Roomanko'en 9:4 - Fulfulde Nigeria

⁴ Kamɓe ngoni Israa'iilanko'en, ɓe Allah wartiri ɓiɓɓe muuɗum. O wanginaniiɓe teddungal maako, o waɗaniiɓe alkawalji, o hokkiiɓe Attawra, o holliiɓe no ɓe mawninirtamo mawninki ki goonga, nden o waɗaniiɓe alkawalji ɗuɗɗi.

Roomanko'en 9:4 ပူးပေါင်းရင်းမြစ်များ

Aafisanko'en 2:12

Ciftoree e ngel ton carel on andaano Almasiihu, on ngalaa nder yimɓe ɓe Allah suɓi, on ngalaa nder alkawal ngal Allah waɗi, on ngalaa kammunde, on ngalaa Allah nder duuniyaaru.

Roomanko'en 9:6

Naa' e mi wi'a Allah hebbinaayi alkawal muuɗum. Ngam naa' fuu Israa'iilanko'en ngoni yimɓe Allah ɓe goonga.

Kuuɗe Lilaaɓe 2:39

Ngam Allah waɗii alkawal muuɗum ngam mooɗon, e ɓiɓɓe mooɗon haa e yimɓe woɗɗuɓe, e koo moye mo Allah meeɗen noddi wara to muuɗum.”

Ibraaniyanko'en 9:1

Alkawal arandewal e woodi dookaaji no ɗum mawninirta Allah nden e wuro ngo ɗum nyiɓi nder duuniyaaru ngam mawninkimo ɗonmaa.

Roomanko'en 8:15

Ngam Allah hokkaayi'on Ruuhu gartirayɗum'on maccuɓe haa puɗɗiton ngaɗon jonde nder kulol, ammaa o hokku'on Ruuhu gartirayɗum'on ɓiɓɓe maako. Barka Ruuhu ɗum en mbaaway nodden Allah “Abba! Nyaako meeɗen!”

Yahaya 1:17

Allah hokkii Attawra e laawol Muusa, ammaa e laawol Yeesu Almasiihu o hollii yidde e goonga.

Ibraaniyanko'en 9:10

Nyamki e yarki e loote‑loote feere‑feere ngam diina, ɗum dookaaji ngam ɓandu tan, ɗi ɗum waɗi naa carel alkawal kesal waɗii.

Ibraaniyanko'en 9:3

Gaɗa wudere cendunde suudu ndun e woodi wigeere bi'eteende Wigeere Ɓurnde Senaaki.

Yahaya 1:47

Nde Yeesu yi'i Nataaniyal e waroya to muuɗum, sey meti dow maako, wi'i, “Raa Israa'iilankeejo mo goonga mo fewataa.”

Maatiyu 21:33

“Too, raa goɗɗum misaalu. E woodi goɗɗo joomu ngesa gaɗuɗo ngesa inabooje, o howika, o wasi ngayka mawka nder tafaare ngam moyluki ndiyam daga nder inabooje ɗen, o mahi suudu towndu ngam reenuki ngesa kan. Sey o hokkika woɓɓe remooɓe mo''inaka, o dilli wondi leydi.

Roomanko'en 3:2

E ɗum wooɗi naa' seɗɗa e ɗate ɗuɗɗe. Arande, Yahuudanko'en ɗum hokki boliiɗe Allah.

2 Korintiyanko'en 11:22

To ɓe Ibraaniyanko'en, min maa mi Ibraaniyankeejo. To ɓe Israa'iilanko'en, min maa mi Israa'iilankeejo. To ɓe lenyol Ibraahim, min maa lenyol Ibraahim ƴiwoyimi.

Galaatiyanko'en 3:16

Too, Allah waɗanii Ibraahim alkawal muuɗum e ɓiɓɓe ɓiɓɓeeji maako. Aayaare wi'aayi, “e taaniraaɓe,” waato yimɓe ɗuɗɓe, ammaa nde wi'i, “e taaniraawo maaɗa,” waato neɗɗo go'o tan, kanko woni Almasiihu.

Ibraaniyanko'en 9:5

Dow akwaatiya ngan boo e woodi keruba'en gaɗiraaɓe jiinaari kollooɓe teddungal Allah. Biyeeli maɓɓe e cuddi maɓɓoode akwaatiya ngan to ɗum yaafotoo hakke. Ammaa jooni ɗum waawataa ɗum wi'a koo ɗume no wontindiri dow maajum.

Ibraaniyanko'en 9:6

Gaɗa ɗum siryake koo ɗume non, ardiiɓe diina boo e natta suudu arandeeru ndu Lukuru ngam ɓe kuwa kuugal maɓɓe.