Wahayu Yahaya 1:1 - Fulfulde Nigeria

¹ Nde'e deftere e nde saawi wahayu ɗum Allah hokki Yeesu Almasiihu ngam o holla maccuɓe maako ko waɗata naa' ko neeɓi. Yeesu lili malaa'ikaajo muuɗum to maccuɗo maako Yahaya ngam o wi'amo fii ɗum.

Wahayu Yahaya 1:1 ပူးပေါင်းရင်းမြစ်များ

Wahayu Yahaya 22:16

“Min Yeesu, mi liloyii malaa'ikaajo am to mooɗon e habaru ɗu'um ngam kawte tokkuɓeyam. Min woni fuɗɗoode Dawda e lenyol maako, min woni Jaabiire, hoodere subaka goodunde jayngol.”

Wahayu Yahaya 22:6

Sey malaa'ikaajo on wi'iyam, “Haala ka'a ɗum goonga tabbutuka. Allah Joomiraawo kokkuɗo annabo'en Ruuhu muuɗum o liloyi malaa'ikaajo maako holla maccuɓe maako ko waɗata naa' ko neeɓi.”

Galaatiyanko'en 1:12

Naa' to neɗɗo keɓumiɗum, non maa walaa ekkitinɗoyamɗum, ammaa Yeesu Almasiihu wanginaniyamɗum.

Aafisanko'en 3:3

Allah holliiyam sirru muuɗum, non no mbindirmi seɗɗa nder maajum.

Wahayu Yahaya 1:19

Windu ko ngiiɗaa, ko waɗata jooni, e ko waɗata ɗo'o yeeso.

Wahayu Yahaya 1:9

Min woni Yahaya bandiraawo mooɗon nder tokkuki Yeesu. En njara torra ngam en yimɓe nder laamu maako, ammaa o hokkii'en ɓerɗe munyal. Ɗum yaariiyam leydi ngondi caka ndiyam bi'eteendi Batamos ngam mi wa'ajinii Wolde Allah mi hokkii habaru Yeesu.

Yahaya 3:32

O metii dow ko o yi'i e ko o nani, ammaa walaa jaɓuɗo ko o wi'i.

Yahaya 15:15

Mi fuɗɗitataa mi noddira'on maccuɓe, ngam maccuɗo andaa ko jeyɗomo waɗata. Ammaa mi noddii'on higooɓe, ngam mi andinii'on koo ɗume ɗum nanmi to Nyaako am.

Wahayu Yahaya 4:1

Gaɗa non mi raarii, sey ngiimi wongal dammugal e maɓɓitii e ton dow. Sey nanmi hononde nde nanunoomi arande nandunde e duudol luwal nde wi'i, “Ƴentoy ɗo'o, mi hollumaa ko waɗata gaɗa ɗu'um.”

Yahaya 12:49

Ngam mi metiraayi laamu am, Nyaako Mo Dow lilɗoyam wi'iyam ko mbi'aymi e no mbi'iraymiɗum.

Yahaya 8:26

E woodi fii ɗuɗɗum ɗum ngiɗumi wiiki dow mooɗon, kadin e woodi fii ɗuɗɗum ɗum ngiɗumi taƴanki'on kiita dow maajum. Ammaa on ɗon liloyɗoyam e woodi goonga. Ko nanmi to maako tan mbi'aymi duuniyaaru.”

Wahayu Yahaya 21:2

Nden mi yi'ii Gariiri Ceniindi, waato Urucaliima keyri e ndi jippoyoo daga dow, daga to Allah, ndi siryaama bo ɓaŋaaɗo mo''itiniiɗo ngam gorko muuɗum.

Roomanko'en 16:25

Mangu tabbita to Allah baawayɗo sembiɗina'on barka Habaru Belɗum ɗum nga'ajinaymi dow Yeesu Almasiihu. Habaru Belɗum ɗum ɗum sirru cuuɗaaɗum daga duuɓi ɗuɗɗi ƴaɓɓiiɗi.

Yahaya 17:8

Mi wi'iiɓe boliiɗe ɗe mbiiɗaayam, ɓe boo njaɓiiɗe. Ɓe andii ɗum goonga to maaɗa ƴiwoymi, nden ɓe koolake an liloyiyam.

Tiitus 1:1

Min, Bulus maccuɗo Allah lilaaɗo Yeesu Almasiihu windi ɗerewol ngo'ol. O suɓiiyam ngam mi sembiɗina yimɓe Allah cuɓaaɓe dow hoolaaki Yeesu, mi ekkitinaɓe goonga ngam ɓe njooɗoo jonde wooɗunde yeeso Allah.

Wahayu Yahaya 5:7

Sey Karoori ndin yahi jaɓi deftere nden e jungo nyaamo jooɗiiɗo dow jooɗorgal ngal.

Wahayu Yahaya 17:1

Sey go'oto nder malaa'ika'en njoweeɗiɗo ɓen ɗon jogiiɓe tummuɗe joweeɗiɗi ɗen wari wi'iyam, “Woroy mi holloymaa no Allah halkirta kaaruwaajo indinɗo, on ɗon waato gariiri mawndi ndin ɗon ngondi haade canɗi.

Wahayu Yahaya 19:9

Sey malaa'ikaajo on wi'iyam, “Windu ɗu'um. Ɓe barkiɗinaaɓe kumpitaaɓe humto teegal Karoori ndin.” Nden o wi'iyam, “Ka'a haala ɗum goonga, to Allah ɗum ƴiwoyi.”

Wahayu Yahaya 19:10

Sey ndicciimi yeeso maako ngam mi mawninamo, ammaa o wi'iyam, “Taa' waɗu non! Min maa, mi maccuɗo Allah bo maaɗa, an e bandiraaɓe maaɗa jogiiɓe goonga boɗɗum ka Yeesu wangini. Mawnin Allah! Ngam goonga ka Yeesu wangini kanka waɗi yimɓe mbaawi waɗuki annabaaku.”

Wahayu Yahaya 21:9

Sey go'oto nder malaa'ika'en njoweeɗiɗo ɓen wari, ɓen ɗon jogiiɓe tummuɗe joweeɗiɗi keewuɗe monnere Allah cakitiiɗum. O wi'iyam, “Woroy mi holloymaa ɓaŋaaɗo, debbo Karoori ndin.”

Wahayu Yahaya 22:1

Nden malaa'ikaajo on holliyam caangol ndiyam yonki e ngol ɗelkitoo bo daaroggal e ngol iloya daga jooɗorgal laamu Allah e Karoori ndin,

Wahayu Yahaya 22:8

Min Yahaya, min woni nanuɗo yi'i fii ɗu'um fuu. Carel ko nanmiɗum ngiimiɗum, sey ndicciimi yeeso malaa'ikaajo kolluɗoyamɗum ngam mi mawninamo.

Wahayu Yahaya 22:9

Ammaa o wi'iyam, “Taa' waɗu non! Min maa, mi maccuɗo Allah bo maaɗa, an e bandiraaɓe maaɗa, e annabo'en, e waɗooɓe ko deftere nde'e wi'i. Allah tan mawnintaa!”