်များ

Roomanko'en 6:9

Ngam en andi Almasiihu umminaama daga mayde, nden o fuɗɗitataa o maaya kadin. Mayde fuɗɗitataa heɓa bawɗe dow maako.

Ibraaniyanko'en 7:25

Ngam non, hande e koo ndeye e mo woodi bawɗe o hisna ɓaddotooɓe Allah laawol maako. E mo waawi hisnukiɓe ngam e mo woodi yonki haa abadaa, nden e mo toroo Allah ngam maɓɓe.

Wahayu Yahaya 3:7

“Windan malaa'ikaajo kawtal tokkuɓe Yeesu wonɓe gariiri Filadelfiya wi'uki: “Min woni Ceniiɗo mo goonga jogiiɗo maɓɓitirgel Dawda. To o maɓɓitii dammugal, walaa maɓɓayɗongal, to o maɓɓiingal, walaa maɓɓitayɗongal.

Ibraaniyanko'en 12:2

En ngaɗu hakkiilo meeɗen dow Yeesu, maɓɓitanɗo'en laawol hoolaaki Allah ballayɗo'en hoolaare meeɗen warta kewnde. Ngam welwelo ngo o heɓata yeeso, o munyii nder torra nde o waraa dow gaafaangal, o wannaayi e cemtuɗum wareeki dow gaafaangal, nden jooni e mo ton jooɗii to nyaamo jooɗorgal laamu Allah.

Maatiyu 16:19

Mi hokkete maɓɓitirkoy Laamu Allah, fuu ko kaɗuɗaa e duuniyaaru, Allah Mo Dow jaɓi. Ɗonmaa fuu ko aluɗaa ɗum waɗa e duuniyaaru, Allah Mo Dow jaɓii.”

Wahayu Yahaya 20:14

Sey ɗum hubini Mayde e Laahira nder mbeela hiite ngan. Ngan ɗon mbeela hiite kanga woni mayde ɗiɗawre.

Ibraaniyanko'en 1:3

E mo holla jayngol teddungal Allah, nden nder koo ɗume e mo nandi e Allah. E mo jogorii koo ɗume wolde maako goodunde bawɗe. Gaɗa o waɗii laawol yaafaaki hakke, o jooɗii ton dow to jungo nyaamo ngo Allah Joomu Mangu.

Galaatiyanko'en 2:20

Min bo mi wardaama e Almasiihu dow gaafaangal. Jooni jonde nde ngaɗaymi naa' min e hoore am waɗatande, ammaa ɗum Almasiihu jooɗiiɗo nder am. Jooni jonde nde njooɗiimi nder ɓandu, e mi waɗande nder hoolaaki Ɓiɗɗo Allah, giɗɗoyam hokki yonki muuɗum ngam am.

Wahayu Yahaya 4:9

Fuu carel ngel ɗum ɗon tagaaɗum gooduɗum yonki yimi gimol mantuki, e mawninki, e yettuki on ɗon jooɗiiɗo dow jooɗorgal ngal gooduɗo yonki haa abadaa abadin,

Ibraaniyanko'en 7:16

O wartiraaka ardiiɗo diina ngam lenyol maako, ammaa o wartiraa ardiiɗo diina barka bawɗe yonki ki re'ataa.

2 Korintiyanko'en 13:4

Koo nde o waraama dow gaafaangal nder ciya sembe, fuu e non jooni e mo foofa laawol bawɗe Allah. Minon maa non no o wontindirnoo, min ngalaa sembe. Non no Almasiihu jooɗorii jooni nder bawɗe Allah, minon maa min njooɗodoto e bawɗe Allah nder mooɗon.

Wahayu Yahaya 9:1

Nde malaa'ikaajo njowaɓo duudi luwal muuɗum, sey ngiimi hoodere yanoyii nder duuniyaaru daga dow. Sey ɗum hokkinde maɓɓitirgel dammugal ngayka kalluka lugguka.

Yahaya 14:19

Yeeso ɗo'o seɗɗa, duuniyaaru ndu'u fuɗɗitataa yi'ayam, ammaa onon on ngi'ayyam. Ngam e mi woodi yonki, onon maa on keɓay yonki.

Koloosiyanko'en 3:3

ngam on ngartii bo mayɓe, nden jooni on ngoodi yonki kesi ki goɗɗo waawataa yiiki iri yonki ki Almasiihu woodi gonduɗo e Allah.

Wahayu Yahaya 5:14

Sey tagaaɗum gooduɗum yonki ɗum ɗon nayum mbi'i, “Aamin!” Sey mawɓe ɓen ndiccii mawnini Joomiraawo.

Maatiyu 11:23

Onon boo, yimɓe gariiri Kafarnahum, on kammii ɗum hoccay'on yaaki dow? Naa' non! Ɗum nattinay'on nder ngayka hiite. Daa kuuɗe kayɗiniiɗe gaɗaaɗe nder maaɗa ɗe ngaɗaama nder gariiri Sodom, daa e ndi ɗon haa jooni.

Luka 24:5

Kulol nangiɓe, sey ɓe njani ɓe kippii. Worɓe ɓen mbi'iɓe, “Ngam ɗume ɗaɓɓitoton mo yonki nder mayɓe?

Yahaya 11:25

Yeesu wi'imo, “Min woni umminayɗo mayɓe, min woni kokkayɗo yonki. Koo moye kooliiɗoyam, koo o maayii, o fuɗɗitay o waɗa yonki.

Wahayu Yahaya 2:8

“Nden windan malaa'ikaajo kawtal tokkuɓe Yeesu wonɓe Samirna wi'uki: “Min woni arandeejo e cakitiiɗo, maayunooɗo jooni e mo woodi yonki.

Wahayu Yahaya 6:8

Nden mi yi'ii wongu puccu haako haakowu. Inde gonɗo dow maggu Mayde, Laahira e tokkirimo gaɗa. Ɗum hokkiɓe laamu ɓe mbara neɗɗo go'oto nder koo ɓeye yimɓe nayo nder duuniyaaru ngam ɓe mbardaɓe e kaafaaje, e weelo kallungo, e nyawuuji, e diiwe ladde.

Wahayu Yahaya 10:6

O hunorii inde Allah gooduɗo yonki haa abadaa abadin, taguɗo dow e ley e maayo e ko woni nder maajum. O wi'i, “Wonnuki carel horaaki kadin!

Wahayu Yahaya 15:7

Sey go'o nder tagaaɗum nayum gooduɗum yonki ɗum ɗon hokki malaa'ika'en njoweeɗiɗo ɓen tummuɗe joweeɗiɗi ɗe jiinaari e ɗe keewi monnere Allah gooduɗo yonki haa abadaa abadin.

Wahayu Yahaya 20:13

Maayo wurtinoyi mayɓe wonɓe nder maggo. Mayde e Laahira fuu wurtinoyi mayɓe wonɓe nder maajum. Ɗum waɗani koo moye kiita dow ko waɗi.