Roomanko'en 9:22 - Fulfulde Nigeria

²² Non kuuɗe Allah mba'i. O yiɗiino o holla monnere maako, nden o wangina bawɗe maako dow kaanuɓe o monnanaɓe, kewtuɓe kalkee, ammaa o munyaniiɓe munyal mangal.

Roomanko'en 9:22 ပူးပေါင်းရင်းမြစ်များ

Yahuuda 1:4

Mi wi'u ɗu'um ngam woɓɓe yimɓe nattii nder mooɗon e suuɗe. Ɓe kulataa Allah, e ɓe mbi'a Allah yaafanto'en hakke, ngam non en ngaɗu ka waɗuki hakke. Ɓe nganyii Mawɗo meeɗen Joomiraawo meeɗen go'oto tan mo ngooduɗen, Yeesu Almasiihu. Aayaaje bindaaɗe ko neeɓi mbi'i ɗum taƴanayɓe kiita kalluka.

1 Biiturus 2:8

Ɗonmaa wonde aayaare wi'ii, “Ɗum hayre gaɗoore yimɓe feggoo, gaɗoore yimɓe njana.” E ɓe peggoo ngam ɓe nganyii waɗuki ko Wolde Allah wi'i. Non ɗum siryaniiɓe.

Roomanko'en 9:21

Ngam gaɗoowo gojiije o waaway o huutira loope no o yiɗi. O waaway o huutira loope o waɗa gojiije, goɗɗe ngam ɗe kuutiniree kuuɗe ɗe daraja, goɗɗe ngam ɗe kuutiniree kuuɗe ɗe ngalaa daraja.

2 Timooti 2:20

Nder wuro mango naa' tummuɗe ɗe ɗum waɗiri jiinaari e ajurfaari tan ngoni nder, ammaa e woodi tummuɗe gaɗiraaɗe leɗɗe e loope kadin. Goɗɗe e kuutiree ngam humto, nden goɗɗe ngam koo ndeye.

1 Tasaloonikanko'en 2:16

E ɓe kaɗamin wa'ajinanki yimɓe naa' Yahuudanko'en ngam to' yimɓe ɓen keɓa kisndam. Non e waɗa koo ndeye e ɓe kebbina poondirɗum hakke maɓɓe. Ammaa monnere Allah yaadake jipponoyakeɓe.

Roomanko'en 9:17

Ngam aayaare wi'ii Allah wi'ii Fir'awna, “Mi wartiriima laamiiɗo ngam mi huutirmaa mi holla bawɗe am ɗum andina inde am koo toye nder duuniyaaru.”

2 Biiturus 2:3

Kamɓe ceede ɓe ngiɗi. Ngam non ɓe majjinay'on e metemeteeji fewre ngam ɓeydaari ko'e maɓɓe. Ammaa daga ndenno ɗum siryake taƴankiɓe kiita, halkere maɓɓe e ɗon heɗiiɓe.

1 Tasaloonikanko'en 5:9

Allah suɓaayi njaren monnere muuɗum, ammaa o suɓanii'en heɓuki kisndam barka Joomiraawo meeɗen Yeesu Almasiihu.

2 Biiturus 3:15

To' on ngejjutu, Joomiraawo e munya ngam e mo yiɗi yimɓe kisa. Non maa higo meeɗen Bulus mo ngiɗɗen windani'on nder faamu ɗum Allah hokkimo.

2 Biiturus 2:9

Fuu fii ɗu'um hollii'en Joomiraawo e andi no hisnirta kulooɓemo daga torraaji, e no o waɗata ka torrirki kalluɓe haa o hiitooɓe Nyalnde Jaango.

1 Biiturus 3:20

Ruuhuuji ɗin ɗon kanji ngoni ɗi tokkaayi Allah ndenno e jaamanu Annabi Nuhu. Allah heɗake e munya carel ko Annabi Nuhu waɗata komiwal. Yimɓe seɗɗa tan nattingal kisi ndiyam tufaana, kamɓe njoweetato.

Roomanko'en 1:18

Monnere Allah e wanga daga dow dow yimɓe ɓe kulataa Allah e dow kuuɗe maɓɓe kalluɗe ɗe ɓe nyo''irta goonga.

Roomanko'en 9:20

Ammaa an neɗɗo, a moye haa a foɗfoɗtira e Allah? Gojiire waawataa wi'a gaɗuɗonde, “Ngam ɗume ngaɗirɗaayam nihi?”