Roomanko'en 9:3 - Fulfulde Nigeria

³ Daa min e hoore am mi laanee ɗum sendayam e Almasiihu ngam lenyol am keɓa kisndam.

Roomanko'en 9:3 ပူးပေါင်းရင်းမြစ်များ

Roomanko'en 11:14

ngam mi waɗa bandiraaɓe am Yahuudanko'en nana lawliiru, non hisna woɓɓe maɓɓe.

Galaatiyanko'en 3:10

Fuu giɗɓe welnanki Allah ɓernde laawol tokkuki Attawra ɓe laanaaɓe. Ngam aayaare wi'ii, “Koo moye mo tokkaayi koo ɗume bindaaɗum nder deftere Attawra o laanaaɗo.”

1 Korintiyanko'en 16:22

Fuu mo yiɗaa Joomiraawo, Allah laanamo. Yaa Joomiraawo amin, waroy!

Galaatiyanko'en 3:13

Yeesu Almasiihu rimɗinii'en daga laaneeki ki Attawra waddi, nde o warti ko laanaa ngam meeɗen. Ngam aayaare wi'ii, “Koo moye baraaɗo dow lekki o laanaaɗo.”

Galaatiyanko'en 1:8

Ammaa koo minon, koo malaa'ikaajo ƴiwoyɗo daga dow wa'ajinani'on wa'ajinki feerootirki e Habaru Belɗum ɗum min nga'ajinani'on, Allah halkamo nder hiite.

1 Korintiyanko'en 12:3

Ngam non, e mi yiɗi andon walaa neɗɗo mo Ruuhu Allah tokkinta wi'a, “Yeesu o laanaaɗo!” Non maa walaa baawayɗo wi'a, “Yeesu o Joomiraawo,” sey ni to Ruuhu Allah tokkiniimo.

Roomanko'en 11:1

E mi ƴama, Allah wanyii yimɓe muuɗum? Goonga, o wanyaayiɓe. Min e hoore am mi Israa'iilankeejo, taaniraawo Ibraahim daga lenyol Biliyaaminu.

Kuuɗe Lilaaɓe 13:26

“Onon bandiraaɓe am, lenyol Ibraahim, e onon kulooɓe Allah wonɓe nder meeɗen! Enen ɗum waddani habaru kisndam.

Kuuɗe Lilaaɓe 22:5

Mawɗo Mawɓe Ardiiɓe Diina e Kawtal Mawɓe boo ɓe mbaaway tabbitinanki'on ko mbiimi'on ɗum goonga. Daga to maɓɓe keɓumi ɗereeji yaaki to Yahuudanko'en wonɓe gariiri Dimasku. Mi yahi ton nangoyki tokkuɓe Yeesu, mi waddaɓe Urucaliima ngam ɓe torree.

Kuuɗe Lilaaɓe 28:21

Yahuudanko'en ɓen mbi'imo, “Min keɓaayi ɗerewol daga leydi Yahuudiya kollayngolmin habaru maaɗa. Kadimaa boo walaa koo go'oto nder bandiraaɓe amin garɗo wi'imin habaru ɗum wooɗaa dow maaɗa.

Roomanko'en 1:3

Habaru ɗu'um ɗum dow ɓiɗɗo maako Joomiraawo meeɗen Yeesu Almasiihu. Nder ɓandu kanko daga lenyol Dawda.

Roomanko'en 9:2

E mi wannii naa' seɗɗa, nden nawɗum ɓernde am walaa re'irde ngam bandiraaɓe am Yahuudanko'en.

Roomanko'en 16:7

Kownaneeyam Andaroonikus e Yuuniya, bandiraaɓe am Yahuudanko'en tokkuɓe Yeesu ɓe ɗum maɓɓidi e am nder suudu cural. Lilaaɓe e andiɓe boɗɗum, kadin ɓe artiiyam hoolaaki Almasiihu.

Roomanko'en 16:11

Kownaneeyam Hiruudiyan bandiraawo am Yahuudankeejo. Kownaneeyam Narkisus e iyaalu maako e fuu tokkuɓe Yeesu gonɓe nder wuro maako.

Roomanko'en 16:21

Timooti mo kuudaymi e howna'on, non maa Luusiyus, e Jaason, e Sosifata, bandiraaɓe am Yahuudanko'en tokkuɓe Yeesu.

2 Korintiyanko'en 12:15

Mi nanay belɗum hokkuki hoore am e fuu ko ngoodumi ngam mooɗon. To mi ɓeydii yiɗuki'on, on ustay yiɗukiyam?

Galaatiyanko'en 1:9

Non no min mbi'unoo ndenno, jooni e mi fuɗɗita wiiki: To goɗɗo wa'ajinanii'on wa'ajinki feerootirki e Habaru Belɗum ɗum njaɓuɗon arande, Allah halkamo nder hiite.

Aafisanko'en 6:5

Onon maccuɓe, ngaɗanee jeyɓe'on gonɓe nder duuniyaaru ndu'u ko ɓe mbi'i'on nder mangu. Ngaɗeeɗum e ɓernde go'o bo Almasiihu ngaɗanton.