Tiitus 3:3 - Fulfulde Nigeria

³ Ngam enen maa ndenno en andaano ko ngaɗeten, en tokkataa ko ɗum wi'i'en, en majjinaama. Suuno duuniyaaru haɓɓii'en, en ngiɗi koo iri ɗume fii kalluɗum. En ngaɗii jonde meeɗen nder halleende e lawliiru, yimɓe nganyii'en, enen maa en nganyiiɓe.

Tiitus 3:3 ပူးပေါင်းရင်းမြစ်များ

Koloosiyanko'en 1:21

Ndenno on ngoɗɗitake Allah, on wanywanyɓe maako ngam ɓerɗe mooɗon nganyiimo nden ngam on kuwa kuuɗe kalluɗe.

Roomanko'en 6:17

Ammaa yettoore tabbitana Allah, ngam ndenno on maccuɓe hakke, ammaa jooni on tokka ekkitinol ngol ɗum ekkitini'on e ɓerɗe mooɗon fuu.

Koloosiyanko'en 3:7

Ndenno on ngaɗa iri kuuɗe ɗe'e nder jonde nde ngaɗaynooɗon.

Roomanko'en 6:22

Ammaa jooni nde ɗum rimɗinii'on daga hakke, nden on ngartii maccuɓe Allah, ɓeydaari ndi keɓoton woni jonde lamnde, nden e re'irde keɓon yonki ki re'ataa.

1 Biiturus 1:14

Ngaɗee jonde bo ɓiɓɓe gaɗooɓe ko ɗum wi'iɓe. To' on tokkiran suuno mooɗon ngo ndenno, ngo ngoodunooɗon carel ko on andaa koo ɗume.

2 Korintiyanko'en 12:20

E mi hula to mi warii to mooɗon, mi tawrataa'on no ngiɗumi, nden onon maa on tawrataayam no ngiɗɗon. E mi hula mi tawra'on hawre, e lawliiru, e mettinki ɓernde, e yidde hoore, e huɗuki, e metuki haalaaji kalluɗi dow woɓɓe, e mawninki hoore, e umminki hakkiilo.

Yahaya 8:34

Yeesu wi'iɓe, “E mi wi'a'on goonga, koo moye gaɗoowo hakke o maccuɗo hakke.

Maatiyu 21:29

Sey suka on wi'imo, ‘Mi yahataa.’ Ammaa daga gaɗa suka on wayliti nyumo muuɗum yahi.

Yaakubu 1:26

Neɗɗo fuu kammiiɗo o tokkuɗo diina no haani, ammaa o suraayi ɗemngal maako, o majjinii hoore maako, diina maako wartii meere.

Galaatiyanko'en 6:3

To goɗɗo e nyuma kanum ɗum goɗɗum koo nde naa' o goɗɗum, e mo majjina hoore maako.

Luka 21:8

O wi'i, “Paamee, to' ɗum majjina'on. Ngam yimɓe ɗuɗɓe ngaroyay nder inde am, ɓe mbi'a kamɓe ngoni min, nden, ‘Carel ɓadake!’ To' on tokkuɓe.

Wahayu Yahaya 18:2

Sey o noddi nder hononde cembinde, o wi'i, “Gariiri Baabiila halkaama! Gariiri mawndi yanii! Ndi wartii to ginni njooɗotoo, to ginni kawritata e koo ɗiye colli nefniiɗi karminiiɗi.

Wahayu Yahaya 13:14

Ndi majjini yimɓe wonɓe duuniyaaru e kayɗiniiɗum ɗum um alindi ndi waɗa e yeeso mardi arandeeri nawniraandi kaafahi ammaa e ndi woodi yonki. Nden ndi wi'iɓe ɓe ngaɗa ngunkiwa nandunga e mardi arandeeri ndin ngam hokkukindi mangu.

Wahayu Yahaya 12:9

Ɗum hubinoyinga nder duuniyaaru. Kanga woni mbooga nga daga ndenno bi'eteenga Gullotooɗo koo Ceyɗan, majjinoowo duuniyaaru. Ɗum hubininga nder duuniyaaru fuu e malaa'ika'en maako.

Roomanko'en 6:6

En andi ngikku meeɗen ɗum ndenno ɗum wardaama e Almasiihu dow gaafaangal, ngam ɓandu meeɗen ndu hakke halkee, ngam to' puɗɗiten ngarten maccuɓe hakke.

Roomanko'en 6:12

Ngam non, to' on alu hakke laamoo dow ɓalli mooɗon maayayɗi haa tokkon ko suuno ɓalli mooɗon ngiɗi.

Roomanko'en 11:30

Ndenno onon yimɓe naa' Yahuudanko'en, on nganyiino Allah, ammaa jooni o yurminanii'on ngam Yahuudanko'en nganyii ngaɗa ko o wi'i.

2 Timooti 3:6

Ngam nder maɓɓe e woodi nattooɓe gure e majjina rewɓe ɓe ngalaa faamu, ɓe hakke nyo''i, ɓe suuno feere‑feere laamii.

2 Timooti 3:13

Yimɓe kalluɓe e munaafuki'en ɓe ɓeyday halleende maɓɓe ɓe ngaɗay ka majjinki yimɓe, kamɓe maa woɓɓe e majjinaɓe.

Tiitus 1:16

E honduko e ɓe mbi'a e ɓe andi Allah, ammaa ko ɓe ngaɗata e holla ɓe andaamo. Ɓe nefniiɓe, ɓe ngaɗataa ko Allah wi'i, walaa kuugal bongal ngal ɓe mbaawata waɗuki.

Tiitus 2:12

Yidde nden ekkitinii'en alen jonde nde Allah yiɗaa e suuno fii duuniyaaru, njooɗooɗen nder duuniyaaru en cura ko'e meeɗen, en ngaɗa ko haani, en tokka Allah e ɓernde go'o.