Roomanko'en 9:30 - Fulfulde Nigeria

³⁰ Ɗume mbi'eten kadin? Yimɓe naa' Yahuudanko'en ɓe ɗaɓɓitaayi ɓe ngarta aadili'en, kamɓe ngartiraa aadili'en, waato aadilaaku keɓeteeɗum barka hoolaaki Almasiihu.

Roomanko'en 9:30 ပူးပေါင်းရင်းမြစ်များ

Filibiyanko'en 3:9

mi warta cumpootiroowo e maako. Mi wartay non naa' ngam aadilaaku ɗum ngoodumi ngam tokkuki Attawra, ammaa ngam aadilaaku keɓeteeɗum nder hoolaakimo, waato aadilaaku ƴiwoyɗum to Allah keɓeteeɗum barka hoolaaki Almasiihu.

Ibraaniyanko'en 11:7

Ngam Nuhu e hoolii Allah waɗi o jaɓi wagginol Allah dow ko waroyta yeeso ɗum yi'aaka e carel ngel. O waɗii ko Allah wi'i o waɗi komiwal ngam o hisna wuro maako. Non o holli yimɓe duuniyaaru ngaɗii ko wooɗaa, o boo wartii aadiliijo laawol hoolaaki Allah.

Galaatiyanko'en 2:16

Fuu e non, en andi Allah jaɓataa neɗɗo o aadiliijo ngam tokkuki Attawra, ammaa o jaɓaymo barka hoolaaki Yeesu Almasiihu. Enen maa en koolake Yeesu Almasiihu ngam Allah jaɓa'en en aadili'en barka hoolaaki Almasiihu, naa' ngam tokkuki Attawra. Ngam walaa mo Allah jaɓata o aadiliijo ngam tokkuki Attawra.

Roomanko'en 4:11

Naaduki ki o waɗanaa woni alaama kolluɗum Allah jaɓii o aadiliijo ngam o hoolakemo ko o naadee. Ngam maajum, Ibraahim woni nyaako koo moye kooliiɗo Allah mo Allah wartiri aadiliijo, koo o naadaaka.

Aafisanko'en 2:12

Ciftoree e ngel ton carel on andaano Almasiihu, on ngalaa nder yimɓe ɓe Allah suɓi, on ngalaa nder alkawal ngal Allah waɗi, on ngalaa kammunde, on ngalaa Allah nder duuniyaaru.

Galaatiyanko'en 5:5

En tabbitinii daga to Ruuhu Allah, o jaɓay'en en aadili'en ngam en koolake Almasiihu. En kaaɓii yiikiɗum.

Roomanko'en 10:20

Nden Icaaya metii e sembe ɓernde wi'ii Allah wi'ii, “Ɓen ɗon ɓe ɗaɓɓitataayam ɓe keɓiiyam; mi wanginii hoore am to yimɓe ɓe ƴamaayi no ɓe keɓirtayam.”

Roomanko'en 10:6

Ammaa ɗu'um woni ko Wolde Allah wi'i dow wartuki aadiliijo barka hoolaaki Almasiihu, “Taa' wi'u nder ɓernde maaɗa, ‘Moye yahata ton dow?’ ” (Waato ngam waddoya Almasiihu nder duuniyaaru),

Roomanko'en 9:14

Ɗume mbi'eten? Jooni en mbi'ay Allah waɗii ciya aadilaaku won ɗon? Naa' non, koo seɗɗa!

1 Biiturus 4:3

Jonde nde ngaɗɗon ndenno iri nde yimɓe ɓe andaa Allah ngiɗi, nde heƴii non. Ndenno on ngaɗi ka halleende, e suunooji kalluɗi, e yareyareeji pooɗooji jonde meere, e mawninki gunkiiji fii koo wooɗaa.

1 Timooti 6:11

Ammaa an, nde a hoolake Allah, woɗɗita fuu fii ɗu'um. Waɗu hoore maaɗa dow waɗuki ko wooɗi, e tokkuki Allah, e hoolaakimo, e yidde, e munyal, e hakkiilo.

Galaatiyanko'en 3:24

Ngam non, min ngaɗaa ley laamu Attawra yaaki carel ngel Almasiihu wari ngam min ngarta aadili'en, to min koolakemo.

Galaatiyanko'en 3:8

Ko neeɓi aayaare wi'ii Allah jaɓay yimɓe naa' Yahuudanko'en ɓe aadili'en to ɓe koolakemo. Kanjum waɗi Allah wa'ajinani Ibraahim Habaru Belɗum wi'i, “Barka maaɗa ɗum barkiɗinay koo ngole lenyol nder duuniyaaru.”

Roomanko'en 10:10

Ngam nder ɓernde neɗɗo hoolotoo Almasiihu nden Allah wartiramo aadiliijo, nden e honduko neɗɗo wi'ata e njayri Yeesu woni Joomiraawo hisa.

Roomanko'en 9:31

Ammaa Israa'iilanko'en ɗaɓɓutuɓe ngarta aadili'en ngam tokkuki Attawra, ɓe keɓaayiɗum.

Roomanko'en 5:1

Ngam non, nde Allah wartiri'en aadili'en ngam en koolake Yeesu Almasiihu, en ciryootirii e Allah barka Joomiraawo meeɗen Yeesu Almasiihu.

Roomanko'en 4:22

Ngam Ibraahim hoolake Allah, “Allah wi'i o aadiliijo.”

Roomanko'en 4:13

Allah waɗanii Ibraahim e ɓiɓɓe ɓiɓɓeeji maako alkawal wiiki kamɓe ndonata duuniyaaru. Allah waɗii alkawal nga'al naa' ngam Ibraahim e tokka ko Attawra wi'i, ammaa ngam aadilaaku keɓeteeɗum barka hoolaaki Allah.

Roomanko'en 4:9

Too, barka ɗu'um, Yahuudanko'en tan keɓataɗum, koo haa e yimɓe naa' Yahuudanko'en? En mbi'ii, “Ibraahim hoolake Allah; ngam maajum Allah wi'i o aadiliijo.”

Roomanko'en 3:5

Ammaa to ciya aadilaaku meeɗen wartii laawol tabbitinki aadilaaku Allah, ɗume mbi'eten? En mbaaway wiiki Allah walaa aadilaaku to o torrii'en? (E mi meta ɗo'o no yimɓe metirta.)